شكتب شرد عليك يخجل كلامي
تدري انت ضيف العين حتى بمنامي

اتمنى كون بطيف شخصك يجيني
جا طشرت عالناس دمعات عيني

بعيون المرايـــــــه صدفه وجهي اندار
حيل استغربت لمن شفت روحــــــــي
شاحـب منتحب يــاحــيرة المصدوم
معقوله أعله وجهي انطبعت جروحي!!

راح اشتكي لله منك تراني
عينك تنام الليل وانه الاعاني

الما يريدني ما اريدة // گلبي مو لعبة بيدة
المايحترم حبي ألة // خلي يشوف غيري يفيدة

اكثر من مرة گتلة // احترم حبنا ولا تذلة
مو هيچ الحبيب يعامل خلة // ليش الغلط نفسة تعيدة

من بعد طول غياب هذا آني طليت
شفت التوده الروح جا يمنا بالبيت

اصبر يبعد چلاي اصبر تهدا
وسامح حبيب الروح ليامن تعدى

يا من واگع بشدّه ................. دموع عينه علّى خَدّه
ساعة الفَرّج قَريبه .............. من رب الكرم والطيبه

اصبر يبعد الروح واحسبها منة
هذا عشيرك عاد ريحته جنه

اهلا وسهلا بيك بيها الورد صاح
ولو ما اجيت اليوم جان الورد ناح

اكبر مصيبه انچان ما تعذر احد
لا تترك اليهواك ينسى يتمرد

جيتك وامي تگول شنهو حمامه
گلتلها يمه هناك حلو الجهامه

تتعذب انت ويااا حُكم الليالي
ما بيهه لذه الآه للكَلبه خالي

كل الهلا بالصاح اهلا وسهلاً
وحتى طيور الحب من عنده خجلن

القلب من يشتاق شوقه مصيبه
ومحبوبي حيل بعيدشلون اجيبه

الگلبه خالي مات بالگبر نايم
والما يحب ميگول بيك آنا هايم

كون العمر بستان وانته الورد بي
كل ما يريد الماي من عيني اسكي

بنيان الك بالقلب ساف اعلى من ساف
والقلب مثلك ابد لاحب ولا شاف

جــنة بلا محبوب ما تسوى دينـــــار
كون الحبيب وياي خل ابقى بل نار

يمكن نسيت الشوك يمكن عفتني
مو انته على الهجران ما عودتني

حبك سكن بالروح حوسمله قطعه
سوه الضلوع سياج ياهو اليطلعه

خل العتب واللوم وخل السوالف
نحچيها آني وياك وسط المضايف

نسمة هوا انت شمدريني راح اهواك
گلت مثل مثل الهوا و ما ادرري .. شميتك

من ذاك الوكت ما غبت عن البال
الگلب بسمك تسجل و انحسب بيتك

عايش جذب بجفاك وايامي بس نوح *** صح الجسم وياي بس يمك الروح

شكتب شرد عليك يخجل كلامي *** تدري انت ضيف العين حتى بمنامي

بالك تغث الروح روحك تهمني *** يعني انت روح الروح مو قطعة مني

تدري شكثر يفلان شكد احبك
من كثر ما اشتاك مرات اسبك

نحچي ونگول اشعار وسط المجالس
وياما خفت اشعار جت من مدارس

اطلب وكل شي يصير كل ما تريده *** بس لا تخلي الروح بعدك وحيدة

ليش انته هيج وياي تجرحني دومك:3:
تدريني احبك حيل من خرب يومك

احجي بصراحه وياي حلوه الصراحه
ميلوكلك والله طبع الوكاحه

روحي وجميع عضاي جت كلها يمك
يابعد كل هالناس ما عدا امك

ثق واعتقد بهواك ربك بلاني *** وحبك ابكلبي ايزيد كل ست ثواني

تدري الله من سواك ما دزك بساع
خاف انقلاب يصير من توصل الكاع

شحجي وشرد عليك مو كلبي فاير
جداحه هيتر صار لهل الجكاير

باليمنه اكل بي باليسره اشربه
عفته اني بس يومين شفته ويه غربه

شوصف جمال البيك ماكو بالوجود
يا بعد عم وخال ويا بعد الجدود

لو فد سباق ايصير ياهو اجمل الناس*** وانذب عليك اتراب هم تاخذ الكاس

حط باللبن تيزاب مجبور اشربه
بس لا اشوفك يوم تمشي ويغربه

مو بالقلب بالروح رايد اخليك
وكتب خطر ممنوع محد يمر بيك

مِتْعَجِبْ ابْدِنْيّاك غَثِتَكْ فَدْ يومْ
غَثَتني وَكْ دنيايْ خَلَتْني ماگومْ

شوف اشصعبها اصير يامدة الايد...
...من تطلب الحاجات موش من اجاويد

جمر وثلج فد كاس ينجمعن شلون
الجمر لون شفاك والثلج السنون

الغربه ساحة خيل ومزامط رجال .
. والي يطب بيها يفوز كون اصله خيال

ظل ابج بالكاروك ابدا ما هزك .
. لو انته ابن هواي جان شمعزك

باسمك اسمي الناس صارتلي سوله
وحتى اسمي اغلط بي واسمك اكوله

عمدا امر بالدرا والنوح ازيده
واسمع صداها يكول راح التريده

تهوى القلوب من كان لها حاضرا
وتنسى الذي عن العين يغيب
لكن "
كم من حاضر لايستطاب به
وكم من غائب عن العيون قريب

تسئل عليك الروح مو عذبته
كلي شيريد يصير لو خابرتها

كل السنون عظام بس سنه فضه
دهن ودبس يا ناس ومنين اكضه

نقالي من دكيت مادكلي هزاز
دك بدليلي وكال ذكروني العزاز

يا هم تشيله الروح يا هم تحطه
كل ما اصفي الماي شامت يخبطه

صح ملتهي بدنياي بس مانسيتك
وبين الرمش والعين ياروحي بيتك

ما انسى اني اهواى لوطلقة بالراس
جوة القبر ذكراه تنطيني انفاس

كون التريده الروح جرب لنه يمك
صبح ومسى يهواي وما امل منك

بگلبي وتگلي شبيك مبعد علينا
ماتدري حالي وياك شراع وسفينه

عندما لاتعلم النفس كيف ترتوي من
روح سكنت روحها فهي تشتاق اليها بصمت مؤلم

ذوبني ليل الشوك والفركه مره
والكلب لو حن ليك ياهو اليصبره

يسأل على الحال وجوابي سكته
لا تسأل على المكتول والكاتل انته

هم الليالي تعود واتعاتب وياك
احجيه للشمات خلاني فركاك

عني وتريد اتروح من غير الوداع

جا غير اشيل الكاع وركعهة بل كاع

انخالة موش طحين جندوب انخلك
هذا الجنيته وياك وشلون أوصفك

هي من الله المحبه وذاك من ذاك
الاصيل
والمثلك ياغالي عايش بنص
الدليل

ارد اسئل العراف واهل القوافي
ليش الحجاب ايلوك للوجه صافي

نار الدمع بجفاك على الوجنه طايح
من عندي راح الشوف من كتلي رايح

دغدغ بگايا الروح دغدغها بسكوت
لو ابقى مية عام بيدك فلا اموت

ماتغيب الا الصور عمر المشاعر ماتغيب
كم من عزيز المانشوفه وهو على الخاطر قريب

الي تطلبه يصير بس أمر انته
ولا تتعب بكلمات اشرلي سكته

اريد انشد العشاك واهل الشعر هم
ليش اليجرحه الشوك مايطلع الدم

عاشرت ماخليت لامذهب ولادين
مثل الحنان البيك ماشافت العين

ثاري البنات اشكال مثل الجفافي
وحده التظل للغير وحده التوافي

تاج وتضل على الراس يامعدن الطيب
لو غبت عن العين عن بالي متغيب

عميه ولفاني البين خلاني ماشوف
طكني الدهر على الراس او كمت ازحف ازحوف

حاير شكول عليج وشكتب يحلوه
انتي نظر للعين وللقلب سلوه

يازارع يقلبي غلاك اشتري بعمري
رضاك ودي اهديلك 3 كلمات انسى
روحي وما انساك

دك دكتين أرداف كلبي وسكت ليش
أحترك دم البيه ينبض بعد بيش

طبع اليوافي وياي للموت اوافي
لو ماتشيله الكاع يعيوني اخليه

ظلمه وتهت يهواي دليني دربي
لتصدك اني انساك لا وحق ربي

ارد انشد الدكتور واهل البصيره
شنهو دوه المحبوب الواكع بحيره

بگلبي وتگلي النار ما تدري گلبي
فيه اجتمع حبين حبها وحبي

ياطير لو سافرت سلملي عالغالين
مهما يطول الوقت كلهم فلا ناسين

بگلبي وتگلي النار ما تدري گلبي
فيه اجتمع حبين حبها وحبي

هب الهوة وحنيت وارتجت اعضاي
لو هي رجفة موت لو مجبل اهواي

صح دروبي عنك بعيده واتصالاتي مو عديده
لكن معزتك بالكلب هي الاكيده

مذنب اظل بهواك كون انته قاضي
تحكمني بالاعدام والكعبه راضي

لاتزعل وتحتار لو غبنا عنك
كل الادله تكول ماكو اغلى منك

كل ظني بيك ارتاح وظوي داري
ثاري طلع يفلان حبك تجاري

اخذ الكلب تذكار علكه على صدرك
من تنسه حبي بيوم هو اليذكرك

بگلبي وتگلي ارجوك سويلي چاره
ما تدري بالشريان ملتهبه ناره

العافك يبعد الروح هم انته عوفه
ولتحاول تحاجيه ولا هم تشوفه

الغاب عنكم مانساكم قلبه طاير في سماكم
حاير شكتب عنكم الله ما اغلاكم

عيونك هذني وساع وهلنرجسيه
هم باوعن للغير لو بس اليه

اكو عزاز واكو غالين واكو بس
على البال جايين وانتو للابد بالقلب باقين

عمتي تسد الباب بوجهي وتغمني
شافت حبيب الروح يومنه ضمني

بليل افز فزات فزه على فزه
اصفن اريد انساك تزيد المعزه

عسى عمرك يضل شموع وبشموعك تنورني
وعسى ايامك تطول واشواقك تراسلني

من جمالك كله توكف واني كاعد مستريح
مولأن ما منتبهلك لان بس اوكف اطيح

حبك جزة الصوبيين وتعدة الغيوم
بكد شمس عشر سنيين وياهة الانجوم

عمتي شكثر ما هي صلفه ووكيحه
تحسد عشير الروح ومو مستريحه

فززني صوت المسج وفرحت من فزيت
مو جن رساله اجت منك جن انت وسط البيت

دم ينترس ويفيض كلبي من الفراك
ارحم بحالي شبيك صدكني مشتاك

عيني أرد أزرها بسيم لا تخزيني

أرد أرمش من يفوت ما تخليني

هو الهوى الموصوف ماريد اشم شي
هو الحياه والموت وك هو كلشي

قفلت عليك الروح ما تهوه غيرك
ارحمه يبن الناس حرك ظميرك

مكانك دوم عالي:
والقلب من غيرك
خالي:
لاتفكر نسيتك :
ماعاش من نسى غالي:

النت يعلس صار وحسيته يردف
يمكن يحس بالگلب ذابل ويرجف

كلك وفه وخلاص كلك مشاعر
من كثر طيب البيك خلتني شاعر

اشعر واظل للدوم شاعر عراقي
اسم الوطن والله خلاني راقي

عاتبني لو حسيت لحضه اني ناسيك:
يالتسري ويه الروح بعيوني اخليك:

ساتوقف لحذف المشاركات المكرره

ثلثين الك بالكلب وبثلثي الك ثلثين
وثلثين الك بالثلث هيج التوده العين

طيفك نبض بالعين كل ليله ضيفي
بعيونك الحلوات هم يمر طيفي

شكتب شرد عليك يصعب كلامي:
تدري انت ضيف العين حتى بمنامي :

كالولي روح بعيد وانسى التوده:
كلت شيفيد البعد مو روحي عنده :

محبوبي ابن اكرام وكله غيره
بس بالقطيعه استاذ يسحك ظميره

اعزك اعز من روحي وحبي الك رباني:
اريدك بس انت تذكرني وكل الناس تنساني:

ليش الله من انطاك تنسه الوفه بساع
هم شفت طاير طار وما حط على الكاع

هم شفت هم سمعيت بالشفه شامه
نتباوس اني وياه مثل الحمامه

تمثال الك بالعين شايلته الجفون
نافوره منه وبي دمعات العيون

ظلمه ونجوم هواي والكمر غايب
ابعث سلامي بليل لاغلى الحبايب

ياكمر تالي الليل سمعني الاخبار:
نايم حبيب الروح لو مثلي محتار:

نايم حبيب الروح ناسي الموده

يتكلب ومرتاح فوك المخده

تحياتي

بكلبي اجر اسلاك بس كون اتصل بيك


فدوى الرصيد ايروح بس كون احاجيك

كل مر جرعته يهون بس مر الفراگ


أشهگ بشهگه موت من گلبي يشتاك

تسالني عن الحال خليه سكته..... تسال عن المكتول والكاتل انت


موضوع جدا جميل اخ يونس لكن اني ماعندي المام الشعر الشعبي فسالت لكن احجي الصدك دورت بالموبايل مال اولادي ولكيت هذا البيت ارجو ان يعجبكم

تسالني عن الحال خليه سكته..... تسال عن المكتول والكاتل انت


موضوع جدا جميل اخ يونس لكن اني ماعندي المام الشعر الشعبي فسالت لكن احجي الصدك دورت بالموبايل مال اولادي ولكيت هذا البيت ارجو ان يعجبكم






بنت عمي واختي الكريمه
كفيتي ووفيتي واحيي مرورك العطر
ربي يحفظ الاولاد
دارمي رائع من اسماء اروع



اسماء الزبيدي تگول ما اعرف اكتب
صدگي ينور العين بس شوفتچ طِب

باب الكلب دكًووا شكًد غيرك احباب
شدكول اقفله اعليك لو افتح الباب ؟؟

باب الكلب دكًووا شكًد غيرك احباب


شدكول اقفله اعليك لو افتح الباب ؟؟





لا افتحيلي الباب تره اني اعزج
ومن يوازيج الدهر بس انخي اخيج

هههههههههههه
والله هسه كتبتهه
حلوه موووو ؟؟؟

تسلم اخويه العزيز
حلوه منك
هههههههههههه

تمشي اويه غيري شلون ما اقبل بهاي
وك آني أغار عليك من تمشي وياي !!

موغالي شتكفيك كلمة الغالي
يل ماجنت عالبال صرت انت بالي

ها ناسي لو مليت ها لو قرولك
لوشفت غيري ايلوك طوله اويه طولك

غالي وتضل عالبال وانته الاعز دوم

والكعده ساعه وياك تسوه الف يوم

شما يبعدوني الناس ابقى انه احبك
وكليبي حن اعليك شكد قاسي كلبك

لو ردت اعد اعزاز لاترفع ايدك
هيه المعزه اتكوم وتكول اريدك

صح ربع عندي هواي صح ما املهم
بس انته افكر بيك يعني انته كلهم

يكولون كلهن سوه كلت البنات اشكال
بيهن تريح الكلب وبيهن تشل الحال

موقع فرات شلون تردون اعوفه
تعمه العيون سنين بس ما اشوفه

أشمرلك العينين لو يمي بيتك
وانتحر ست مرات لو ما لكيتك

لعيونك الحلوات بس اكتب اشعار
وحتى الكلب مرات من عدهن يغار

أفرش عيوني فرا ش وبرمشي اغطيك
والكلب يصبح بيت وبنصه أخليك

عاشرت كل الناس بس مو مثلكم
كل ساعه احس بل موت لو ما شفتكم

تدري شوكت هلروح من عندك اتوب
من تسمع الشيطان غفروله الذنوب

احباب اليه هواي بس انته كلهم
انته الملح والزاد وشلون املهم

مو بيدي حتى انساك ولا هي بيدك
الامر بيد الروح هي التريدك

يرجع عراق الخير ندعيله كلنه
ونجتمع كلنه هناك شيعه ويسنه

جار البيوت ايشيل ويمكن يسافر
بس انته جار الروح وبالگلب صاير .

بيضه وتعبت عليك الحد ما صرت طير
وعلمتك المطيار وتحط على الغير

انته اغلى كل الناس حتى اغلى مني
تستاهل انته الروح وعيوني ذني

مهما تريد اتغيب بعيوني اشوفك
كَمره انته واهلالين واشلون اعوفك

مثل السمج علگاع خلتني دنياي


لا مشوي لا مطبوخ لا واصل الماي

تدري آني شعري سهام لو صوبيتك


من كلبي هذا أحساس تفهمني ريتك

لك لو مو ترش الدرب تيزاب لو تزرع ألغام لخلي اللحم طشار واوصللك عظام

جيت متعنّي الدارك علمود أظفرك
چا شلي بالرجلين الما تدفرك

جرح اللي بيه چبير مرهم مفادة ..
. جروح الگلب والنوح صارتلي عادة

احزن حزن يعقوب وابجي عله حالي
و اسهر و ذوق وشوف مر الليالي

لون ادري الدموع اجيب وتودي
خلينة انة وياك خدك على خدي

ناسي ونسيت هواي بس ما نسيتك
لو غبت عن الروح بالدم لكيتك

اسأل وسلم دوم عل مايسألون
تكضوهة بس ابعاد جنكم تريدون

احباب نبقى العمر وبعمري كله افديك



انتة العزيز الوفي صدكني ما ناسيك

بسمك اسجل الروح طابو وعقاري

غيرك اخو مااريد ثابت قراري

عندي شكثر غالين وانته اغله غالي


صدكني كلها تروح وانته على بالي

مو كتلي ما نفترگ شو طول غيابك
معقولة تنسى المضى وتتناسى احبابك

ماادري ليش وياي الزمن قاسي
كل ساعة افكر بيك وانسى ناسي
====================

كل ما امر علباب تاخذني صفنه
بعدك قهر وهموم صدكنه شفنه

لالا تغيب هواي ياروحي عنه
مر بالحلم خطار واحسبها منه

حالف اذا مريت من عتبة الدار
اعزف لك الظيم واعروقي الأوتار

صرت انه حايط طين ساسي بوسط ماي
انثلم بس ماطيح ومدوخ اعداي

لا كلب لا روح لا عكل عندي

صار البخت وياك والوكت ضدي

الدنيا زينة وياك ووياي مرة
تركتني روحي ابعيد من رحت مرة

غامض تراك هواي يحبيب انته
اهديت لك قلبي بس ما فهمته

ضيم وقهر وهموم والجرح سايل
صار الكلام وياك بس بلرسايل
============================

مثل الحلم كلساع تطره عله بالي
ارجعلي اترجاك وارحم لي حالي

من فاركت الاحباب ما غمضت العين
تبجي بجي مجروح وتكلي ولفي وين

اخذالكلب وياك شوف الي جراله
منشوفتك محروم تبجي على حاله
--------

مو سهل ساعة انساك ولايوم اعوفك

انت بسواد العين كل لحظه اشوفك

ملهوفه هاي الروح تسأل عليكم
لاجيه لامرسال وينه حجيكم

طال البعد يا ناس سوولي جاره
كالتني هذا الشوك شيطفي ناره

لاتظن حي وانساك وانسة الاخوة
للموت اضل اهواك يابو المروه

وين اكو منچ وين ووين اكو منچ
برنو تطگ بالروح لو ضحك سنچ

لو ضحك سنچ ليش انساها روحي
ويكبر الحب اضعاف ويكثر وضوحي

أعرف أسرارك زيــن واعرف سهامك


طيبة ومحبة البيك موضع كلامك

يم بيتي ريتك كون واشمرلك العين


تشبعلي منك شوف وتردلي بعدين

مثل الطفل محتار اشكيلك هموم
وبگلبي شبت نار مو بس بالهدوم

لو ترضه هاي شفاك يغفن على شفاي
يمكن شهر تموز ما اشرب الماي

من راسك الرجليك شي احلى من شي
تنكلب جنه الكاع من بيه تمشي

لعيونك الحلوات بس اكتب اشعار
وحتى القلب مرات من عدهن يغار

تدري انته مثل الماي بالنسبه اليه
تكتلني لو لحظات تزعل عليه

اتمنى حبك ماي واغرك مثل جاك
وبحجه الغركان اتحاضن اوياك

هذا اليحب يا صاح مو بيده يسهر
من يذكر المحبوب نومه يتبخر

هم مطر هم غيوم هم اضلم البيت
كل هذا يالمحبوب وهم انته ما جيت

اجرحني يالمحبوب عاين عليه
ما يمشي دم بحشاي تمشي انته بيه

ليش اليحبك حيل ما توفي وياه
والمايريدك ليش تمشي اعلى ممشاه

ارد انشد اهل الشوك عن حالتي وياك
لا اكدر بلياك لا اكدر انساك

مساااء الخير على الكل


بالگلب بالشريان بالروح أخليك
حزب الله لو يرضون نصرالله أسميك

يادهر كافي ارجوك كف كافي مني .
... خلصت عمري نوووح ماضحك سني

البصره منبع طيب موبس لاهلها
ياهو اليمرها يكول ماكو احلى منها

ياريت اصيرن فرح واتوسط بروحك
وعنك اشيل الحزن واشفيلك جروحك

نظراته مو نظرات صدگوني تسحر
ياخذهه مني الروح صدگوني لو مر

كون انت جرح اتصير وبگلبي اخليك
كلما أريد انساك أتوجع وحس بيك

خليك يم القلب وخلي القلب جارك
وشما دار بيك الوكت لا تكطع اخبارك

موش عله ابن كركوك تكدر يغالي
سقطنه قبلك ناس جانت عوالي

اجرحني هاك وشوف باوع عليه
مايجري دم بحشاي تجري انت بيه

زايد رحت وياك غرني جمالك
تدري من اعوفك زين محد ابحالك


:66 (72)::66 (72)::66 (72):

يالمشرف اترجاك اعرض كلامي
لو ما عرضته اليوم ضاعت احلامي

صدكني كله تروح تصبح سوالف
لو ما ضحك كل ساع جا عقلي تالف

هاك الكلب والروح وعيوني اخذهن
انت السعادة والفرح انت املهن

:4:

كف الملامه البيك ولا تحسب حساب
جرح انجرح ويطيب وجرحك فلا طاب

عود ازرع وارجاك تنطيني حاصل
ازرعلك الوردات تخضر قنابل

هم مثلي هم مشتاك هم دمعك يسيل
لو نايم ومرتاح وكاظيها تمثيل

عسى روحك تضل اشموع وشموعك تنورني
وعسى عمرك يطول اسنين وتبقى دوم تذكرني

مشتاكلك ياهواي بكد المحيطات


لعبر دول وبحور وأنزل محطات

هاك اسمع انت وشوف عاين اليه
اعمى وادور اعيون ترهم عليه

هذا شهر تشرين المر علينه
وروحي كأنها بآب بيكم رهينه

وي روحي كلت انساك يمته الخبر جاك
ما ادري حتى الروح جاسوسه وياك

روحي كأنها بآب كاتلها الحر
وتبقى تدور برود حضنك يالاسمر

اضحك بعد ورتاح ريح دليلك
وكليبي عد عيناك صاير خليلك

حبك يبعد الروح خلاني اعاني
اشرب حليب وجاي حسبالي راني

هم هم شكالي البير يحجيلي همه
فاضحني مي العين يا سر اضمه

ما خايف من الموت ... وايام الحساب
كل خوفي دفني يصير.. بيدين الاغراب

من روحي خذ شريان وشاركني بالدم
خاف الزمن يندار وبغيري تهتم

روحي تدور اعليك وتگلك اهواك
وتنطر عسل مهيوب من رقة شفاك

اجمل كلام انكول لغلا الحبايب
الكل عزيز اليوم حاضروغايب

تحياتي لجميع

لاتظن يوم ارتاح وافرح بدونك
اتمنة اصير جفون واحرس عيونك

اتمنى روحي تصير في بيتك لحاف
من تبرد تغطيك تضمك لو تخاف

اجمل كلام الزين جاني يگوله
بالروح انا افديه يامحلى طوله

دليني يلمحبوب دليني دربي ..
.انته النبض للروح يعني انته كلبي!

يا يونس الخوان مو بس حجي لسان
الخوة طيب ووفة وانتة احن انسان
تحياتي للكناري

حاير شگلچ حيل يالعراقيه
اختار الچ القاب مري عليَّ

بس اضغطيلي هنا وشوفي شگلتلچ
انتي عديل الروح يالماكو مثلچ (http://www.alforat.org/showthread.php?p=970335#post970335)

سبوني اهلك حيل و سبو اهلنه .
.. لوما المعزه البيك من الصبح شلنه

اهلي لو يغثوچ اتبرى منهم
ما اصير ابنهم لا ولا احتملهم

رائع دوما ياكناري الفرات

ليش اليحب يا ناس ما يلكًه راحة
من أعز ناسه وياه تكثر جراحة

رائع دوما ياكناري الفرات


لو جيتي انتي تصير الروعه بينه
وبكل صدق افديچ اختي الحنينه

اليحب ما يرتاح لو ولفه ضايج
يروح ويجي كلساع والدمع لايج

اه الك اه اعليك اه من اشوفك *** حملت كلبي اهموم وتريدني اعوفك

صافن وعد ايام ويدي على خدي
جرح الحبيب وطاب بس جرحي يدي

من تمشي عني الروح هم مني تمشي
انت اصبحت بدماي تمشي ويه كل شي

ورقة و قلم حطيت ردت اكتب أنســاك


وتدري شكتبت انوب بس كلمة أهواك

لو جيتي انتي تصير الروعه بينه

وبكل صدق افديچ اختي الحنينه



شحجي شكول من سطور مايوفنك يايونس
بس ادعي الله يكون يحرسك يايونس



دارمي بقلمي غير موزن لكن يحمل معنى اكبر من الوزن
تحياتي لك

يكون الجرح ينشال منك للعيون
لعيوني التهواك وابقى اني ممنون

ما اعتب عله الناس من تفشي سري
بس أعتب عله هواي مو كسر ضهري

اللي يحب بقلبه ما يعرف للكــره وادي
يشوف الحبيب جرّاحه ويقول دا عادي
بيحب وقلبه عمران انسان مش خـاوي
حبيب وفارش قلب دافي لكل طير هاوي

بقلمي

وشكرا للمساحة الجميلة
أخي الكناري
دمت بود

يسألني حتــى الليل عن ولفي وينه
لامسج لا رنات لا نغمه زينه

ههههههههههههههههههه

شحجي شكول من سطور مايوفنك يايونس
بس ادعي الله يكون يحرسك يايونس



دارمي بقلمي غير موزن لكن يحمل معنى اكبر من الوزن
تحياتي لك


المعنى واضح حيل يا درة الناس
انتي وهلج تبقين تاج وعلى الراس


المعنى واضح حيل يفتهمه يونس
وتفتهمه كل بغداد وتفتهمه تونس

غاليتي ما اروعك

دوم انت طيب ذات و طبعك توافي
كل الذهب مغشوش بس انت صافي

اللي يحب بقلبه ما يعرف للكــره وادي
يشوف الحبيب جرّاحه ويقول دا عادي
بيحب وقلبه عمران انسان مش خـاوي
حبيب وفارش قلب دافي لكل طير هاوي

بقلمي

وشكرا للمساحة الجميلة
أخي الكناري
دمت بود



عادي الكرم يا ناس من عنده عادي
يجري نهر ابداع او چنه وادي



شكرا اخوي علاء

يسألني حتــى الليل عن ولفي وينه
لامسج لا رنات لا نغمه زينه

ههههههههههههههههههه



ضاع الرقم بالريح والرنه طارت
والمسج گال احاه كلماتي بارت


:8:

يوميه اكول اليوم اتشاوف وياه
والكلب يذكر دوم بسمه و مينساه