هم تجووووون ؟؟؟

[الشاعر ماجد الدعمي]

وينك انت ؟؟
وزارع عيوني اعله دربك !
مره اكول اليوم يوصل
مره اكولن بلكي باجر !
ومره امني الروح واصبر
ولمن اصفن وانت ماكو
ارجع ومكسور خاطر !
ارجع ولجماتي شكثرهه
وبيك اسولف !
وتحله وي روحي السوالف
ولان كل السوالف باسمك انت
شلون ما تحله حبيبي ؟
حيل وحشه الدنيه احسهه
والدروب الامشي بيهه
مدري توصل بيه وين ؟
مدري تاخذني اعله بابك
مدري تاخذني الوحشتي ؟
انت كلي ؟
اني تيهت الدروب
وضيعت روحي اعله دربك
ومن ترد دك بيبان عمري
وخلني اشوفك
وخلني اكحل عيني بيك !
ولو نويت انوب تمشي
وياك اخذني
اني اموت وما اعوفك .
اني اموت وما اعوفك .!

تحيـــــــــ ماجد الشاعر ــــــــات
10/2/2009

[سلام الدراجي]

عمي لو هذا الحجي لو خل انبطل تفعيله رائعه ماجد تحياتي الك ياورده

[هاشم نجم]

تحيه لك ماجد على القصيده
الجميله والرائعه
تقبل مروري وتحياتي

[الشاعر ماجد الدعمي]

اخي الكريم الزير روماني
اخي العزيز هاشم نجم
تحياتي لكم احبتي وشكرا لمرورك الجميل
وتواجد كم المميز تحياتي ..

والله مبدع وذوقك مميز

صح لسانك يالغالي

كلمات جميله واختيار رائع

دمت بهذا العطاء الجميل ياشاعرنا


مع تحياتي

[رنا العراقية]

حلو عاشت ايدك بس منو يستاهل

[الشاعر ماجد الدعمي]

تسلم حبيبي الزير الغالي
وسعيد دائما بمرورك
تحياااااااتي

[الشاعر ماجد الدعمي]

رنا العراقيه
شكرا لمرورك الكريم
وتحياتي لك
ليش هواااي يستاهلون
هههههههه