زنجيل ابوذيه شيفاز

[سلام الدراجي]

السلام عليكم


بصفتي شاعر عليه ان اكتب بكل ما يجول به خاطري مثلما نكتب عن الوطن والغزل والوجداني


اليوم جال في خاطري ان اكتب عن فئه من الشعب يحتسون الخمر فألى هولاء الناس اهدي لهم هذا الزنجيل المتواضع

شي واحد لعب خسران شي فاز
خسر ونام نومه وكلت شي فاز
لان ويايه شارب بطل شيفاز
وخبطنه ويه الشرب بيره فريدة
وطربنه من سمعنه احنه فريدة
أطلبت كاسي ولكن فره أيده
نعم فره ومسح منه عرگنه
وما نترك لان هذا عرگنه
زحلة ومستكي ابيض عرگنه
حليب أسباع نشرب احنه هبهب
وصفه جونه وعلينه ألهوه هبهب
لذلك حتى أجيبه أنزور هبهب
بشمال الوطن كعدتنه كونياك
ويم الكلي خل نشرب كونياك
احذرك انه دير بالك كونياك
إذا أتعوز لتطلب زحلة منه
ويحسبه علينه حساب منه
يريت الزمن يرجع آت منه
أبسبعين ألمضن والليل لو جن
ونفرح باليجينه الأنس لو جن
ٍفودكا ومستكي زحلاوي لو جن

وبيرة اشلون ننساها ديانا

وانتشينا بصوت غنته ديانا

خمره اليوم ابد ماكو ديانه

ونضيف الهنجر ونسكر سويه

الدكتور الشاعر

سلام الدراجي

[خالد الفهداوي]

الاخ الدكتور سلام الدراجي الف تحيه لك من القلب على هذا الزنجيل الرائع
الذي ذكرنا بايام الخوالي \ ايام ما كان الحب لي املا واغاني ام كلثوم الرائعه
والسهرات الجميله وتحيه لك لانك لم تنسى تلك الشريحه من المجتمع
عاشت ايدك ودوم العطاء والتالق لك مني كل الحب
المايعرفك ما يثمنك ؟؟؟

[سلام الدراجي]

الاخ خالد الفهداوي اشكر مرور العذب وكلماتك الطيبه
تحياتي اخوك الدكتور سلام الدراجي

الله عاشت ايدك يادكتور ماشاء الله كلهن جمعتهن زنجيل ذهب هذا لان مكتوب بقلم من ذهب تحياتي
وفائق احترامي

تحياتي الك ياغالي

[سلام الدراجي]

الله عاشت ايدك يادكتور ماشاء الله كلهن جمعتهن زنجيل ذهب هذا لان مكتوب بقلم من ذهب تحياتي

وفائق احترامي

تحياتي الك ياغالي

الاخت فاتن ردك هو الذهب بارك الله بك وحفظك من كل مكروه
تحياتي د \ سلام الدراجي

[محمد السليطي]

اخي سلام الدراجي الجناس منه
متشابه ومامظبوط بالوزن
تقبل نقدي ومروري

[سلام الدراجي]

اخي سلام الدراجي الجناس منه

متشابه ومامظبوط بالوزن

تقبل نقدي ومروري

الاخ العزيز محمد السليطي السلام عليكم
لو تقراء الجناس (منه ) مره ثانيه لعرفت بانه مظبوط مئه بالمئه
الاولي لتطلب منه اي من عنده
الثانيه منه حتى لا يعتبرها مانيه
اما الثالثه بمعنى اتمنى
ولو تنقر على اسمي لوجد مواضيعي في منتديات الفرات
ايام زمان عندما كنت مشرف الادبيات
انا دكتور سلام الدراجي
عضو اتحاد الشعراء مع تحياتي ومودتي