معجب بيك اكثرررر

[رشا]

ساكت شرد اكلك
هو ضل السان
عندي وبيه اسولف واعترف معجب
شفتك من بعيد
وخذت كلشي وياك
انه ادري اشراح تاخذ مني من تكرب
***
ما مرتاب منك
بس احس بخوف
وبعيونك احس كل نضرة الك مطلب
يبو عيون الصكر
سابينه من مرتاح
نطي وجوهنا لا وين من تغضب
على كيفك وياي
وشوفني بيا حال
تعبني العشك ما بي بعد اتعب
يابس زرع روحي
وضامة امن النار
ونارك بالزرع شيكضها من تنشب
***
تحيرني البرائه
اشما افكر بيك
ما اعرفك صدك وياي لو تلعب
الغريبة البيك توك
ما تعرف الشوك
وشلته حال كلبي البيك هي اغرب
بسهل طبيت كلبي
وما كلتلك وين
يالشايل كلب للموت ما ينطب
***
ما احبك بعدني
وكلشي بيدك صار
جا ..شيضل علي .. لو من ..صدك تنحب
***
مو مثل البشر
لا عمي عشكك موت
موت وشلي بيه ما منه كل مهرب
انت الحلوة بيك
اشكد صعب وياي
وانه الحلوة بي وياك ما اصعب
***
متناسبني كلي
حتى اضل مرتاح
متناسبني اشوفن هذا حل انسب
ما احبك لان
ما شفت هيج اوصاف
والكلك اوصفك نافق وجذب
***
ملعب للجمال
او وحدك اللاعوب
وبحسنك صرت لاهل المثل مضرب
وعيونك بيارغ
هوست عالناس
(((احنه الاسسنه الملعب واحنه النلعب بي)))
واشحدة اليطب وباك للملعب
***
تبين من بعيد
اشما مشو وياك
حجر هم وصرت من دونهم كهرب

تسب الناس
كل خطوة جدم عالكاع
من تنسب اذا لتضوج من تنسب
****
معقولة انت اكلك
اكل هاي الناس
ونفس الماي تشرب منه من تشرب
كل لاهلك دخيلك
خلهم يضموك
انت الماكو منك خاف لا تخرب
ومن يكثر المثلك
خلهم يطلعوك
بلكي تضيع لمن بالشبه تنذب
***
لتخليني احبك
بي الف فلاح
يربات المدينة ارجوك لا تكرب
طير القرية روحي
يخاف الولايات
السطوح تصيح بيه لو عالمدن يجهب
طير القرية روحي
وما يعرف هواي
ومن كتر البيادر من يلكط حب
مما راق لي

[ام فيصل]

قصيدة حب وغزل رائعة بمفرداتها
جزيل الشكر لك عزيزتي رشا
على هذا الإختيار الموفق
ودام لنا هذا العطاء
دمتي بخير وتحياتي لك

كلمات رائعه يارشا تسلمين اتمنالك كل التوفيق

[محمد السوداني]

بالفعل كلمات رائعه وابيات جميلة كتبت بقلم اجاد رسم الموصوف ولكن
هذه ,

ملعب للجمال
او وحدك اللاعوب
وبحسنك صرت لاهل المثل مضرب
وعيونك بيارغ
هوست عالناس
(((احنه الاسسنه الملعب واحنه النلعب بي)))
واشحدة اليطب وياك للملعب

هي الروعه بحد ذاتها
تقبلي تحياتي