لتفكرين--جديد بقلمي
لتفكرين--------
دوري الدنيا كلهه وجربي كل الناس
مثل كلبي عليج يخاف ما تلكين
تعالي وفكي كلبي وشوفي انتي شبيه
الج ناصب عرش وبروحي تتحكمين
تعالي وخل حجينه كبال كله يصير
نكشفهه السوالف وانتي ترتاحين
تعالي وشوفي شوكي الدنيا حارت بيه
وزعلت روحي من روحي ولا تدرين
صار الحزن طبعي وسلوتي الاهات
ونشف دمع الجفن لجلج بجيت العين
لتفكرين-----------
كولي بلا خجل ما احبك واهواك
وشتردين كولي وكولي شتريدين
صح ينكسر كلبي وتكثر الحسرات
واحس نيران دمعي ويحرك الخدين
هاي اخر قصيده واخر الابيات
وهذا اخر كلام اكتبلج تسمعين
راح ارحل واعوف اشواكي يم الباب
واودع روحي واذبح ذكريات سنين
وادعي الله المماتي يعجل وارتاح
بس ذمه بركبتج ظلي تتذكرين
شاعر حبج ويكتبلج اشعار
هدالج كلبه بس انتي الترفضين
شتفكرين
بقلمي الشاعر
محمد الحميداوي
رد مع اقتباس