محطات ثلاثه...زهير العقابي
نتمشى بساحه انه ويه ابني
وكلي محمد ذاك اليمشي
يشبه عمي
جاوبته وبعيوني الدمعه
يمكن بابا يشبه عمك
جر ايدي وذب روحه بلهفه
راد يبوسه
وكلي
لوبسته هم عمي
ايضمني
كتله ايحبك عمك بويه
بس حسراتي
بكلبي التدمي
راح وشافه وراد ايسلم
ورد مغنتب
والدمعه اتلجلجلج بعيونيه
وجنه يذمني
صح شكله ايشبهك يابابا
بس دمه مايشبه دمي
لاصافحني ولا مد ايده
وجن حضنه البارد ثلجني
دمعات ابني اتكص بضلعي
وبالنشغات اعيونه اتغني
هذا اليتمشه بالشارع
نفس الصوره بس
مو عمي
قاسي ولا كل رحمه بكلبه
ومايعرفني
ولا يفهمني
اسود كلبه
وقاسي بطبعه
لامو هو ..
ضيعني ومايعرف اسمي
خلينا انسافر من يمه
هذا الواكف لا ميهمني
ولو نشدوني
الوادم عنه
راح اخبرهم
ميت عمي
المحطه الثانيه
ماتنسيني
دوري بأوراق المضمومه
بنص الاوراق تلاكيني
ماتنسينني..
ولو عاينتي بنص الحايط
بعين الحايط
تنظر عيني
ماتنسيني..
ولو خطبوج ولبسو جفج
حلقات بايدج خليني
ماتنسيني..
ولو باوعتي بفلم السهره
اول صوره انتي تنصبيني
ماتنسيني..
ولو هيثم يوسف غنالج
بلحانه الحلوه
اتدوريني
ما ناسيني..
ولوعزموج بيوم بسهره
نفنوفج لسود تلكيني
ماتنسيني..
لو ضحكت شفتج بالصدفه
شفه بنص شفتج
ضحكيني
ما تنسيني..
ولو فكرتي الحل الموته
تلكين بصفج سجيني
ماتنسيني..
عمي اعترفي ولا تعتذري
كولي احبك
لتعوفيني
ماتنسيني..
ولو جسمج يركص من فرحه
هزات اجتافاتج هزيني
ماتنسيني..
ولو رادو من يمج ابعد
ترجيه باذنج حطيني
ماتنسيني..
ميت اني وعندج ذمه
لومريتي بكل اشعاري
رايد كل لحظه تبوسيني
ماتنسيني..
عاشك دربج واعبد جدمج
وج قراصه بشعرج
شكليني
ماتنسيني..
لو نمتي وغمضتي عيونج
خليني باحضانج جرجف
وبأيدج حنّي وشبكيني
ماتنسيني..
لو صبحيه اتريكوا اهلج
باول ماعون اتوكليني
لكمه بايدج
ولكمه انه بحلكج لوجيني
ماتنسيني..
المحطه الثالثه
اي نعم والله احبج وحكه كلبج مايحن
ضيعت مني السعاده وصرت اون
انت كلج ماي عيني وانه لعيونج جفن
انتي غنوات المحبه الصاحيات وماغفن
انتي كلشي بروحي صرتي يالحبيبه
فرح عمري وانتي اعيوني هذن
هوشي منه انتي بقضية صابرين
ونتي جيفارا العبر طور المحن
انت بدلة عسكري وهيبة جنود
باشطات العين عالذل ماغفن
وانت دله تفوح هيل وزعفران
الباقايات الصالحات انتي اظن
قررت خادم اصير وما اعاند
محبس تفركينه يطلعلج الجن
انتي خاجيتي وعباتي الماتمل
تروش بالديوان وتطفي الفتن
ياحروف البيها اسمج ينجمع
ضوه وكمره وبيها يجمعني وطن
اعترف كل ساعه احبج ما امل
نور عيني اشبيج شو كلج حزن
كون شخصي الزعلج ميت عساه
والعقابي بالنجف ريته اندفن
انه حتى الموت حلفته بعلي
لو يمرج كون اصيرلج جفن
انه طور محمدواوي بحب رياض
احبك ليش اغني ومن اغني لاتون
انه عريان بقصيده منظمه بكل القوافي
وانتي تل الورد كله الماعرف خله بوزن
وانه ارهابي اصيرن الكون افجره
اتبات يمي وعد زهير ادفى حظن
ولو كرب وكت الوداع وسافريتي
افك بوكا وكلها اخليها بسجن
مفصله كلج على العبد الفقير
والي يكلج اني اهدج كولي جن
محطات مجنونه
زهير العقابي
نخلة العراق
رد مع اقتباس
رد: محطات ثلاثه...زهير العقابي
