قصيده \ والكعبه اكفر بيك

[سلام الدراجي]

والكعبة اكفر بيك

إذا حبك لفاني بضلمه هاي الليل

أضل وياك انه بليل ضلمتنه

تانيتك عمر وسنيني چأنت ظيم

ومن شفتك شفيت وشفت علتنه

انه ألچنت أدور أعليك عمري الضاع

باوع بس علينه ارجوك لو فتنه

ولان أنت أصبحت ضلي وأخاف أعليك

حاير يا الحبيب شلون إذا متنه

انه ألما صحيت ودوم فاقد بيك

بالكأس انه أشوفك دمعه شربتنه

ياريحه مسك والمسك حطك بيه

حتارينه بمسك لو بيك شمتنه

ياعيد اليتامى وفرحه امتانين

ياگاع العطاشه تأني مطرتنه

هاذا انه وأضل اتنطرك ملهوف

ياصدر الحنين عليك نومتنه

من انه أضمك مدري شفتك وين

كلك أنت شفه وأنت قبلتنه

وإذا انه تهت بجروحي صارت وين

أبنارك احترك يامحلى حركتنه

بس من أنظلم (والكعبة اكفر بيك )

من رمشك اعلگك شوف قسوتنه

بس انه انصحك بالعدل جر وياي

ولا اتجرب قسوتي وهاك بوستنه

وإذا أنت تكولن سادي انه وياك

مازوخي أصبحت وتريد مصتنه

تتمتع أعذبك وأنت تصرخ زيد

يااجمل عذاب وچأن لذتنه

ياسهري وعذابي وشربي تالي الليل

يااحلى القصايد هاي قصتنه

الدكتور

سلام الدراجي

[رنا العراقية]

من رمشك اعلگك شوف قسوتنه
بس انه انصحك بالعدل جر وياي


عاشت ايدك بس ها ي القصيدة اتخوف

هاي قصيدة رعب
وقسوة





وتعليك من الرمش


المهم صح اللسانك لازم اكو قسوة

خد وعين

تحياتي العراقية

[سلام الدراجي]

من رمشك اعلگك شوف قسوتنه

بس انه انصحك بالعدل جر وياي

عاشت ايدك بس ها ي القصيدة اتخوف

هاي قصيدة رعب
وقسوة

وتعليك من الرمش

المهم صح اللسانك لازم اكو قسوة

خد وعين

تحياتي العراقية

رنا ردك اضحكني لا تتصورين انه قاسي بس هذا خيال شاعر هذا من ناحيه
من ناحيه ثانيه كما يقول الممثل سلوم حداد في مسلسل الزير سالم
(انا لم اعد اخيف النساء )عمر وتعده؟؟؟؟؟؟لا يفلان تحيه لك لا تضوجين

[محتاره]

الله الله

مشكووور اخويه على هذه الكلماتــ الراااائعه

عاشت الايااادي

مودتي

[محمد السوداني]

السلام عليكم

والله وصح السانك وعاشت ايدك يا شاعرنا العزيز
الاخ الغالي سلام الدراجي قصيدة اكثر من رائعه من شاعر اروع بوركت ودام لنا نبض قلمك الحي

تقبل تحياتي وتقديري

[لبوة]

ولان أنت أصبحت ضلي وأخاف أعليك
حاير يا الحبيب شلون إذا متنه
انه ألما صحيت ودوم فاقد بيك
بالكأس انه أشوفك دمعه شربتنه

والدي الغالي قصيده رائعه
فيها قسوه جميله ورومانسه اجمل ...
لقد جمعت الاثنان بصوره رائعه
تمنياتي لكِ بالمزيد من الابداع
تحياتي لكِ

[وليد المهندس]

قصيده غايه في الروعه
انت مبدع..... مبدع

[شاعر غرام]

دكتور ليس بالطب فقط
ولاكنك دكتور حتى في كتاباتك

تقبل تحياتي يامبدع