قصيدة انهض ياوطن

[الشاعر شاكر الشمري]

انهض ياوطن
*************
لكيت الناس بيـــــك اشكال والوان
كثره بلا عدد تزهي العناوين

وتسحر ناظرك باحله الشعارات
ومكلوبه وعكس تحمل مضامين

ادور عالصدك بس الصدك مات
الجذب اصبح سمه وطبع الدواوين

بدفك كلهه دكت ياوطن ليش
اليعرس واحد وميه المجانين

ملايين التضدك واحد وياك
شيصير الواحد كبال الملايين

وشذكر ياوطن ياجرح اشل بيك
اذا كلك جرح يابو المساكين

شفت حته اليحبك صاير عليك
وشفت حته الملك صارت شياطين

اليقدملك ورد بالك تثق بي
اشك حته الورد شايل سجاجين

اشو كل شي انكلب واليعد معكوس
السناجب هم خذت طبع الثعابين

وخايف عالبلابل تصبح اصكور
وشوف الزلم تتحول نساوين

لياحد ياوطن تنزف دمه واه
ولياحد للسمه تقدم قرابين

دكلي جم حسين وكبله عباس
نزفت انهار من دم الميامين

حسبنه الظلم راح ومشه ابعيد
رجع مو قاط شو هالمره قاطين

ومن راح الصنم كيفنه بالجاي
مشه الملعون بس خلف ملاعين

وبنينه اقصور بس اقصورنه ارمال
وبنينه احلام بس طلعت كراتين

انهض ياوطن واجمع بقاياك
بفاسك كسر اضلوع الزنازين

لاترضخ بعد وترجع الفات
صير اشواك بعيون السلاطين

وخل شمعك يوج ويضوي النجوم
وخل فرحك يطش عله الصواوين
**********************************
شاكر الشمري
ناصريه

[ابو علي الصكر]

الاخ الشمري العزيز 0000

شرد اكلك تسلم ما تكفي روعه شويه عليك جمال قليل بحقك00صدقني كل الكلمات ناقصه مقابل قصيدتك000

الواقعيه جدا 0000

وهذا الي كلته كله شايلينه بصدورنه ونحجي بيه بس من يسمع 000

((اسمعت لو ناديت حيا لكن لا حياة لمن تنادي ))

ودمت يا شاعرنا للمزيد000

[الشاعر شاكر الشمري]

الاخ الفاضل ابو علي الصكر
اقف خجلا امام اطرائك ومديحك
وكلماتك الجميله
دمت اخا عزيزا وتقبل خالص التحايا

انهض ياوطن
*************
لكيت الناس بيـــــك اشكال والوان
كثره بلا عدد تزهي العناوين

وتسحر ناظرك باحله الشعارات
ومكلوبه وعكس تحمل مضامين

ادور عالصدك بس الصدك مات
الجذب اصبح سمه وطبع الدواوين

بدفك كلهه دكت ياوطن ليش
اليعرس واحد وميه المجانين

ملايين التضدك واحد وياك
شيصير الواحد كبال الملايين

وشذكر ياوطن ياجرح اشل بيك
اذا كلك جرح يابو المساكين

شفت حته اليحبك صاير عليك
وشفت حته الملك صارت شياطين

اليقدملك ورد بالك تثق بي
اشك حته الورد شايل سجاجين

اشو كل شي انكلب واليعد معكوس
السناجب هم خذت طبع الثعابين

وخايف عالبلابل تصبح اصكور
وشوف الزلم تتحول نساوين

لياحد ياوطن تنزف دمه واه
ولياحد للسمه تقدم قرابين

دكلي جم حسين وكبله عباس
نزفت انهار من دم الميامين

حسبنه الظلم راح ومشه ابعيد
رجع مو قاط شو هالمره قاطين

ومن راح الصنم كيفنه بالجاي
مشه الملعون بس خلف ملاعين

وبنينه اقصور بس اقصورنه ارمال
وبنينه احلام بس طلعت كراتين

انهض ياوطن واجمع بقاياك
بفاسك كسر اضلوع الزنازين

لاترضخ بعد وترجع الفات
صير اشواك بعيون السلاطين

وخل شمعك يوج ويضوي النجوم
وخل فرحك يطش عله الصواوين
**********************************
شاكر الشمري
ناصريه

اااخي الشاعر كل كلامك حصل ونحن نعرف كل شيء لكن لمن نقول من يسمع وهل من احد يقف معنا نحن ضحايا التاريخ قلوهذه الكلمات بوجه الحكام قبلنا لكن اين هم انتم تعرفون شاعرنا الشهيد المرحوم رحيم المالكي قالها لكن اين هو اصبح في تعداد الشهداء

[الشاعر شاكر الشمري]

الاخ حيدر الحلفي المحترم
نحن نقول الكلمات التي يمليها علينا ضميرنا
واذا كانت هذه الكلمات هي سبب موتنا فنحن نرحب بالموت
اسعدني مرورك الكريم
تقبل تحياتي

[سلام الدراجي]

شكرا على هذه القصيده الجميله الواقعيه

[سلام الدراجي]

ومن راح الصنم كيفنه بالجاي
مشه الملعون بس خلف ملاعين

عاشت ايدك اخويه العزيز

[ابن الوسط]

عاشه ايدك اوصح السانك رفعت الاقلام وجفت الصحف مايكفي الكلام مقابل هل قصيده الرائعه