زنجيل ابوذيه

[الشاعر يوسف الذهاب]

زنجيل ابوذيه
ظعاينهم جفنها الدار بعدن
وصفا بعدك يحلو الطول بعدين
امد ايدي اعلا زيجه صاح بعدين
طويل الليل يجمعنه سويه
سويه ما يصح حالي وحالك
عليه دهربك ربك وحالك
انه ليلي يمر ظلمه وحالك
اشوف خدودك بوجهك ضويه
ضويه خدود وجهك ولتراجي
اتعبت من المخوتل ولتراجي
ثلث مرات شفتك ونته راجي
على وسادة نذل حاقد عليه
على وسادة نذل نعست ونامت
تلغشت ظامري الغيره ونامت
يخي جدم الصخر عايش ونا ميت
تريد الميت يوكفلك تجيه
تريد الميت بعد الموت يحيى
رمز حبنه هتفله الطير يحيا
احلفك بالزبور النبي يحيى
تحن وتلين يمعود عليه
تحن تلين اترجاك بس مر
حلو ماظن جنينه اوياك بس مر
تدك عمده بحواشي جلاي بسمار
وتعلك بيه اخطاءك عليه
تعلك بيه اخطاءك ولعبك
ومثل جاهل اباريلك ولعبك
ابطن امك ولي يسمر ولع بيك
ولع مجنون ليلى العامريه

[سامي المشكور]

زنجيل رائع جداااااااااااااا
شكرا لشاعرنا المبدع

[الشاعر يوسف الذهاب]

اشكرك استاذ سامي المشكور وأسف على
كتابة الابوذية في باب الدارميات واتمنى
حذفها او نقلها الى الابوذيه

[سجاد الرحال]

تحياتي الك شاعرنه المبدع يوسف الذهاب
زنجيل اكثر من روعه
لكن لماذا نشرته في صفحة الدارميات
تقبل مروري مع فائق تقديري

[الشاعر يوسف الذهاب]

الشاعر سجاد الرحال مروركم نور صفحتي
بالضياء والالق .استدراككم مقبول وحصل هذا
سهواً واتمنى ان يقوم الاشراف او الاداره بنقله
للابوذيات دمتم

[عاشق النجوم 55]

ابداع اخي يوسف لتحرمنا من ابداعك

[عراقيه غيوره]

الكل يرفع الايادي لكي يصفق اليك
على جميل ما اخترت لنا
عاشت ايدك اخي
ويسلم لنا هذا الذوق الراقي
نحن بانتظار جديدك القادم وبكل شفق
تحياتي

[الشاعر يوسف الذهاب]

عاشق النجوم
لايسعني الاان اقدم خالص امنياتي بالتوفيق لجنابكم
الكريــــــــــــم