اشو صار الحچي الغاز بالغــــــــاز
چا وين المحبـــــــــــــــه والتسامح
اشوف اسهام مو كلمات تـــــنگــال
وشفــــــــــت انك تريد تگول رايح
بعدني بذكرياتي وكلــــــــمة اشّــاه
برد اشباط غيرلي المـــــــــــلامح
انه الماخـــــــون شخصك يعلم الله
تضربني برمح اضحك واصافــح
وشيل اسنين عمري بذني الاثــــنين
على چـــــــــفوفي ولا اكدر اگابح
انا الشـــــديت جرحك يوم جرحوك
اجيت اركض عليك بخيل جامــــح
وانا البيدي بنيت احـــــــلام واحلام
من شفتك جبل عاـــــــــلگاع طايح
عيني بنص جهنم تنطّــــــر وياك
ما اعرف اغشــــــــــك لا اواكح
اذا تعلن علي الـــــــــــــيوم انذار
اگلك لو تعلّنه الخطـــــــــــــأ فادح
لان لو رحــت گلي أشلون الگــــاك
ومثل شخصك بعد ياهو الاصابــح
گلي اشلون الك عين وتشد وياي
وسنك بعدي من يهوا ويمــازح
انا ياصاحبي كل لحظه اوج بيك
وظم دخان ناري وابقى اكافـــح
لجل عين اليحبني الكون الاويـه
ولا ظــّـل بسكوتْي وابقى اراوح
زهير العقابي
2011