ومضات
مولعبه من أگلك آنه أموت أعليك
جربني أتعرفني أشلون أموتنلك
اذا جتك منيه أومحد أوياك
آنه أول أحبابك فدوه أروحنلك
جمالك ماكو منه ومايصير أثنين
مدري أشلون من صنعو جمالك
قاسوه بألأنس والجان حور العين
يوسف ماوصلك عمي هنيالك
الجمال العد زليخه ركض چلب بيك
من عاين عليك وصار بذيالك
الگمر يمك نزل يتكاسر وياك
ما گيش ولاكن لمعه خلالك
مرعليه وآنه محتاجك صدك
ومحتاجك بكد مافاركتني
رحت چم يوم عني تعرف شصار
بمرض حبك المزمن سللتني
بجمالك حيرت كل اليحبون
وبيك أتحيرت كل الطوايف
البشر شفتين يملك هذا معقول
وأنته منين ما گلبك شفايف ,
تخاف الناس لك شمسوي بلناس
الجمال البيك چنه يصيح أشرد
سمعنه احنه بجمالك صوت من صاح
أذا رايد تعاين يلله أگعد
رد مع اقتباس