مقاطع شعرية من اختياري #@#

[بلسم الروح]

بعد هيهات نلتم حان الاوداع



وبعد مثلي محب جا وين تلكاه؟؟



عمر وسفه انكضه بنظرات الاعيون



وخفيت اسرار شوكي بكلبي والله



احبك...مو كلام تكوله بسكوت



ولا اريد انه اسمعه بهمس الاشفاه



اريد بصوت احبك يسمع الكون



ويّه الصوت كلبك يطلع وياه



المن عايش انه بهاي دنياي؟؟



اذا فكرت حبك لحظه انساه



عاين عالقصيده وشوف الاجروح



لحن (داخل حسن)من تطلع الآه



بس انه الوحيد بجرحي غنيت



تعال وشوف نايي شلون غنّاه



على بيت الشعر ضل كلبي مكسور



وتصفكّلي الشماته تكلي الله



بس بيت الشعر ماعندي أي بيت



اليلم ايتام حبي الضاع مأساه



***************



تعال اكرب عليّ جا مبتعد ليش؟؟



مو تعرفني احبك كالمجانين؟؟



مسكين بغرامك بأول صباي



بكلبك ماكو رحمه اعله المساكين؟؟



اذا ماشوف غيرك انه معذور



بس انته الوحيد تعشكك العين



صرت نوح بغيابك والكلب ذاب



من تشوف عمري تكول الفين



كلبك ليش قاسي شبيك وياي؟؟



لأن كتلك احبك كتلي بعدين؟؟



******************



تتمنه البشر يمي يكعدون



ويتمنه الكلب يمك منامه



وبما انك عشت يالغالي بالروح



اذن بس الك تحله الابتسامه



احبنك رغم بعد المسافات



ودليلي بس الك هذا التزامه



انه بشوكك يتيم ودمعي بالعين



تعال بحبك امسح عاليتامه





مثل أمتنه ابدا...ما أتت امه



وعهدك ليش اليه؟؟ما تتمه



بغيابك مثل حال...الماتت أمه



طفل والناس تنظرله بخطيه




الشاعر



سيف العبادي

[سلام الدراجي]

الله يابلسم الروح ما هذا الاختيارات الرائعه
مقاطع جدا جميله وصور جذابه يسلم يراعك اللي نقل
هذه الابيات الرائعه يارائعه ويسلم الشاعر سيف العبادي
تحياتي بلسم

[بلسم الروح]

الله يابلسم الروح ما هذا الاختيارات الرائعه
مقاطع جدا جميله وصور جذابه يسلم يراعك اللي نقل
هذه الابيات الرائعه يارائعه ويسلم الشاعر سيف العبادي
تحياتي بلسم

تسلم وتعيش
كلك ذوق يالغالي

اسعدتني بمرورك الرائع لا حرمنا روعته

اسعدت بالخير دوما

تحياتي

[محتاره]

اختيار مميز

سلمت اناملك عزيزتي

ابدعتي بحق

مودتىى

[بلسم الروح]

اختيار مميز

سلمت اناملك عزيزتي

ابدعتي بحق

مودتىى

هلا والله

حياج الله يالغالية

تحياتي

[امير الاحزان:]

تعال اكرب عليّ جا مبتعد ليش؟؟



مو تعرفني احبك كالمجانين؟؟



مسكين بغرامك بأول صباي



بكلبك ماكو رحمه اعله المساكين؟؟



اذا ماشوف غيرك انه معذور



بس انته الوحيد تعشكك العين



صرت نوح بغيابك والكلب ذاب



من تشوف عمري تكول الفين



كلبك ليش قاسي شبيك وياي؟؟



لأن كتلك احبك كتلي بعدين؟؟
...........................
الله الله يابلسم
اختيار موفق..شدتني اليها المفردة ووقفت عندها كثيرا" متاملا"
فلا يسعني هنا الا ان اقدم لك جزيل شكري وامتناني
تحياتي مع باقة وردي

[* ملك الاحساس *]

الله ...........الله .........الله

دومك موفقة بالاختيار

مختارات جدا موفقة

جميل ورائع ماتنتقيه البلسم

[احسان الجنابي]

احبك...مو كلام تكوله بسكوت
ولا اريد انه اسمعه بهمس الاشفاه
اريد بصوت احبك يسمع الكون
الله بسلم الروح
على هذا الاختيار الرائع كلمات حزينه مع تحيات الجنابي