اذامقفول كلبك

[علي عباس العبادي]

اذا مقفول كلبك من زمان الفات
تره المفتاح عندي وباجر انفتحه
الليل اشما يطول شما يخيم عليك
لابد تجي الساعه الينولد صبحه
لاتعتب عليهم ورد مو قداح
من ورد الجذب لا تنتظر نفحه
صح مجروح كلبك والجرح نيشان
وماينّسي الصار من المحب جرحه
بس حبي دوه وجرحك ورود يصير
لو شم حبي تبقه اورودك مفتحه
ولا تعتب على الخله الدموع اتسيل
وخلّه خدودك من الدمع منجرحه
صدك انسه كلشي وانسه ذاك الفات
واخذ عيوني يمك كلبك اتفرحه
لاذا مقفول قلبك تّاني العوج يصلحلك الي صار
الاعوج طبعه اعوج يصعب اتصلحه
والخده ايتلكه ادموعك الي اتطيح
هذا الحك نعم صك الثقه اتمنحه
عمرك صح تطشّر بين هذا وذاك
بس خيط ارد اجيك والظم السبحه
كلما ارد ارسمك ارتجف حيران
بس اوصل العينك تعجز اللوحه
ومن اكتب شعر واتصورك موجود
اسمك من اكتبه اتصفك الصفحه

[ام فيصل]

كلما ارد ارسمك ارتجف حيران
بس اوصل العينك تعجز اللوحه
ومن اكتب شعر واتصورك موجود
اسمك من اكتبه اتصفك الصفحه



الله عليك يبو حسين
قصيدة جدا جميلة
عاشت ايدك عزيزي
ودام لنا هذا النبض الحي
كل الشكر لك عزيزي
مع تحياتي

[وردة بغداد]

تسلم ايدك الحلوه على الشعر الجميل

ربي لايحرمنا من مواضيعك

تقبل مروري

[الشايب العراقي]

صدك انسه كلشي وانسه ذاك الفات
واخذ عيوني يمك كلبك اتفرحه
لاذا مقفول قلبك تّاني العوج يصلحلك الي صار





كلمات رائعه ومميزه
يسلمو الايادي لماخطت من اروع الكلمات

اتمنالكم التوفيق والابداع دائما

موفقين بإذن الله ... لكم مني أجمل تحية .

تقبلو مروري