مقتطفات @@@

[بلسم الروح]

انه اشتاكيتلك واهتزت الروح

وينك ياضوة عيوني وحبيبي

الصخر حن وسمعني وكالي شبيك

عجيبة شلون ماتسمع نحيبي

احس نار اني بيه تاكل اروح

بس حضنك يطفيلي لهيبي

الف دكتور جابو ماتداويت

لان قفلتهه بس انته حبيبي

************************

اخذني الشوك الك وبابكم جيت

اجيت بلا وعي وراحت جدامي

كتبت ابابكم ياعمري حنيت

وعلى حالي بقه يبجي كلامي

اجيتك شوك بيه يغرك جبال

والف بحار مايعبر غرامي

يمر اسمك علي ويهيج الروح

ويفطر كلبي من دون الاسامي

***********************

مو موضوعنه وعتابك انساه

مو وكت العتاب ومالي خلكه

حسرة لان بيه كون تنشاف

احس ثوب العلي لو كتلي اشكه

تسولف لاتسولف كلشي انساه

حضنك وينه موعذبني فركاه

ولتكلي نسيتك هذا ممنوع

حجيك هذا مامجبور اصدكه

حجيك هذا مامجبور اصدكه


منقول

[امير الاحزان:]

انتي ما مجبورة..بس احنه مجبورين لقراءة كلماتك حتى النهاية
لان شفافيتها وروعة شاعريتها اجبرتنا على الاستمرار حتى النهاية
تحياتي الك اختي الغالية

[حيدر القريشي]

مقتطفات في غايه الروعه
من ابداع الى ابداع اخر
سلم لنا هذا الذوق الرفيع
مع ارق التحايا
واطيب الامنيات

[بلسم الروح]

الله على روعة كلماتكم

افرح فرح غامر حين اقرأ ردودكم العالية الذوق والروعة

تسلمولي وتسلملي هالكلمات الروعة

تحياتي واعتزازي بمروركم العطر

[سلام الدراجي]

تسلمين بلسم على هذا الابداع وووووووووودام لنا نبض قلمك الراقي دمتي بحفظ الرحمن

[بلسم الروح]

شهادة اعتز بيهه استاذي العزيز

تسلملي ياغالي

يحفضك ربي ويخليك مرورك يسعدني جدا منور والله

تحياتي