كلب الحب رسمته

[ام علاوي]

كلب الحب رسمته بجف يسرتي وهاك
شوف اسمك كتبته بشوكي بيميني
بنص درب العشك شو تيهتني شبيك
تدليني كلت.. شو وينك ؟ما تدلّيني
اليذكروني عفتهم لجل شوكي وياك
واني اتذكّرك وانت الي ناسيني
ضحّكتك من جار الزمان عليك
حرام عليك تتعمّد تبجيني
بايعني برخص واني بغلاة اشريك
مو انت الكلت بالروح تشريني
صرتلك كلّي شمعه ونوّرتلك دوم
عكب ما خلّصتلك نور عشريني
بعد ما كلت آه ودرت وجهك ليش
لإن طرواك كتلك ضل يداويني
ولإن كتلك ضواي ونور عيني اتصير
تريد اتروح عنّي اتريد تعميني
روح وداعت الله بس اكلك ها
الي رب ٍ الكريم الصبر ينطيني

منقوووووووووووووووول

تحيااااااااااااتي

[سلام الدراجي]

احسنتي وصح السانج ام علاوي لتقل قصيده جميله دمتي بخير

[ملك الرومانسيه]

صح لسانج ومشكور كلمات اكثر من رائعه

[ام علاوي]

تسلملي طلتك اخي سلام الدراجي

مميز بردك وبمرورك دائما
لك مني ارق التحايا
ام علاوي

[ام علاوي]

نورتني ياملك وانت فعلا ملك بروعة مرورك
لك مني ورده جوريه

تحياااتي
ام علاوي

[أسامه الشاعر]

انتي رائعه وذواقه في اختيارك ام علاوي
تقديري لك

[ام علاوي]

الاروع هو مرورك ياشاعر
وشهادتك هذه وسام اعلقه على صدري
دمت اخي ودامت طلتك
ام علاوي