ضــــــــــل اويـــــــــــاي

گلي شراح اگلك وانته راح اتروح
وليش اتلح عليه وتنتظــــر ردّي
هذا السان حالي دموعي تحچي وياك
وراح اسكت واحچي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
ضل وياي اريدك والبقن چم يوم
وهل چم يوم صارن حدك وحدّي
خليني ارد اشوفك گمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باچر انجــدّي
***
اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي
***
ابگد حبك النفسك چنت اناني وياك
ومنو ابگدك يحبك محد ابـــگدي
يل بيه ويه روحي الطلعه طلعت موت
شيردكم علي لو صيحــت ردّي
***
اخذني وياك مني اشعندي باقي وياي
وكلي وياك اخذني وكلشي لتودي
***
شيصيرن بعد خل اليصير ايصير
خل كلشي الأليه وينگلب ضــدي
خل اسنيني تغرگ خله عمري يفيض
خل اگبال عيني وينهدم ســـــدي
خايف صح چنت بس چنت اخاف عليك
والمن بعدك انته وخايف اشعندي.....
0000000000000000000000000000000000
ياارب تعجبكم مشاركتي الاولى رغم انها منقووووله القصيده للشاعر المبدع جبار رشيد
مع تحياتي للجميع

[أنثى شرقية]

اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي




الله عليك اخوي الطيب مشاركه رائعه وننتظر جديدك دوما
تحياتي لك

[محمد السوداني]

موبس عجبتنه >>>>>>>> عجبتنه ونص وحنه الممنونين
اخ رفقاً بقلبي منور المنتدى بتواجدك
قصيدة رائعه سلمت يداك لهذا الذوق الجميل

رائعه متميزه هي اول مشاركاتك ونحن نطمع بالمزيد

لا تبخل علينا

تقبل تحياتي وتقديري

احلام يااارب تتحقق كل احلامك السعيده نورتي الصفحه خيتي الغاليه

اشكرك اخي محمد على مرورك فوق اول مشاركاتي نورت الموضوع بمرورك

[ام فيصل]

صح لسانك
ولسان الشاعر المبدع جبار رشيد
قصيدة حب ولهفة جدا جميلة
عاشت ايدك عزيزي على هذه المشاركة
ومرحبا بك --- انرت المنتدى عزيزي

ننتظر المزيد منك

دمت بخير

روووووووووووووووووعة تسلمين

[الشايب العراقي]

مبدع اخي اتمنالك الموفقيه ياررررررررررب