مثل حوط الرمش ولكل سواد العين
هيچ انتي محيطه بگلبي لو تدرين

غربة ودربهة طويل وشمع الصبر ذاب
ما ألنة حظ وياج يا دار الأحباب

تشكيلي هم البيك متكلي ياهم؟؟؟
لمن يجيني الليل اهاتي تلتم

كل ساعة الك محبوب كل ساعة يم باب
يا كلبي ما مليت مو صرنا شياب

اندار الزمان ودار وجهه ونكرني
بهجره شريچ الروح هو الدمرني

هم عيروا بالشيب بعض الاوادم
يمكن الحب زعطوط لابس محازم

حلوة منك ياكناري الفرات
جميل جدااا الرد
تحياتي لك

شسوي يا احلام مدري منين جبتي هالدارمي
اللي اليوم شاب ففي الغد سيكون شايب والشياب تجارب الحب عندهم اوسع واكثر من الشباب
والحب والغزل ليس حكرا على احد


لو بالگبر هالناس گالولي شتريد
گلتلهم ابغي هواي وشدولي تبريد


هههههههههههه شفتي شلون يا احلام

هههههههههههههه

والله موقصدي عليك
بس عجبني المعنى في بيت الدارمي

حبينه بالعشرين ومانفع حبنا
تاليها بالسبعين كعدنة حظنا

شرايك بهل الارتجال

تحياتي

صدگيني لو تسعين هم عمرچ يصير
گلتي بليالي صباي حلوه التصاوير

مـــاادري ليــش ارتــــاح.. من يمي تـــگــعد
واصـــبــح مــثــل بـــركــان.. من عـني تبــعد

ماكو حظ هي كوة منين مااجيبة تصد
وكلما اكول حظي كعد الكاها ترد

بقلمي

نار الكلب بجفاك تحرك بالانفاس
ولوما الصدر كدام جا حركت الناس

تحياتي للجميع

تطير روحي اشتاگلك وانته قريب
يللي صوتك شبه صوت العندليب

جيت ادورلك لأن نبضي معاك
جيبه كافي شلون تاليها شجاك

شيبت بالعشرين هم يرضة أحد؟
السبت أشوفه! ألكاه ميت بالأحد!!

الدهر بس وياي راكب احصانه
ويكلي وين تروح كدامك آنه

يادهر بسك عاد كافي نتلاوه
من زغر سني وياك واحنه عداوه

شفت الصكر مربوط وحرسه عصفور!!
شوف الزمان يدور حتى اويه الطيور!

لاجرح لاجرحين لاشك واشله
وتكومت الجروح عله اعله عله

ماظل كتر بالروح مابي جرح حار
حتى الجرح مجروح جرح بجرح صار

بس آنا مو عصفور آنا كناري
اتعارك وي صگور لو بالمذاري


ههههههههه

حاشى
لماقصد الكناري ابدااا ولااحد غير الكناري
وانماالقصد ببيت الدارمي والزمن


الف تحية وتقدير واحترام لكناري الفرات المبدع
اخيتك حلومة

[quote=أنثى شرقية;1027010]شفت الصكر مربوط وحرسه عصفور!!
شوف الزمان يدور حتى اويه الطيور!

الزمن طبعه يدور ويوميه حال يصير..
وصكرج لو وثاقه يطيح تبقى العصافير...
مع تحياتي

الدمع وسط العين من احچي ينهار
وضميته وسط الروح لمحبوبي تذكار

نور ونظر للعين ولكلبي دكات


لو بيدي اودي الروح ماودي كلمات

افرجها ياربي شمتاني



والله متت من ناري واحزاني

[quote=أنثى شرقية;1030551]
افرجها ياربي شمتاني




والله متت من ناري واحزاني
قال الامام علي عليه السلام
عند تناهي الشده يكون الفرج اصبري
بس يلتفت لحظات يفرجها ربج
نارج والاحزان تروح ..ينسعد كلبج

كلما يمر طرواك ارتجف ونهت
هلبت تمر بالطيف ياولفي هلبت

طبع الدهر مشيوم بجاني مرات

الفرح مامر يوم ولا مرني لحضات

دلالي من فركَاك بي ميت الف طر
جامه وسحكَهه الريل راح وتطشر

مو خوفي عالدلال نيراني تجويه
خوفي اعله مودك حيث انته اسكنت بيه

الجنج ازامط بيه وتخيريته
متحزم ويه عداي واكَف لكَيته

تحجي بلسان الشوكَ يادمع تحجي
واحجي بلسان الشوكَ يادمع وبجي

مثل الغصن خليك بالعسر ويسار
من يخله يشمخ فوكَ وتهبطه الثمار

بضلوعي وكَدة نارمن ضيم الايام
جا كَلبي المحروكَ مو حكَه لوهام

باجر يجي المحبوب ويغمض الجفون
جم باجر اتعداكَ ياشوكَ العيون

ما صدكَت يهواي تتهنه بغيابي
وانه بغيابك دوم زايد عذابي

منك من الشيطان من هل الفراكَ
كلبي بهواك احتار والفركَتك ضاكَ

شخص الغبر والشين لوخوي انافيه
موبس عداوة يوم للموت اعاديه

كل عاقل ايحس بيج يادنيه مره
والجاهل الحيران زولج يغيره

يوم الي عني اتغيب حسبالي اشهور
والشهر من فركَاك يصبح عليه ادهور

ياكَلبي مو وعديت عن ولفك اتوب
شوبس يمر طرواه تحتركَ وتذوب

صوتي اليريح الروح ضيعته بالريح
بضلوعي لوع بصوت ياكَلبي وتصيح

يوم ان جنت محتاج شخصك عفتني
يوم ان صرت محتاج شخصي ذكرتني

كلمن تامن بيه وتكَله اسرار
شدله مكبر صوت وضل يعلن اخبار

بضلوعي وكَدة نارمن ضيم الايام


جا كَلبي المحروكَ مو حكَه لوهام




الله يا هدار فعلا دارميات اعجبتني تحمل بين طياتها من المعاني والدروس والعبر ما هو اروع واجمل وأرقى من كل ماقيل

يوم ان جنت محتاج شخصك عفتني
يوم ان صرت محتاج شخصي ذكرتني
الله عليك اخويه الغالي
درامي رائعه سلمت اناملك الذهبيه على جميل ماطرحت
تمنياتي لك ابداعا يصل بك الى النجوم
تـ ح ـــــيتي

تغيب الروح بغيابك واردها
كتاب جفاك من عندك وردها
روحي بفركتك يذبل وردها
شمس انت وتنور الدرب ليه

يالردت عني تروح روح بسلامه
بس عدنا راح يصير يوم القيامه

كالو تريد اتروح واتعذب الروح
امودع الله اوياك بس ابقى لتروح

عندك اصيرن طير كون وي الطيور
من أيدك اللكط حب وجناحي الك سور

ابقى مااروح ابعيد بس ابقى وياك
ماترضى تشوف العين تعمى بالياك

كونك تصير الطير ماشي اليطيرون
ولدكَلي اصير احنين بلكي تعودون

يالردت عني تروح روح بسلامه

بس عدنا راح يصير يوم القيامه




يوم القيامه ايصير من راح اشوفك
مارحت انه ابعيد ناطر ضروفك

تغيب الروح بغيابك واردها

كتاب جفاك من عندك وردها
روحي بفركتك يذبل وردها
شمس انت وتنور الدرب ليه


لورايد ترد الروح بالغيبه عنك
جلمه وفرد احسان تطريهه فنك
0000000000
ورد روحك كتاب اجفاي ياعمي غلطان
مااجفي انه وياك يااغله انسان
0000000000
لو ذبل ورد الروح وبغيبتي هاي
شلال الك هالعين وتنزل الماي
0000000000
الدرب الينور بيك دوم اعتنيله
جا شلي بالرجلين لوما تجيله
00000000000
شكرا لك فراتيه وتقبلي مروري

ارتبك حقي وياك .. ما ارتبك ليش
والشوك الك بالروح تقهر اشد جيش

لا ترتبك وياي اي وحكَ ربك
الك افدي الروح جيف انه احبك

كل جرح بيه يطيب اكدر على دواه
بس جرحي من فركاك متحير وياه

يالكَلت سبع سنين عمر الكَلب شـــاط
آنه لفاني الظيم من لف الكَمــــــاط

اكَدر اطيب الجرح واكَدر اداويه
كَلبك اجيبه اوياي نص روحي اخليه

غزوه غزاني الدهر من طلكَت امي
شاب الكَلب ياناس من هذا همي

ماعندي كل جروح بس جرح فركاك
وكل جرح بيه يطيب من اكعد وياك

مهما تريد اتغيب بعيوني اشوفك
كَمره انته واهلالين واشلون اعوفك

تدري الله من سواك مادزك بساع
خاف انقلاب يصير من توصل الكاع

ماضل جرح هاليوم والمحنه زالت
شفتك حجيت وياي والركَبه مالت

صدكَني لا فد يوم لا لحظه اعوفك
نجمه بسواد الليل يوميه اشوفك

نار السهر والله جوتلي العيون
ومن كثر سهر الليل صرت انه مجنون

تدري الجمال البيك نظرت اعيونك
ينكَلب كل الكون من يشوفونك

يحله السهر وياك ياماي العيون
ولمن تروح بعيد صرت انه مجنون

بقلبي اضمك كون واقفل عليك الباب
صدكني اموت عليك يا اغلى الاحباب

ابكَلبي اضمك كون وقفل البيبان
صدكَني اموت عليك يااغلى انسان

بسمك أسمي الناس صارتلي سوله
وحتى اسمي اغلط بيه وأسمك أكوله

: ساعدني حتة انساك وأمن أذيتي حبك هوة ومااريد تشتمة ريتي

ها ناسي ها مليت ها لوقرولك
لوشفت غيري يلوك طوله وي طولك

تيهت ياهل ناس ماصافي البال
كَاعد وفكر بيك شل فكري هالحال

لا والله ماناسيك انته اعله بالي
لاشفت غير اهواي ولحد قرالي

خطار انا وطبیت بالمنتدا الیوم
اسمع حچی الحلوین وانساها الهموم

خطار انا وطبیت اسمع حچیکم
امغازل ودمعات ینزف بچیکم

اهلا وسهلا بيك ياهلا بجيتك
همك يخي ينزاح داخل ابيتك

مو انته راعي البيت خطارك احنه
حجيك يزول الهم ماخله محنه

ما ضل حچي النحچیه من های الایام
انت التخیط اجروح واتطیب الالام

مابيه اخيط اجروح والجرح بيه
كلما اخيط اجروح تطلعلي ميه

والرجل چا شیفید وابلایه اجروح
اصبر علی بلواي والطلعة الروح

من كثر مامليت والجرح خزن
كل ما اخيط اجروح ساعه ويطكَن

اجروحی بل الاف من الغوالي
جرحک یخي امنین جاوب سوالي؟

جرح الزمان النوب حيل اوجر وياي
وكل جرح ميه ايصير من سافر هواي

تركض تلم فلوس شكد رايد تعيش
الجفن هم بية جيوب مثل الدشاديش

مارايد انه فلوس لا رايد العيش
الجفن هالمبلون محد سأل ليش

من شفتة انه وخليت عيني على عينة
كلته اليحبك اااااااااه الله اليعينة

ياناس ولفي حليو عنده ابتسامه
من يبتسم هلكون يشرق ظلامه

اجرحني انته وشوف عاين عليه
ما يمشي دم بحشاي تمشي انت بيه

تسئلني كل الناس عن امنياتي
اتمنة بس وياك تخلص حياتي

مخلص تظل للدوم هذا أنت طبعك


وغصبن عللى الحساد أنت احلى ربعك

وردة وغصن مجروح هذا انه حالي
دمعة بجفن ذبلان شوف اشجرالي

كلساع افكر بيك كل لحظه كل يوم
حته من اغمض عين تطلعلي بلنوم
::::::::::::::::::::::::
يشهد علي الكرار ماكو مثيلك
ومثل الزحف لحسين ازحف وجيلك
:::::::::::::::::::::::
هذا ندا لامير المؤمنين
من البصره متعنيك بسمك نخيتك
ولو ادري ناس اترد جا ما اجيتك
::::::::::
هذه بقلمي المتواضع
وشكري الحار ليونس الجبوري
::::مجتبى القباني::::

ظيم الحملتة هواي من عمري سنتين
كل سنة بعشر سنين يضربهة بثنين

ادعي الله كون ايعين كل اليحبون
حبه ثبت بالدلال من صدلي العيون

احلى ابتسامه البيك لو ضحك سنك
يضوي بجماله الكون لو شركَ ضيك

دم انته بالشريان عاين وريدي
وكلما الكَلب يشتاك افتحله ايدي

انته الجسد والروح ونته حياتي
تنجمع روحي وياك هاي امنياتي

عين الله حبيبي عليك يكتل جمالك
مخلص تضل للدوم توفي بكمالك

اكَعد ابنص الليل والطم على الراس
ابجي ابهده اوبسكوت لا تسمع الناس

امدون البكائين بالسفر خمسه
سادس اسم لو شاف شبجي انه هسه

طــحت بمــرض مــو زين.. گـالولي الهّ
ولفــك يحضــنك حيــل. مــا تبــقه عـــله

مــو كل اليحــبون.. حبــهم مثــلنه
اكثــرهم يــلعبــون.. وبلا محـــنه

اگــدر اعـــيش بــدون.. حبــك اذا تــروح
بــس عيــشه الاصــنام .. لا حــس ولا روح

يالبردي حظنك ماي وتون على الماي..
مو حكي لو ونيت يمك على أهواي..

بيه مرض موزين كالولي اله
ولفك يحضنك حيل ماتبقه عله

عله اصبحت بالروح كل ما تبعدون
تشفه وتطيب ابساع لمن تعودون

تجفي وتروح ابعيد وحدي عفتني
صدكَني بالدلال طلقه وصبتني

ساهر عليك الليل والكَمر شاهد
نايم يبعد الروح لومثلي كَاعد

تبجي عليك العين وتريد اشوفك
دم انته بالشريان وشلون اعوفك

رايد اجيك ابليل وتعنه يمك
لصبح كون اوياك كل ساع اشمك

سوبر اعيون اهواي وخدوده اوئم
والكَذله شوفر ليت والركَبه بيكم

ياخلكَ والله هواي تكتل اعيونه
الي بجه اعله هواه هم يلومونه

يالغبت جمله ســـنين ما چنها يومين
هم مثلي لي تشتاگ ومساهر العين ؟

هم مثلي لي تشتاگ يا نور العيون
لو بس تلوم هـــــــواك ويه اليلومون

تاه العقل ياناس وتوجع دليلي
مالي غير الصبر وادعي ربي

بقلمي

هم مثلي لي تشتاگ ومحارب الزاد
لو مثل طبعــــــــك ذاك وراهم للعناد

هم مثلي لي تشتاگ وتدگ على الراس
لو تظل بيدك ســـــــيف وتهــــــدد بفاس

هم مثلي لي تشتاگ وتتنطر الجاي
لو همك التشــــــريب ومحضر الچاي

كل همي ننسه الراح ومواصل احباب

واتنطرك كل يوم واتمر على الباب

====
تحياتي لك شاعرنا المميز كناري

ماظل شوك بالقلب ماناح وبجه العيون
وظلت روحي تناطر لملكاك وماملت العيون

بقلمي

واتمنى يوكن البيت موزون
تحياتي

كل همي ننسه الراح ومواصل احباب

واتنطرك كل يوم واتمر على الباب

====
تحياتي لك شاعرنا المميز كناري


حياچ الله اختي الكريمه وسن المنصوري في منتديات الفرات
تشرفت بمرورچ

كل همي تنسى الراح وتنسى المواعيد
ووجهي ملاه الشــــــــــيب ويه التجاعيد

ماظل شوك بالقلب ماناح وبجه العيون
وظلت روحي تناطر لملكاك وماملت العيون

بقلمي

واتمنى يوكن البيت موزون
تحياتي


عاشت ايدچ يا احلام
المهم تكتبين
راح اكتب بنفس المعنى اتمنى يعجبچ

بالگلب فاض الشوگ من نوح العيون
كلي شوكت الگــاك يا اغلى مجنون

حياك الله ياكناري الفرات
وتسلم لجميل بيت الدارمي
ومنكم نتعلم

تحياتي

كلي اشوكت اضل اتناك يالبعيد
ماضل صبر بالروح ومهجتي تريد

بقلمي

كال القلب حبيه واستمتعي بحبه
تالي القدردك الباب وفرقني عنه


بقلمي

دك بابه القدر وافتحته بيدي
ولاجت مهجتي والعين وقلب بيدي


بقلمي

فزقلبي وصاح من نومة مرعوب
لن بالحلم شفت حبيب الروح مذبوح

مبين غير موزون هذا البيت
تحياتي

معد انتظر مليت ومل صبري مني
وانته مع العذال منشــــغل عني

يمه امنمس واليوم محبوسه الجروح

يمكن حضر تجوال باجر على الروح

يحله العشك وياك وتحله المشاعر
ومصدكه هيه الروح عاشكه شاعر

يحله العشك وياك وتحله الايام
متولعه بيك الروح صارلها اعوام

شاعر انه اليوم بس للفراتيه
اعشكها عشك مجنون وبكلبي هيه

بظني دريت الروح ما تهوى غيرك
ولو ردت عني تروح انت وضميرك

انت وضميرك روح وتحاسب وياه
وما تنفعك لو خان حت گولت اوآه

تبجي بغزاره.. نكول هنيال العيون
وشلت دمع العين وصبحت مجنون

اشكد دمع بالعين وشل والك صب
صاح الكَلب وياك ياالف مرحب

شايف كلب يعقوب من فارك ابنه
هيجي انه كلبي عليك صدكني حزنه

عيون البشر حلوات بس عينك احله
خظرة وتسلب اعقول لو تحط كحله

طولك حلو يهواي وعيونك احله
من ربهه سوده العين مابيه كَحله

شايف گلب ايوب من مسه الدود
گلبي عليك التـــآآع مثله يمگرود

كل مصباح يمر علية تدمع العين
ارد واسئل عيوني ؟ليمتى تهل العين

بقلمي

جاوبني جفن العين وكالي أصبري
رد عليه القلب والروح كافي توني

بقلمي

كل مصباح يمر علية تدمع العين
ارد واسئل عيوني ؟ليمتى تهل العين

بقلمي


اوووووووف ليش بس
على كل عاشت ايدچ


دموعچ عزيزه هواي والله يأحلام
لچ الله والتوفيــــق عام بأثر عام


وجمعة مباركه
مضطر اطلع صار وقت الصلاة

اسمر واخاف عليك من مشية الكاع
فوك الجمال البيك عيونك وساع

مثل الرمل مافاد ماي المطر بي
كلبي الك عطشان بس انت تروي

دورت ما خليت لجروحي بلسم
لاتنشد على الحال بس الله يعلم

بعدك انا بياحال سويلي جارة
اشتعل واطفة رماد مثل الجكارة

معذورة روحي تموت ما تحمل فراك
اشتاك الك كل يوم هم مثلي تشتاك

يسألني البطران هم انته تشتاگ
گتله دجوز ارجوك ما عندي معلاگ



يعني چبدي ما عاد يتحمل

گتله دجوز ارجوك وخليني ساكت
الحر اذا ينصــــاد لا مـــــــا يفالت

گتله دجوز ارجوك وسويلي چاره
ومرني ولو كالطيف لو نص زياره

گتله دجوز ارجوك وخليني ساهي
ما تدري بالاشـــعار تذبح تراهي ؟

مو كل حچي الينگال تحسبه ضدك

وخله بمحله يكون يا خويه ردك

شاعره وكلچ ذوق يا هو البكدچ
وكل حچيي مو وياچ ولا هو ضدچ

حسن الخشف يهواي حسنك ذبحني
ولمن تدير العين رمشــــــــك جرحني

يريدوني اسكت ليش وما اكتب اشعار
اكتب لولفي اشــــــكال واحرگهم بنار

يـاخلي لـو صـديـت قـلـبي يريـدك
مـوت وحـيات الـروح ياخلي بيدك

الما يـنـام اللـيـل عـلـه عـلى عـله
العـيشـه عـقـب اهواي عيشة مذله

للكوفه اتعنيت والديرة اهواي
مااحتمل فركاه لن كاطع وياي

مبروك فوز المنتخب مبروك يخواني
وبكلوبنا يبقى العراق وما نحب ثاني

كفيتوا والله اليوم يا غيرة يانوماس
فرحتوا والله كلوبنا يا رفعة الراس

مبروك فوز المنتخب يستاهل والله

تايه واجيت بشوك ألكم أحبابي
وبعدكم عن العين أعظم مصابي

الما يموت بسيف مات برصاصه
ولو يحبسوك تموت وبوسط قاصه

بالليل انا تشتاگ روحي اعلى روحك
واتخيلك أوطان وارعـــــــى بسفوحك

يوگف اذا مريت من يمي كلشي
لا گلب لا رجلين لا ساعة تمشي

دلالي ويه الروح وي عيني وياي
كل احنه مهدودين من فركة هواي

ارد امشي واتعناه واوصل ضريحة

واصرخ شهيد الكون بأعلة صيحة

كرار جاسم جابلچ اجمل هدف
هذا العراقي فاز ما اظنها صدف

هذا العراقي فاز غصباَ عالكره
والكوري فح وذاب حد الغرغره

الكوري ضاع وراح مايلعب بعد
أشجاب مجنون يتحده الاســـــد

جينا نشوف الدار ونسأل عالاحباب
وما ندري بالنمام شوده وشجاب

غصباً على المطعون يتعني عالماي
موبس طعن بالعين متمرده چلاآآي

روحي بسره على الموت كضت سراهه
شامت كبلهه نشال ونحط وراهه

مومن مرض ونيت من كثر لفراك


صدكني كلبي عليك كل لحظه يشتاك

گلبي عليك ينــــوح نوح الحمامه
وروحي الك تشتاگ حتى القيامه

مسعد تنام الليل ومســـــاهر آني
حسبالي تحچي وياي گاعد واتاني

وينك يبعد الروح مو هذي روحي
بروحك تريد تذوب بلسم جروحي

بسكته وغفل اشتاگ وابقى آنا حاير
اسكت واغمض العين من مثلي صابر ؟

صدكني ماهميت للوكت من دار




هم شفت نخله اتطيح من كطفة حجار

روحي تحبه هواي وببابه تطوف
مهمني طر احجار دام اني ملهوف

نخله انه وي الريح اتحرك ابسر
هذا اني حالي ايصيرمن اسمك يمر

تسونامي اصير عليك يومن اشوفك
ومن كثر شوگي اعليك افهم ظروفك

تسونامي اصير اعليك وابتعد عنك
وروحي معاك تطوف وعد حسن ظنك

شمــا اكتــب الكلمـــات ..ماتوصفلكم
شگد گـــلبي يحمل شــوگ ..وشگـد احبكم

انـــي ادري مــــاتنطـــال .. بالحلم حتــه
بس الگــلب والـــروح..مـالكهن انــــت

انتم جبل يا ناس واحنه العصافير
لا ما تهزكم ريح واحنه ب لو نطير

توضيح
يعني لو اكو نسمة هواء

ليش الله من سواك ابعدني عنك
اشعر بأني اجـــزآاء او قطعه منك

مثل الشمس والليل روحه ويه روحي
افتح جروحــــه ليــش ويلم جروحي

تبجي عليج العين موبس دمع دم
من فركتج لليوم هم بأثر هم

من فركتچ لليوم كل روحي وياچ
وحال الغريبـــــه دوم آني بليّاچ

حال الغريبه دوم ومضيعه امها
لحد ينشف دموع ولحد يلمها

لحد ينشف دموع عيني ويحس بي
بس يونس السلطان عيونه تربي

بس يونس السلطان يدري بمصابي
ويشـــــعر اذا ونيت ويحس عذابي

سلمت..مارديت مو لازم ترد
كالب خلقتك ليش بس عوزك تهد

يالردت عني اتروح خليلي صبرين
واحد يصبر الروح والثاني للعـــين

مو بالكلب والروح بالدم اخليك


خاطر تمر بعظاي واشعر واحس بيك

دامي الكلب يا ناس واجروحي تلهب
جي لنه ذاك اليوم محبوبي جذب

جيت اسأل العقّال والعدهم گلوب
ليش الكناري يبوح ما يقبل يتوب

شفت الحلو بالسوگ جاني بمنامي
حوسم دليلـــــي ور اح چنه حرامي

حوسم دليلي وراح باليني بلوه
خصره خصر مجنون والبسمه حلوه

خصره خصر ماشوف آني بجماله
والشعر مثل الليل وخدوده لاله

الشعر مثل الليل وحاجب كما السيف
لايرحم اهل الـــدار ولا يكــــرم الضيف

ما يرحم اهل الدار محبوبي قاسي
ينساني جمله سنين ويتهمني ناسي

رائع ياجنتل


ماشاء الله عليك وعلى هذه القريحة الرائعة


متروسه روحي هموم محد حملها
مدري من اشوفك ليش انساهه كلهه

رائع ياجنتل


ماشاء الله عليك وعلى هذه القريحة الرائعة


متروسه روحي هموم محد حملها
مدري من اشوفك ليش انساهه كلهه





الروعة في عبير مرورك وشذاه يا رمز الفرات واروع ام فيصل بالدنيا

مدري من اشوفك ليش تنساني الهموم
وافرح مثل صحـــراء تمطـــرها الغيوم

افرح مثل صحراء تملاها الزهور
ويعم عليها الخير وتغزيها الطيور

يعم علي الخير لو شفتك آني
واتفائل بملگاك حلو المعاني

دم مو دمع من سال دمعي ولزمته
ومن شفت فيه انسان اتأكدت انته

ماهمني جرح الروح بس همني فركاك

صدكني مثل الطير تايه بلياك

صدگني مثل الطير ومضيع اهله
ر وحي عليك تلوب لتگلي سهله

شارط شرط عالروح ماتمل حبك‎


لوصرت سم بلماي أعطش وشربك

يمه فديت هواي سم ويحبني
اهواه اذا بالنار رايد يذبني

اهواه اذا بالنــــار صد ورماني
لغيره انا ممنوع بس له حناني

لغيره انا ممنوع بس لحبيبي
هو المرض لعضاي وهو طبيبي

گالوا تشوف أحباب من ترف عينك
رفت عليـك الروح بس أنته وينك



يايونس
اشوف المليون دارمي
بس آنه وانته راح نخلصهم ههههههههه
وناخذ الوسام
وين الأعضاء الكرام
وشعراء الفرات الطيبين ؟


ياريت تحصي العدد
وتشوف وين وصلنه


تحياتي للجنتل

گالوا تشوف أحباب من ترف عينك
رفت عليـك الروح بس أنته وينك



يايونس
اشوف المليون دارمي
بس آنه وانته راح نخلصهم ههههههههه
وناخذ الوسام
وين الأعضاء الكرام
وشعراء الفرات الطيبين ؟


ياريت تحصي العدد
وتشوف وين وصلنه


تحياتي للجنتل


اكو مثل يگول اللي تتواعد فيه أخير من التآكله
وعدونا انهم يساعدونا والله كريم
فيك البركه يا ام فيصل
قربنا من الالفين الحين ههههههه


ألفين الك بالروح ومليون احبك
امرض واطيب وياك وهم عندي طبك

وحدي ابنص الليل بس حيرتي أوياي
أبجي أعله وقت الراح واتنطرالجاي

أبچي أعله وقت الراح وامسح دموعي
بلكت حبيـــــب الروح ينطــر رجوعي

بلكت حبيب الر وح لو حس عذابي
يدرك بأني اهــــواه وزاد اكتئآآبي

يدرك بأني اهــــواه واهــوى عذابه
كل عمري فدوه يروح له ولشبابه

كل عمري فدوه يروح له ولعيونه
حالف اظــل اهــــواه لا ما اخونه

حالف اظــل اهــــواه ابــن الحموله
واتمنى طولي يصير همزه ويه طوله

اتمنى طولي يصير طول الفراشه
يبرد وانا اغطيــه وهوه بفِراشه


هههه وربي ضحكني هالبيت
هي الفراشه يادوب تشيل روحها
كيف راح تغطي الناس << ماني ماسح هالبيت (*_*)

هجرك يبعد الروح سلاني فد نوب


والجسم من فركاك صوب ارده من صوب

موحش يبعد الروح گلبي التركته


والدم صفه الونات والحسره دكته

مشكور اخي الكناري على هذي الفكرة واسمحولي ان اضيف معكم لاترك بصمه عندكم أمنت عد جوعان خبزه وخلالات

جي لنه طيب ذات ضلن لما مات

واحة الشعر
حياك الله اختي الكريمه في منتديات الفرات
وشكرا على المشاركة الرائعه

يا واحة الابداع جودي علينا
بالشعر والألهام يحلو حچينا

لاكهرباء لا ماي لا عيشة زينه
منج بالحكومه غسلنة ادينه

محزن واظل للدوم تاجر للاحزان
عندي الحزن موضوع والدمعة عنوان

فكرة رائعة منك اخي العزيز يونس اتمنا ان تحقق
المليون . واليك هذا الدارمي وهو بقلمي
انت السكنت الروح وانت اهجرتها
ذبلانه كلها جروح يوم العفتـــــها
ارجو ان يعجبكم

حبك يابعد الروح بالقلب شاهد
حافي واهل الدمع ساهر وساهد

ضاكت علي دنياي حيل اكرهتهة<br>
جي انتة مو وياي روحي احركتهة

علمتك انة اعلة الوفة وعلة الغدر دليتني
كدام شامت للاسف من الجرد بجيتني

دايم اصح عليك وما ارتجي رد
عني يابعد القلب رحت وقلت عد

اسمع صدى الأصوات وقت وباثر وقت
مدري حلال عليك ننسى وتنزت