غيرك ابد ما اريد من ربــــي يهواي
شوفك لروحي العيد ولو اعطش الماي

عطّاب أشم بالبيت گمت آنه أدوّر

ثاري أبدليلي النار بركان يفوّر

لو غفت عينك زين عيني تباريك
ون شافتك بردان خلهـــــا تغطيك

لو تدري شنهو ألصار بيّة و جرالي

من فرگتك إبليس يبچي اعلة حالي

الفرگه مو بالايد الله كتبها
من تفقد الارواح بعض التحبها

أرد أنشدك و ارجوك صارحني يهواي
تذكرني لو غصيت من تشرب الماي ؟

بالماي اذا غصيت لا مو عجيبه
بس الهواء منين ياهو اليجيبه

موبيدي حتى انساك ولاهيه بيدك
الامر بيد الروح هيه التريدك

المشكله لو صار محبوبك بضيج
ولا ينفعه دكتور ولا بلعت الريج

محبوبي وانت وياي انطح عساكر
واكتب شعر انواع واملا الدفاتر

محبوبي وانت وياي انسى همومي
واحبسلك السواق حتى العمومي



ههههههه شنو شرطي مرور
طلعت هالشكل وماني مرجعها

محبوبي وانت وياي العن ابو الخوف
ما اشتهي كل زاد وليهمني الجوف

گاعد وادير العين ما بين اهلنا
وافرح اذا مرسال منكم وصلنا

موحش يبعد الروح گلبي التركته

والدم صفه الونات والحسره دكته

لك أجمل تحية يا اخي يونس الجبوري:66 (46):
وهذه أول مشاركة

أسهر أون شتريد هالدنية مني
سطرتني عل يافوخ من زغر سني

مع تحيات بشار الحياوي 26 /11 / 2010

سأبكى حتى يأن منى البكاء
وأكف ربما تعلم معنى الوفاء

ادري بك وفي وما خابت ظنوني
واذا رايد دمع ، ابجيلك عيوني

تحياتي لك يا أخي يونس الجبوري:66 (46):
وما أجمل أفكارك
وهذه مشاركتي: مع تحيات الشاعر
بشار الحياوي
أسهر أون شتريد هالدنية مني
سطرتني عل يافوخ من زغر سني

هاك الدرع والسيف ومسلّم انه

كلبي وطبك وياك صارت خيانه

مشكور على الفكرة الجميلة
وهذا اول دارمي بقلمي

حبيتك ما فد يوم اظن اعوفك
واذا اغدرتني بيوم ما راح اعوفك

جيت وفرحت اليوم بلمتكم هواي
راح انسى كل ما راح واتنطر الجاي


اسعدني تواجدكم جميعا
اعطر تحياتي

عايش على ذكراك عايش حياتي
حد ماجريده بيوم تنشر وفاتي

ادعي الله ليل ونهار وارجه بصلاتي
اتصير الي وماريد جنة جزاتي

ادعي الله واترجاه وابجي بدمعتي
رايد نصيبي تكون انت وقسمتي

اذكر حبيب الروح بالصفنه دومي
وحجيله بالتفصيل شوقي وهمومي

نار اعله نار الاه ومكاسره بنار
تطفه اذا مريت لو حتى خطار

يكبر جرح فركاك كل مايمر حول
واثغب ثغيب الريل من ينحر الجول

يا هو التلزمه اليــــوم بالصدگــه جذاب

رفگة ربعنه اليــــــوم حــــد عتبة الباب

الدهر طگني بأيــــد جســـــره وتنخيت

وأتنطر الصدگــــان ما واحـــــد الگيت

أوهمداهــــه الروح تستاهل المــــــوت

ذبتني بأتعس حــال وتگلـــــــي مبخوت

ريت الالم مو بيك ياريته بيه

دونك لجر الموت بثنين اديه

الهم خلاص انزاح كل شري عدا
اليتعشى بيـــــنا يريد فيه نتغدا

كتبت هالثلاث دارميات في منتدى اخر


جيت آنا عندك ضيف خويه المشاغب
وخلني على يمــــناك خوش آنا لاعب



جيت انا عندك ضيف وكحلي تبدى
وعندي خوي شــرواك لكن تعدى




اكتب ولا تحتـــار هذا آنا جيتك
نار وتشب بحشاك تنهي اريتك

يحمل وفه والطيب والرقه كلــهه
أوكل مشكله ابهالكون بس يمه حلهه

يا حلوة الحلوات يا دره يا ماس
انتي لحياتي نور وشعليه بالناس

انتي لحياتــــــــي نور جيت ارد اگلچ
يمل مني شوف العين من كون املچ

جمرك خفت وأتراب غطــــــه عشكنه
مدري احنه بينه الصوج مدري بوكتنه

الوكت مابي صوچ بس صوچ الاحباب
لمن يجي المحبوب سدوله الباب

صبو غدا يا ناس نادوني اهلنا
راجع بعد مشوار بس لاتملنا

الف عافيه على قلبك

انشوفك بخير دوم يالسبع الجبور

تكبر أبد ماتشيب لاتصبغلـــــــــــهن


بألبحر ذبه هناك وعل شاطي رنهن





لابحر لاهي شموس تكدر تنسيك
صارت بعيده أحلام تنساها مابيك




خيبة أمل بأهواي ماجنت أعرفك
روج واخذني بعيد تيهني جرفك

الف عافيه على قلبك

انشوفك بخير دوم يالسبع الجبور





الله يعافيچ اختي حلومه وهذا الدارمي لعيونچ


يالغالي وين تريد شو ودعتنا
ولا گلتلي بيباي من فارگتنا

يايــوم افــز والگـاك..متــوسد ايــدي
ولـوصــدك صــارت هــاي.. صدكنــي عيــدي

خل روحي بيك تهيم راح ابقى احبك
تبقى طبيب الروح!!بس عندي طبك

ثاري الرجال اشكال مثل المناديل
بيهم رماد النـــار وبيهـــــم قناديل

اي والله صح لسانك ياكناري الفرات
واحنه النسوان هم نريد دارمي

المن اجر حسرات وحسبلك احساب
سد بابك الله وياك عد الله الف باب

كون التريده الروح ينزل بل عيون
خافن يصير بعيد لمن يشمتون

اي والله صح لسانك ياكناري الفرات
واحنه النسوان هم نريد دارمي





صح الله بدنچ فراشة الفرات الانيقه :66 (46):
تدللي شعدنا غير النسوان هن المشعوطاتنا ومگلوطاتنا:66 (72):


ثاري البنات اشكال هم مثل الطيور
بيهن تعلّـــي فوگ وبيهـــن بالگبور

ثاري البنات اشكال مثل الفراشات
بيهن تصد وتخـــون وبيهــــن وفيات

http://www.theholidayspot.com/valentine/graphics/rose.gifhttp://www.theholidayspot.com/valentine/graphics/rose.gifhttp://www.theholidayspot.com/valentine/graphics/rose.gif



شكرللك اخي الغالي على الموضوع القيم تقبل تحياتي ودي

تسلم ياكناري الفرات
دارميات روعة بحق النسوااااان

ربي يخليك ومايحرمنا من عطائك الدائم

تسلم ياكناري الفرات
دارميات روعة بحق النسوااااان

ربي يخليك ومايحرمنا من عطائك الدائم



النسوان يا احلام هن البهدلن حالي
وخلنّي سهير الليل واركض دوم بالتالي

هههههه
حياچ الله ويستاهلن شعدنه غيرهن

هههههههههههه
حلو هذا البيت كلش
تسلم والله

آنه أول واحد..يفك باب عينه

ويغزل خيوط الدفو بشهكة حنينه ..

تمنيتك السفان وانه السفينة

وسكته اعله وجه الماي نكتب حجينة

مومثل باقي الناس من ابجي ابجي

اسكت واخلي العين عني الك تحجي

يم كل ضلع يراد ضلعين اخلي

حتى الزم الدلال من يمر خلي

مو مثل باقي الناس صدگ يمزيون
اهديلك الشريان وهم جوز العيون

أعصر سواد العين وأكتب حروفك وأخسر عليك الروح بس كون أشوفك

شبصرك بتالي الذيب واوي اليجر بيه
ويجره للغنمات تتفرج عليه

كون الجمال البيك ينكلب بيه
كلما احن ليك اصفن عليه

يا محله هالشبان يا محلة خصالهم

. بيهم صفات تعود للطيبة ذاتهم.

انتة مو ممكن اضن انتة عدم
والليحبك يجني كومة من الندم

ياربي مو مليت وذتني الجروح
لو ترحم الينخاك لو تاخذ الروح

ارتبك حقي وياك ما ارتبك ليش
والشوك الك بالروح تقهر اشد جيش

ليش انتي ترتبكين كلما اكلج
واهمسه باعذب صوت حيل انه احبج

ثق واعتقد وارتاح خل يصفه بالك
بلكلب ماكو انسان يسكن بدالك

غالي وعزيز هواي وفراكك اهموم
وعيوني لو تنساك اعميها للدوم

مو مثل باقي الناس من نهوه ونحب
اكثرها تكظي اوكات واغلبه تكذب

عاجر وجاهه وليد مات بطنه
هيجي اني روحي وياك ميت امله

عاجر وجاها وليد نص الدرب طاح
هيجي انا كلبي عليك هم تظن يرتاح

جزاك الله خيرالجزاء
اختيار رائع
سلمت يداك

مشكوريين على الفكرة الحلوة

من عيني اطلع ماي واكتب على الروح
اجمل تهاني وشوك لعيونك تروح

ياروحي بسج عادبطلي من الاحزان
كل اهلي والشمات صارولي عدوان

صبري على الظلام صبر النبي ايوب
وحزني من الانذال حزنك ييعگوب

حبك مردلي جلاي خوية ارحم شبيك
تعلعلت من فركاك بس ارد احاجيك

ضوجه وكرهت البيت من شفتك ابعيد
هذا آنا يمك جيت سولفلي شتريد

كرهت البيت وظلمة حياتي
شسولف شحجي اتمنى مماتي

بقلم حلومة

عبرني يالبلام وديني لهواي
خل عيني تشبع شوف وغرگني بالماي

يا بعد كل هالناس وذن جوز العيون
شما تكلف الروح ابقى آنا ممنون

طير وهلستو الريش وكسرتو الجناح
وكلكم عليه بجور كثرتو الصياح

ربي خلقلي روح ما عندي روحين
واحچيها عالمكشوف ما عندي وجهين

كسر جنح طيرمايشفى بساع
يبقى يون سنين ويتنطردواه

دارمي بقلم حلومة
لكن اعتقد غير مكتمل القافية
تحياتي

وجه واحد خالقني ربي
وطيبة قليبي هاي نعمة من ربي

اليوم خليتنا نشعر يايونس الجبوري
اخذني الواهس

تقبل جميع ارتجالي
لانني اول مرة اكتب دارميات
لك كل التقدير والاحترام
تحياتي

وجه واحد خالقني ربي
وطيبة قليبي هاي نعمة من ربي

اليوم خليتنا نشعر يايونس الجبوري
اخذني الواهس

تقبل جميع ارتجالي
لانني اول مرة اكتب دارميات
لك كل التقدير والاحترام
تحياتي



ههههههههه زين لعد يوميه اگعد ابچي بالدارمي بلكت نكسب شاعره

راح ابچي طول الليل بلكت تكتبين
وآنا أصلّح عود بس لاتعتبين

يعني اصححلچ
شكرا اختي حلومه منوره

ظلمه وبعيد هواي ما ادري وينه
واطلب من الله يعود هو وحنينه

دموعك علية عزاز ماهي هينة
وتصحيحك يصير عليه التجية

تسلم كناري الفرات
ونتعلم منك خوية
تقبل ارتجالي لهذا البيت
تحياتي

ولفي خذاه البين الله وكيلك
وماتدمع العين عل مايضحيلك


ايضا ارتجال سريع
اتمنى ينال اعجابكم
تحياتي

ماتسوى دمعة عين يل ماصنت حبك
قلبي شلعته بموس ومارجع لحبك

ايضا ارتجال مني
تحياتي

ربي يعزچ دوم وانتي الزچيه
اصل وفصل واخلاق واغلى اخيه

ولفچ خذاه البين بس ولفي عايش
كلما اجيبه ذراع صد للكايش

الله يعزك دوم خوية ويكبر شانك

وأصل وشهم مهيوب مرفوعة راسك

تحياتي

أني اترخص اليوم ونلتقي باجر
محفوظ من الرحمن وبالك تساهر

تحياتي لك
ياكناري الفرات

صدكَني يالمحبوب بيك انه حاير
هم انته هيج اوياي نفس المشاعر

صدكَني اموت عليك بيك انه مجنون
مخبل علي الناس تقبل يكَولون

مابالغ انه وياك احجي الحقيقه
حبك ترك بالراس داء الشقيقه

اقسم لون تريد صدكَني احبك
تنطر خطيه العين دوم اعله دربك

اكَعد ابنص الليل الطم على الراس
ابجي ابهده وبسكوت لا تسمع الناس

اكَعد ابنص الليل ونصب عزه هواي
جيراني كلهه عداي محد بجه وياي

اي وحكَ دم حسين وخته وعضيده
الرايد دغش وياي لاما اريده

الدور دغش وياي خل ما اسميه
ولبيه وفه وخلاص بالعين اخليه

اي صح صدكَ عطاب بس مو بالهدوم
من كَلبي تطلع نار وتشمه الخشوم

ارد انشد العشاكَ الهم دره ابهاي
اشمعنه كَلبي ايفور من اشرب الماي

لا تسأل العشاكَ الهم دره ابهاي
كَلب اليوجه الشوكَ ماينطفي ابماي

مافاده كَلبي الماي من شبت النار
بس ولفي اليطفيه لو عاود الدار

شنهي الدوه الموصوف للولفه جافي
اصبر وتاني ايعود لومنه كافي

الكَلب كَال ارجاه كَتله ارجه ربك
الي جفاك اليوم باجر يحبك

كَلي شيغمض العين ليله انه ورتاح
والولف عند الغير طاير بليه جناح

صح عدل لاكن ميت هذا انه حالي
سل عودي ياهالناس جور الليالي

عمده ارد امر للدار وسجد للتراب
ورسم ابدمع العين تمثال الاحباب

بس الرسم بالدار ضل ليه تذكار
ودفتر مليته احزان من اكتب اشعار

لا لا تضن انساك لا ما اعوفك
صدكَني بالدلال طابع حروفك

صدكَني بالدلال جرح الك موجود
مايشفه بالتضميد ينتضرك اتعود

هدار سامي شياع تسلم يغالي
اخ وصديق وجاغ طول الليالي

لا ما سهرت الليل صدگيني احلام
گبل انتي لتوصين يونس غفى ونام

چم سهم بالدلال يصعب عددهن


وجروحي دوم تزيد ياهو اليشدهن

يشدهن المحبوب لو لحگ بيهن
ومن ايده لمسة شوگ بس مر عليهن

حلوه ووسيعة عين وبخدها شامه
تمشي دلع بالبيت مشي الحمامه



ههههههه طلعت بمخي << *_*

يـانــاس ولفــي حــليو .. عنــده ابتــسامه
من يبــــتسم هــل كــون .. يشــرق ظـلامـه

نص مخي راح يطير ونص مخي طاير
گاعد واصفط اشعار واشرب جگاير

گاعد واصفط اشعار ويه اغلى ناسي
كسرت عفش البيت ونص الكراسي


*_*

كسرت عفش البيت النت ذبحني
يفصل وكل مشوار يگطعه للحني


شنو موسيقار <<<<< طلع هالشكل (*_* )

نص مخي راح يطير ونص مخي طاير



گاعد واصفط اشعار واشرب جگاير




ارحم يخوية الروح بطل جكاير

وشماله كلبك دوم يشتكي وحاير


تقبل هذا الدارمي المتواضع
انشالله يعجبك يبو ذنون
تحياتي

روحي اذا للبيع من يشتريها
ماتسوه خمس فلوس الا انته بيها

ارحم يخوية الروح بطل جكاير

وشماله كلبك دوم يشتكي وحاير


تقبل هذا الدارمي المتواضع
انشالله يعجبك يبو ذنون
تحياتي

يا خيتي لو تدرين بيه شكثر ضيم
چا گلتي معد تطيب لو تصعد الغيم

(*_*)

يا خيتي لو تدرين بيه شكثر ضيم


چا گلتي معد تطيب لو تصعد الغيم


(*_*)




متكلي من الضيم ياهو الي خالي
ثاري يخويه انته ,, حالك مثل حالي

متكلي من الضيم ياهو الي خالي
ثاري يخويه انته ,, حالك مثل حالي









بالحال انا وياچ ما ظنتي واحد
آنا ابو الحظات يم بابي گاعد


گاعد ابو الحظات وجايبلي الهموم
خلاني بس عظام تكسيني الهدوم

تفرج وحگ عيناك يا اريش العين
ادري الهموم كبار..هونّها يالزين

همك وهم الناس وهم هم الأيام
وفوكاههم هم العين ماتقبل اتنام

همك وهم الناس وهم هم الهموم
لو وحده منهن بيك ماتكدر تكوم

همچ وهم الناس وهم هم البيوت
لو وحده منهن بيچ متتي يا ايوت


هلا ايات نورتي الدارمي

هجرك يبعد الروح سلاني فد نوب
والجسم من فركاك صوب ارده من صوب

هم شفت مثلي انسان حبك يمحبوب
لو تابو العاصيــــــن منك فلا اتوب

بتابوت احط الروح وادفنها عالباب
انصحها منهم دوم وتكلي احباب

العين تبجي دوم لو رايد تروح
صدكني الموت مجروح اذا ماشوفك قبل ما تروح

يارايح البغداد سلملي على الاحباب
حـــط بالكلب نيران افـراك الاصــحاب

بجه كلبي تعال ارجوك سكته

حبك شعلني بنار كاتلني انته

كاطع وياي شبيك ياسلوى الروح
دم ابجي موش دموع تاركني مجروح

دم ابچي موش دموع صدگوني من دم
ذابحني هم دنياي وموت اغلى ابن عم

ذابحني هم دنياي وضيم الليالي
وفراگ الاحبهم حيل واغلى الغوالي

فراگ الاحبهم حيل أثّر علينا
راحت برمشة عين أجمل سنينه

خـاف اللـه يالمريت ما كـلـمـتـنـي


لـيـتك حجيت اوياي لو شـتـمـتـنـي

ليش الحزن مكتوب بالجبين
والفرح ماله وجودبين المحبين

بقلمي

يخدر الشافه يذوب ينمرد جبده
غير الله من سواه كاعدله كعده

الحزن لو مر بيك امفاركَ احباب
والفرح شمعه ايصيرللفاركَ اجناب

حكَه اليشوفه ايذوب ينكَسم نصين
ضل يصنع المعبود ابخده سنتين

ياخلكَ والله هواي تكتل اعيونه
اليبجي اعله هواه هم يلومونه

شمــا اكتــب الكلمـــات ..ماتوصفلكم
شگد گـــلبي يحمل شــوگ ..وشگـد احبكم

حگ عيني تبچي اعليك وحگ گـــلبي يحتار
وما الوم انا الحلوين من عندك تغار

اسعد الله مساك يايونس




نور ونظر للعين ولكلبي دكات


لو بيدي اودي الروح ماودي كلمات

الله يخليچ يا رمز الفرات خيمة نستظل بها جميعا

تسلم لنا الدگات في گلبچ ودوم
وعيونج الحلوات تنورنا كل يوم

شكد حملت هموم والحزن بيتي
لامرني صبر فد يوم ولا فرح مهجتي

بقلمي

حملت دموعي من صغر سني

مرت سنين العمرومافاركني

بقلمي

ريت الحـــــزن والهـــم لا مر ولا جاچ
وابعدي هالاحساس عن روحچ شجاچ

محد وحگ عيناچ يستاهل دموع
وعگب العزيز الراح ما متنا من جوع

موبيدي وحك الكون يل تحجون
الهم انزرع بالدم ومافارك العيون

بقلمي

الهم اكلني حيل وشيبلي راسي
والعمريقضي بساع والزمن قاسي
بقلمي

الدنيا كلها غيوم غيم بأثر غيم
واليصبر اللي فاز واليحمل الضيم


لعيونچ يا حلووومة الفرات وفراشته الرائعه
اشوفچ حزينه خير ؟؟؟!!
انا وام فيصل المصايب وموت الاحبه هدت حيلنا بالاخير والله
وفاة شقيقتها الله يرحمها وانا فقدت 2 من اولاد عمي
اكتبي للفرح وطلعينا من عالم الحزن انا وربي عن نفسي تعبت الحزن ونفسي اكتب للفرح للحب للدنيا الجميله

طير الكناري طار وما غرد شهور
گاضيها كلها نياح ومگابل گبور


هذا عليَّ هههههه

لو ردت احصي الشيب ولا شعره سوده
رغوه كما الصابون وصرت آني موده


يعني صارو يقلدوني يصبغون روسهم بلون الشيب اللي براسي

مل مني الصبر وزار غيري
وظلت دموع العين بس تجري

خوية هي لحظات من الهم والحزن تشتاحنا بقوة
وتجعلنا نرمي همومنا في بيوت تقر لها الاعين ويستريح القلب عندها

الهم بالدم
والفرح فارك العين

ولايهمك خوية

تحياتي

تكدر تصبغه الشيب وتزيل الهموم
بس شتحط ويطيب للكلبه ملجوم

حبيبي يا رائع لك كل الحب سا أساهم لانجاح هذا المشروع
لافتخر بمنزلي الرائع الفرات..وبك انت اخي الكبير.....

بقلمي.

الگلبه مو ملچوم ينسخ بالاشعار
ومتهني خالي بال تزهيله الدار


لعيونك يا شوك

نرجع يدنيا وياچ نكتب وحدنا
نبقى معاچ اصحاب مهما ابتعدنا

نرجع يدنيا وياچ نكتب وحدنا
نبقى معاچ اصحاب مهما ابتعدنا

ينسخ لان ماشاف شي بي ترافه
واحنه الشعر يازين عدنه احترافه

لعيونك ياكناري.
يا رائع.

نحترف دمع العين وشوگ الشفايف
ولا قرة امه الما يجيب السوالف
ولا قرة امه اللي يظل منا خايف



ههههههه اختار

الحگ يريد لسان يريد اليعرفون
عمرك شفت خرسان بالحگ ينادون


يعني اللي ينقلون منا وينسخون لو مروا بظرف طارئ يتليشون يكونون ضعاف وموقفهم هش مع احترامي للجميع

صدكني يا محبوب احنه اهل الاشعار
والهسه حبنه يفيض للوادم انهار..

مع كل الحب لنبدأ المساجلة..

اكتبلي عالحب عاد وشوف اليحبني
بيا ذنب شب النار وبناره ذبني

الله عيك خلاص ولا يهمك......
خلينه نتحاور.....ولا يهمك لكن مافي داعي للتجريح
مو ....نتحاور بالشعر لو كان ودك.....والنسخ مافي عيب
لوكان لعباقرة الشعراء..وبشكرل موزون..وكل ما نسخته طبيعي هو لاجل
الاعضاء ..وطبعا ما يوم نسيت اسم الشاعر..يا حبيبي ..ياغالي
لنتحاور بود لو كنت تسمح..

بياذنب شب النار وجاب ارتوازي
شيطفي مني گول هذا اليوازي

ساجل يبعد الروح ساجل اشوفك
شتكتب ارد اعليك لا ما اعوفك

عمرك شفت بردان بالثلج غاطس
هالشكل روحي عليه ويگلي ما احس

هالشكل روحي تذوب منچ يناري
ولو گتله ياهو الخان گال الكناري

ساعات احس بالشوگ وساعات اماطل
وليل ونهار اشعار اكتب فلا امل

الله حبيبي .....

للحب سبع بيبان ومقفله بطوك
ينفتحن بكل طيب لمن يمر شوك.
مع حبي..

اكتب ولا انهار وانهاري عذبه
وروحي اطشها ورود وافرشله دربه

للحب سبع بيبان واحنه المفاتيح
ولمن يمرهن شوگ من نظره تطيح

ذايب ترى من اسنين كلبه بقهر شوك
والكذلة الحلوات عمره بشرف طوك..

المايذوب شلون يحس بالحلاوه
والمو عجين يصير ما به طراوه

الله كنت رائعا..

المايذوب نكول ما يعشك ابروح
شنهي الملذه البيه شوك وبلا جروح..

الما يعاني جروح ما يشعر بطيب
مثل الذي بفلوس يودي ويجيب


هههههههه يعني بشتغل اجير كافي خيره شره

الما يعاني اجروح ماعنده احساس
مثل اليمد اجفوف يتوسل الناس

ريت الجرح مترين ومكوم الدود
ويمرني ساهي العين ويلگاني ممدود


هههه بلكت يحن يا شوگ

ههه الله يا كبير ......الله
انشاء الله يحن ..

ريت الجرح يهواي غمكه بغمك بير
حتى اليلجمه يضيع وبطلعته يحير.

بيه ولا بهواي وبكل خوالي
هذا شريچ الروح ما غيره غالي

ما يهون علي ينجرح يا شوگ

الله الله......
لانك تعشقه بقلبك الكبير من الطبيعي لا يهون عليك جرحه..
اخي الكبير اتشرف والله بالمساجلة معك..

كون الجرح يندار بيه ويعوفه
بلكت يحن ويعود وبعيني اشوف.

لي الشرف يالغالي
وهسه لازم اروح اتغدى تفضل وياي خوش كبه مال موصل ومعها الطرشي والسلطات والنمنمات


كبه غداي اليوم ليتك تجينه
نقاسم آآنا وياك << لو ما تبينه ؟

الله يا رائع...الف عافية..كبة الموصل هذي كان والدي خصيصا من يروح
يلتحق للفيلق يجبلنه منها...يا حبيبي يا اخوي الكبير ..تسلم لك محبتي..
انشاء الله ازورك واشوف هذا الگلب الكبير..ماشي نكمل المساجله اني
هم ارحل شوي انام..على عهد ان نكمل المساجلة..مع كل الحب..يا غالي.

اتشرف بكل طيب اتغده وياك
يانبض وسط الروح بروحيحتي الكاك..

حبيبي الغالي..

الطم وافزع الناس ومحزم حزام
فاركني صار اسبوع جنها اثنعش عام....

مع كل الحب...........

مساجلة جميلة وممتعة
عاشت الايادي اعزائي
وربنا يديم المحبة وهذي اللأخوة الحلوة


وعافيات يبو ذنون
هني ومري ان شاء الله

تحياتي لكما ونتمنى ان نرى هذا التواصل الجميل

الاجمل حضورك يا ام فيصل عافاكِ الله
ما ننحرم هالطلّه


تورطت بالمليون حسبالي سهله
الكبّه معد تفيد للماتو أهله


هههههههه يعني بقى وحده شلون يدبر المليون
لو ياكل كبة الدنيا كلها هماتين ميدبرها

الطم وافزع الناس ومحزم حزام
فاركني صار اسبوع جنها اثنعش عام....

مع كل الحب...........



الطم بعد يا خوي ميفيد الحزام
شگد نبقى بالمليون عشرين الف عام ؟

ههههه

الله عليك...لا انشاء الله نكملها ..منا البعد ساعه ههه
ساعه مو بالتوقيت المحلي..

خل نبدي حملة طيب نكتب سويه
ونعرف اهل الالشوك بالحب قضيه.
مع حبي..

مو عجبه اهو المليون للشاعر ايهون
لا تيآس الكتاب خلهم يكتبون

صدكَني مو مليون لا لو ملايين
من اغرم انه اهواي اكتب عناوين

ياما كتبنه اشكال ياما حجينه
كل هذا واحنه انكَول تونه بدينه

مو عجبه اهو المليون للشاعر ايهون
لا تيآس الكتاب خلهم يكتبون


بيكم يبعد الروح خير وكفايه
وميهمني لو مليار وانتو معايه

ســـم لاتحــط بلــــــماي وبمـــوتي تهــتم

فــاركــني بــس يـومين من كيــفي انــسم

لو فاركتني السم من كيفه يندار
مو بالاكل والماي لكن بالأشعار

حطني على يمناك بالموزمه وشوف
انته اغلى ما بالناس يازين الوصوف

ادري بدليلي وياك مايقبل يهيد


ونارالهجر بالروح شو كامت تزيد

هجرك يماي العين علمني اقسى
مهما تغيب وتروح دليلي يقسى

الينذبح مظلوم اشوا من اليموت
وچتاله موش بعيد وبذني البيوت

يا فرحة المظلوم لو صار الحساب
باليسرى شال الروح وباليمنه الكتاب

ظالم حبيبي وياي صد وهجرني
ولو ردت ابعد حيل صاح وأمرني

لك بالگلب بابين باب احلى من باب
باب انته نايم بيه وباب اغلى الاحباب

ليش البشر هل الايام ماتحسب حساب


تظلم وتغتاب وماتدري بالحساب

الدهر مو بس يوم الدهر يومين
يوم الك يضحك حيل ويوم الشياطين

الدهر بس للزين كشر انيابه
وخله الاصيل يطيح بيد الگرابه

البشر مو بالكيف ولا بالتمني
غصباً عليه احيان يبچي ويغنّي



في آن واحد

وكلت الله عليك يالتحجي ضدي
باجر يجور الزمن عليك وتظل تبجي

ما عاش اليحاچيچ او يحچي ضدچ
تاج انتي فوگ الروس ياهو البكدچ

سهــران انه ومهــموم.. والغــالي نــايم
خـــل بيــه كــلشي يصــير.. بس كــونه ســالم

خله ينام الليل وخل عيني تسهر
بعيوني يبقى الزين اكبر واكبر

نور الشمس لو لاح فيه نتبارك
اتمنى روحي ضيف لو عند جارك

اتمنى روحي ضيف بطارف عربكم
ناذر اعلگ شموع تضوي دربكم

اتمنى روحي ضيف وانتم معازيب
تگعد گبالي بس لتحط ولا تجيب

بكل لحظه انته وياي بكل لحظه يمك
بالحلم شفتك جيت بس خفت اضمك

بالحلم شفتك جيت لابس عبايه
تسألني عالاشعار گتلك هوايه

مهما تصد وتغيب ما اعوفك آني
ابقى وراك سنين اكتب اغاني

ابقى وراك سنين يالتعبتني
انسى القهر والضيم لو عاتبتني

ياااااه ثكل الدمعة اليوم الي جوتني

موكافي ياروح حسرة بالقلب جوتني

كافي الدمع ارتاح وانساها الهموم
وهنياله اللي يموت ياخوتي مظلوم

بالدمع نبقى نعيش بالدمع نرتاح
والظلم يبقى وياي گاع ويه فلاح

بالدمع ترتاحين يا عيني فيضي
ويجروحي لتطيبين لو طبتي هيضي

هدي ياعيني شبيج وجعتي الجفون
عمر الجرح مايطيب لوتبجي دموم

لا جرحي معد يطيب وما ظنتي ابرا
اكتب واذب اشعار والغيري يقرا

منك تعلمنه وزود وفهمنة المغزى
ظل اكتب واشعر دوم ومتع نظرنا


وتسلم لتعديل بيت الدارمي

تحياتي للكناري

هلا احلام تدللي
شفت فيه جماليه حبيت اظهرها فقمت بالتعديل

يسألني البطران ياهو التريده
كتله ولك موجود في كل قصيده

يسألني البطران وين انته ساكن
كتله ينور العين بكل الاماكن

يسألني البطران ياهم عمامك
گتله آنا منك بيك وانشد عظامك

ما اجوز انا من هواي لولا الخناجر
بنص ظهري كلها تصير واندفن باچر

حبيته انا واسباب حبي خفيه
وكل قطره بالشريان تشهد عليه

لو اطيح انا بالبير من حب الاسمر
ما اطلع اترجاه ينطيني دفتر

ينطيني دفتر ليش حتى اكتب اشعار
وابقى وسط هالبير لو فوگي الامطار

يلعشت بين الروح لاتضن ناسيك
بالكلب رجفه تصير من يمر طاريك

با لك تبيع الروح اوتحجي بيهه
صدكني من فركاك ابجي عليهه

خليني وسط العين للكَذله ناطور
خدج زبد ويموع بيام الحرور

يالبعتني بسوگ عذالي برخص بعد ما مني المحبه تضوگها
اكو من بعض الشجر يثمر عفص وأكو شجره تنطي كل حگوگها

زين انته ثلث سهام طبن بگلبك
گلبي انترس طعنات واصرخ احبك

لو ادري هذا الطيب كلة بكلبكم
من هزة الكاروك جاعاشرتكم

لو تدري حالي اشلون من بعدك اشصار
چا گلت عفيه اعليچ متحملـــــــــه النــــــــــــار

تزعل وما راضيك هالغلطه عله
وما ادري هيبه وياك حتى المذله

شوفي آنه حالي شلون من كثر الهموم
بس رسم فوگ الگــاع سترنـــــي الهــــــــدوم

حفرت اسمك على كلبي ولااذتني حروفه
وحبك صار مثل السيف لو يذبحني ماعوفه

اتمنى طيرة الروح واوصل واحاچيـــــــــك
واگعد وحط الهمــــوم يمــــــــــك وابچيـــــــــــك

ماصدگ الينگـــال بس بيـــــك اصـــــدگ
لن نبضي آنه وياك كـــــــل ثانيـــــــة ايــــــــدگ

حتى من اغمض العين بحلامي الكيك
جــذب عليك الكال يالغالـي ناســيك