ومضات اتمنا تعجبكم

[علي عباس العبادي]

ومضات عراقية
للشاعر غالب امعلا الحيدري
(1)

أباوع بالوجوه ...
أمزنجره من الظيم
بس وجهك أشوفه يلالي بشمسه
تعبني الصبر ...
والحزن بيه جبال
وجبال الحزن بالروح منغرسه
طايح من أمس لليوم ...
وعيون الشماته بحالي متونسه
أوديلك جرح ...
ما نزف دم والله
ظل ينزف صبر حد ماكطع نفسه

(2)

من تزعل ...
أحس الكون زعلان
وعيون الشمس ما بيهه أي ومضه
ومن تزعل ...
تون كل العصافير
ويكوم الحزن من عدهه يتشظه
يا نبع الورد ...
يا دمع آه و آه
يا دجله و فرات بطوله وبعرضه

(3)

ﭽويني بجمر ...
اذبحني بموس
ﮔص لوزة محبتك من شراييني
ﭽتفني بحزن ...
وقيود من هموم
وحافي أعلى الكزاز بألم مشيني
ذوبني شمع ...
بدموع من تيزاب
واحرﮔني حركك بس لا تعاديني

(4)

اشجرني حطب ...
خليني بتنور
واخبزني بمحبتك خبز جوعانين
وﭽملني صبر ...
لو صبري ايعوز
يل صبرك بحر مابيه غرﮔانين
ويل جرحك شمس
ينزف محبه ونور
واعداء الشمس اعتقد خسرانين

للشاعر غالب امعلا الحيدري

[حيدر القريشي]

ومضات اكثر من رائعه
شكرا لك اخي العزيز
تقبل مني خالص الود والتقدير
مع ارق التحايا

[محمد السوداني]

السلام عليكم

اهلا وسهلا بك اخ علي عباس العبادي منور المنتدى بتواجد
. . . . . . . . . . . . . . . . . . . . . . . . . . . .


مشاركة رائعه سلمت يداك اخي العزيز


ولكن ارجو منك ملاحظة التعديل والاضافة التي اضيفت الى مشاركتك


تقبل تحياتي وتقديري