شمعة الاحرار

[شهد الغرام]

يعكال الشرف يا شيمة الاحرار
ياجرغة التنام الطيب بختارة
يا شيلة شريف مطرزة بعادات
ويا صاية صبحت للناس عبارة
احس الدنيا طلكت وهزت النة الكون
يوم انولدت وصار اسم العمارة
بيهة الجم سبع الاندفن جوة الكاع
مو جيفارا لا الفين جيفارا
خنجر بعدة شعرة تسمعة كل الناس
زرعها ورود فوك الكبر اشعارة
النخل مانكر فضل الكاع الة فد يوم
حمة راس السعف من شاف جمارة
المعزل بابة ضل مفتوح حد اليوم
مايعرف يسدلك بابة من دارة
واذا يصعب تعزب لليجي من بعيد
السمج يركض الك لو شاف سنارة

[حيدر القريشي]

حس الدنيا طلكت وهزت النة الكون
يوم انولدت وصار اسم العمارة

والله والنعم من اهل العماره
سلمت الانامل على هذه القصيده الرائعه
تقبلي تحياتي اختي العزيزة
مع اطيب امنياتي

[شاعر غرام]

واذا يصعب تعزب لليجي من بعيد

السمج يركض الك لو شاف سنارة

حياج الله وحيى أهل العماره
قصيده روعه في معناها
تقبلي مروري
الخالدي

[سلام الدراجي]

اختي شهد تسلمين قصيده رائعه عاشت ايدك وبارك الله بيج