وبقيت بجفن عيني ...ماهملتك
حسبالي الخيانة... ماهي ملتك
لجن هسه اتضح كلكم سويه
ي قره براسك منو ونسيت كل الصار
خنتني وسافرت والعشره ناسيهه
اريد اليوم اسولف واكشف المضموم
بعد لااظن اسامح مااعديهه
بخمر شفتك لهسه شفافي سكرانات
ونده شفافك لهسه ينكط عليهه
جنت من تمرض بروحي... وك شفاك
أريد افهم شنو قصتك ...وكشفاك
لو تعرفني ياهو انه؟؟ ...وك شفاك
ندم تكطعهه عالسويته بيه
صدى كلمه احبك لسه بذني يفور
دكلي لجم شخص كبلي انته حاجيهه؟؟
بتصاويرك بعدهه ملطخه الحيطان
وليهسه الرسايل محتفظ بيهه
صح كتلك احبك بس جنت غلطان
وجاي ادفع ثمن من كلبي أمحيهه
عفت جم جنه لجلك حتى اظل وياك
كلت فدوه واعيش بنارك شبيهه
شكثر كالولي احذر شجرة التفاح
كلت شجرة خلود وادري تاليهه
دست كلبي وهدمت بداخله المحراب
بعد ياجنه اسمحلك تطب بيهه
تحياتي للشاعر.gif "66 (6)")
.gif "66 (46)")
سيف العبادي 
مختارات شعرية #@#
رد مع اقتباس
رد: مختارات شعرية #@#
