خيعونك ياوطن ................... بقلمي

[عقيل كريم الشويلي]

لتغرد بعد يابلبل أشبيك
غربان الديرة صارو بلابل
ولاتسأل أعله الجرة والصار
وكفت بعد ما تمشي القوافل
معارك عالكراسي بين هذا وذاك
وميهمهم شعب جوعان لو ياكل
أسكت بعد لتدور وياي أحكوك
لأن تدري بأساسك مبني عالباطل
ما يمشن بعد عبرن عليه اهواي
والي يصدك حجيكم اعتبره جاهل
لتكلي انه عشت بالغربه مضلوم
وواحدكم براسي صاير مناضل
بسك كف من هاي الشعارات
وبعد لتضل براسي تضرب قنابل
دشوف أطفالنه الماتت من الجوع
وما كو واحد بيهم السائل
بسك بعد كف لاتحجي وياي
ذبلت وردتي وماتت ذيج السنابل
خيعونك ياوطن بشكد ضلم مريت
ما تعرف فرح بس بالحزن قابل


بقلمي الشاعر
عقيل كريم الشويلي
17-8-2011

[كبريــاء رجـل]

اخي عقيل قصيدة معبرة وكلها مشاعر صادقة
كلماتك غاية بالروعه
ننتظر جديدك وابداعك الا محدود
تقبل تحياتي

[بلسم الروح]

أبـدآع أبدآع أبـدآع ...~
عـآشـت أيـدك عـبـآرآت رآئـعـة ...~
روعـة مـآ خـط لـنـآ قـلـمـك آلـرآقـي ...~
تـقـبـل أرق تـحـيـآتـي ...~

[عقيل كريم الشويلي]

الرائع كبرياء رجل
اسعدني مرورك الجمل
الذي عطر متصفحي
لك خالص تحياتي