تيــهت الحجي... غزل

[حيدر القريشي]

: : : صــفنت بليـل كلـت شدوختني ويـــاك
وشنو ســالفة قسمتك ريضت عنـــــــدى
هيهات بخلاصــك بيــدي صار الـــخيط
يالــيره وطحــت بجفــوف الامجـــــــدي
انة كاع الجــبايش ونتة مـاي الهــــور
وعشرتنة بلـــــــــم ما وكفة الــبردي
يانهر الفـــرات وطبـع الضباع الجــوع
وعظامك لحــم بســنونهة يعــــــــدي
اول يوم شفــتك وكف عــندي المــيل
صبولي الريوك وكلـــــت متغــــــدي
وتيهت الوضع بس لا مسيت شفاك
صاحالي ابوي وكتلة هـــــا جـــدي
ياسجان حبي بهيدة وي الــــــــروح
ياضابط فصـــــــــيل وانة الك جندي
اذكر من علية بيوم دك البـــــــــــاب
لكيت الباب شارد لا بــــــــد بسـدي
مد ايدة علة جفي وايده صارت ماي
شّـبدي بيا وصف كـــــــل الوجة وردي
وعيونة بلون شعرة اعتقد كحليــــات
من يوسف جمـــــــــــالك قــاط متعدي
ومن سلم علّــي شــفت الشـــفايف خيــط
تيهت الحجي وكمــــت احجي بالهندي

تحياتي
حيدر القريشي

[محمد السوداني]

الله الله يامبدع عين الباردة عليك
اخي حيدر هذا مو غزل هذا طركاعه
تحياتي الك بكثر معنه الحروف الابجديه
تقبل مروري اخوك ,,,,,,
السوداني

[حيدر القريشي]

شكرا على مرورك اخي ابو جاسم الورده

وتقبل تحياتي الك
اخوك
حيدر القريشي

[سلام الدراجي]

حيدر انته شاعر وعلى راسي قصيده موزونه تحياتي الك وفيها صور جميله جدا عاشت ايدك

[ام فيصل]

الله الله عليك ياحيدر

ماخطيت من سميتك صائغ الحروف

كلماتك ذهب مصيوغ واسترسالك غاية في الروعة

ومثل ماقال اخوي محمد هذا مو غزل هذي طركاعة


دمت يارائع