قصيدة الى الامام الحسين

[علي عباس العبادي]

القصيدة إلى الأمام الحسين ( ع ) ( بعنوان قياس معَ الفارق )
ولقد قرءة في مهرجان الراية السنوي

متعجبين حاتم بالكرم معروف
أو حاتم لو كريم أيسوي هل حاله
مثل منضر لمحته أبعشرة من عاشور
شفت بيه الكرم يتباهى برجاله
حاتم من ذبح فرسه أكرم الخطار
مو مثل الذبح روحه أو سبه أعياله
إذن عذراً بعد ما اسمع الينكال
لو هذا الكرم لو ماكو منواله
المعزب عله أكله اشترتجيه أيصير
يعزم للمنايه ليعزم أكاله
والمعزب منايه أو حاضر الكلفات
شي همه الأكل لو همه جتاله
هوه حسين وحده أو بالكرم من صال
أكرم خيلهم ما خله خياله
إذن ما اقتنع جانت ترضه الخيل
لمن طاح رمي أتوسد أرماله
شاف الخيل رادة تعثر أعله لكاع
قدم صدره ألها وما ضعف حاله
آو يكلولي الشمر حز راس أبو السجاد
من هذا الكلام اشترتجي أقواله
من كونه سبع ما حزه وكت الضيج
عشر أمتار عنه أو ما تدنا له
لان ضل الحسين مغطي عين الكاع
عاف حسين وحدة أو كطع خياله
سولف عل بشر جزيته راس حسين
ما يدرون حز راسه ايتراواله
يحاتم اعتذر مالك كرم وياي
الكرم لحسين بس وحده إلي يبرا له

[ام فيصل]

الله عليك
وعلى جمال هذه الكلمات
صح لسانك عزيزي العبادي وعطر الله انفاسك
على هذه القصيدة الجميلة
السلام على الحسين وعلى علي ابن الحسين وعلى اولاد الحسين وعلى اصحاب الحسين

دام لنا هذا الفيض العذب
ودمت بخير عزيزي

[محمد السوداني]

متعجبين حاتم بالكرم معروف
أو حاتم لو كريم أيسوي هل حاله
مثل منضر لمحته أبعشرة من عاشور
شفت بيه الكرم يتباهى برجاله
حاتم من ذبح فرسه أكرم الخطار
مو مثل الذبح روحه أو سبه أعياله

إذن عذراً بعد ما اسمع الينكال
لو هذا الكرم لو ماكو منواله

الله الله الله بعلو صوتي اكلك عاشت ايدك وصح السانك
على هذه الابيات التي تحمل الكثير الكثير>>> لمن لا يعلم
اتفاضة ضمير حي وثورة قلم ماجد
قصيدة رائعة بوركت اخي العزيز وسلمت يداك

تقبل تحياتي وتقديري

وواصل ابداعك وننتظر منك المزيد

[مريم جبران عودة]

سلام الله عليكم يا سيدي ومولاي يا ابا عبد الله


\
\


كلمة رائعة

جزاكم الله خير الجزاء على كتابتها


ودام قلمكم في خدمة اهل البيت