الامام الحسين /عليه السلام -وكربلاء

[هاشم نجم]

حسين شال حسين من طاح الحسين
حسين هاي الشمس كمره بنوره
راح ما اذكر فقط ذبح الحسين
خاف تطلع بشعه عندي الصوره
انذبح بالسهم عبدالله الرضيع
وصار عاشوراء بيه عاشوره
وكرلاء مهد اله بنص كربلاء
اتدور على حسين تريد اتزوره
تدري بينا ازغار ندرس على
الحسين والمعلم سيرته الطبشوره
ومن كتب اسمه ارتجف جبد السماء
وجلب جسم الطبشور بالسبوره
يا حسين اشلون اوصل للحسين
انته اخذني وياك وصلني اله
وراح اشد اعيوني حتى امشي وراك
اليمشي لحسين خلي الله يدلله
وكف التاريخ خل نحجي الصحيح
باجر التاريخ يسئل ناقله
مهزله التاريخ لوما الحسين
وليزيد تلوك هاي المهزله
كبل واحد حرماه وشمر ويزيد
وهسه من كل نسخه توجد قافله
الدرع يحميك في وقت القتال
المنجل من يضيع تعيش السنبله
للمخيم من وصل عباس ذاك
يعني اسم عباس درع العائله
وزحمه شغلة ماي محتاج الحسين
لا وحك حسين ماهي المشكله
حسين من يريده مايعصي عليه
حسين من يدعي يغرك كربله
الله من سواك راسمله طريق
والله يعرف بالحسين يكمله
سوه جنه ونار وحسين ويزيد
حسين بالجنه ويزيد النار اله
وهسه من اكتب طفل اسمه الرضيع
روحي تنزل على الورق وتقبله
وهسه من اكتب حسين يظل فراغ
وبالفراغ ابساع تطلع كربله
اذن يامولاي موجود ارتباط
انت الهه وهي الك تكمله




بقلم
الشاعر المبدع علي الناصري

[ام فيصل]

سوه جنه ونار وحسين ويزيد
حسين بالجنه ويزيد النار اله
وهسه من اكتب طفل اسمه الرضيع
روحي تنزل على الورق وتقبله
وهسه من اكتب حسين يظل فراغ
وبالفراغ ابساع تطلع كربله


السلام عليك يااباعبد الله وعلى الأرواح التي حلت بفنائك


احسنت وصح لسانك عزيزي هاشم

قصيدة اكثر من رائعة بحق فاجعة كربلاء

صورتها بفجيعتها وعنفوانها

لعن الله ظالميكم اهل بيت النبوة

وجعلهم اسفل درك الجحيم


تحياتي لك ياهاشم

[عاشق عيونك]

السلام عليك يااباعبد الله وعلى الأرواح التي حلت بفنائك

مشكور اخي العزيز ع القصيدة الرائع


تحياتي

[محمد السوداني]

قصيدة رائعة جدا بوركت اخي العزيز هاشم الورد

تقبل تحياتي وتقديري ..وشكري الجزيل

جعلها الله بميزان اعمالك

[هاشم نجم]

منوره اختي ام فيصل
شكرا للمرور والرد الرائع
دمتي بالف خير

[هاشم نجم]

مشكور اخوي عاشق عيونك
للمرور والرد
لك تحياتي

[هاشم نجم]

عاشق عيونك
شكرا للمرور والرد
لك تحياتي

[هاشم نجم]

حبيبي محمد السوداني
منور متصفحي
اسعدني ردك الجميل
دمت بخير