ياحسين مولاي

يا حسين يا حسين مولاي
ركضة طويريج من يمحيها والامام المهدي يحضر بيها
حسين حسين ياحسين مولا

ركضه طويريج توجها الفخر للوفا والتضحيه شبيها صور
مايماثلها عزابكل الدهر ينور حاضرها بشمس ماضيها

حسين حسين ياحسين مولا

منها صرخه وياحسينا ترتفع صرخه حتى العرش منها ينفجع
مستحيل الركضه هاي تنمنع الله يخذل كلمن يعاديها

حسين حسين ياحسين مولا

الها رايه ارتفعت بعلو النجوم مايهمنا اللي يعارضنا ويلوم
يروي هذا الخبر عن بحر العلوم المهدي بيها دمعته يجريها

حسين حسين ياحسين مولا

شافو المهدي يهل دمعة العين وعلى راسه حيل يلطم بالايدين
مع الركضه يدخل الصحن الحسين وعلى جده صرخته يعليها

حسين حسين ياحسين مولا

يذكر الصار وجرى بطف كربلا والمصيبه قباله تصبح ماثله
ذهنه يتصور فرار العايله ويذكر شلون العده توليها

حسين حسين ياحسين مولا

بركضه طويريج ياجدي اجيت طفت شباكك بحسراتى وبكيت
مثل حنوك لعباس انحنيت حين طاح وهامته مهشميها

حسين حسين ياحسين مولا

قعدت عد راسك ارادف حسرتى سهم جبدك جن اهيسه بجبدتي
قمت اتصور الزينب عمتي من عقب عيناك ياواليها

حسين حسين ياحسين مولا


شلون من نوحي عليك اهجع واهيم وانت ياجداه محزوز الوريد
ويمك وليدك على الاكبر شهيد بالمواضع جثته مخذميها

حسين حسين ياحسين مولاي

آه ياسلوة الزهره الطاهره موقفك ياجدي جن اتصوره
شفت طفلك حين قطعوا منحره نبله جانت بالسم مخليها

حسين حسين ياحسين مولاي

للخيم جبته وتكفكف دمعته عمتي زينب بلوعه تلقتك
وين عبد الله بدمعها نشدتك ظنتك سالم ترجعه ليها

حسين حسين ياحسين مولاي

آه ياجدي شفت بالطف محن بالبواجي دموعك عليهن صفن
من شفت جاسم الشاب ابن الحسن كفوفه من فيض الدما محنيها

حسين حسين ياحسين مولا

نهار عاشر ماحصل مثله نهار شفت بيها تذبحت كل الانصار
والخيم ياجدي تتلاهب بنار وانت ماتقدر تجي تطفيها

حسين حسين ياحسين مولاي

اذكرك بالمصرع تدير النظر عالخيم نوبه ونوبه على النهر
تريد تنخى كنك حزام الظهر عالشريعه كفوفه مقطعيها

حسين ياحسين مولاي حسين

جيتك انا اليوم هذي طلبتي بجاهك الباري يعجل طلعتي
رايه العباس تصبح رايتي تكون كل العادتك افنيها

حسين حسين ياحسين مولاي

للرادود باسم الكربلائي
مما راق لي

[عقيل كريم الشويلي]

مما راق لك راق لي كثيرآ المبدعة فاتن وهيب شكرآ على هذا الانتقاء الرائع تقبلي مروري وتحياتي

[ابو يقين الكعبي]

الاخت العزيزة فاتن....
اختيارك مميز لقصيدة مؤثرة
شكرا لذوقك الرفيع وبارك الله بك
لك كل التقدير
ابو يقين

[نبراس الفرات]

احسنت اختي قصيده قمه
في الروعه جعلها الله في ميزان
حسناتك واثابك الجنه
تحياااااااااااااااااااااااااااااااااتي

[الشيخ ابوحيدر]

احسنتي يالغاليه
قصيده رائعه جعلها الله في
ميزان حسناتك
طال عمرك

[الكناري يونس الجبوري]

اللهم صلي على محمد وعلى آل محمد كما صليت على ابراهيم وعلى آل ابراهيم
وبارك على محمد وعلى آل محمد كما باركت على ابراهيم وعلى آل ابراهيم
في العالمين انك حميد مجيد
تقبلي مروري تقبل الله صالح اعمالك وجزاك الله خير على الانتقاء
تحيتي لك

[محمود شاكر الهلالي]

اللهم صلي على محمد وآل محمد وعجل فرجهم

نعم اختي العزيز ذكرتي شيئا له وقع خاص في

نفوس الموالين الحقيقيين وشكرا لك ولما اخترتي

بارك الله بيج ست فاتن الورده

[quote=فاتن وهيب;1021084]

سلام على ابي الاحرار الحسين انتقاء غاية في الروعة