بيه طبع

[يحيى الحميداوي]

بيه طبع...
مثل الجفافي ويه الجفن
تمسح حزن عمره دمع
مثل الصرايف والكصب
حب ثابت وما ينشلع
بيه طبع
صندوك مفتاحه الوفه
مليان شهكات الربع
بيه طبع
مثل النهرعشك
الجرف بيه منزرع
وبيه طبع
ويه الصدك كلي صدك
ويه الدغش ما انجرع
ما كول علغشني ذهب
ولا وصف الكله انانيه شمع
مغزول خيطي من الجهل
مبرم وفه وبيه منطبع
مابدلت ثوب العلي
بايد لجن بيه النفع
ساترني من ناس اشكثر
سجينهه تحز بلضلع
من كهكهته اشحصلت
بس اجفي تكطعني كطع
أيا ثلج يلحاظنك رغم البرد
وزارع عمر ما ينزرع
يلطايف وياك بحلم وسويتك
احجايه ويرددهه الجمع
اول اصيارك علزند ومن يشب
عودك بلجفوف الحظنتك
ماتقتنع
لميتك وخيط الزمن
خرزه اعله خرزه
اسنين عمرك تنجمع
ياحيف عودك ماروه
ومن طبعي ما شارب طبع
مابيك كرصات الشمس
ولاكاعنه الحلوة التشع
ومابيك ريحة ديرتي
ولادم وريدي المنكطع
ومابيك امي الحافيه
المارضخت برغم الوضع بيه طبع وانت بطبع
واثنينه ماننجمع

الشاعر
يحيى الحميداوي

[الكناري يونس الجبوري]

الله عليك يالحميداوي الله يا يحيى
حياك ربي يا يحيى وين ماتكون قصيدة تهز من شاعر متمكن ومتمرس ويعرف خبايا وخفايا الروح العراقيه
دمت للفرات ودام ابداعك عاشت منتديات النخبه منتديات الفرات التي ضمت بين جنبيها هؤلاء الفطاحل من الشعراء
احييك واحيي شعراء منتديات الفرات جميعا
وتقبل مروري

[يحيى الحميداوي]

شكر لمرورك ايه المبدع زادني عزا هذا المرور الكريم تحياتي

أحلى طبع
وأرقى طبع
بيك القيم يايحيى أشوفن تنجمع
طبعك غريب وعايش بهذا الوكت
ومايمشي وي هذا الوضع
طبعك سبع
والسبع لا .. مايخدع ولاينخدع
يفضل الموت
ويطم روحه جوّه الكاع
ولودار الوكت
حاشاه أبد . أبد مايلتف بجلد الضبع
.
ألف تحية تقدير وإمتنان
لكَ سيدي ولقلمك الصادح بأنبل المشاعر
وأصدق المعاني
تقبل مروري وجرأة حروفي على معانقة سطورك
دمت بود

[الشيخ ابوحيدر]

وبيه طبع
ويه الصدك كلي صدك
ويه الدغش ما انجرع
ما كول عل غشني ذهب
ولا وصف الكله انانيه شمع
كل ماجاد به قلمك رائع
ولاكن اكثر ماشدني فيه هذين
المقطعين كم هما رائعين الف تحيه
لهذه الرائعه التي اتحفتنا بها
لك ولقلمك اقف واصفق بحراره
حتى تنزف كفيي
تحياتي

[عباس الفرطوسي]

دعني اكثر بالتصفيق لهذه السمفونيه الجميله .. تقبل مروري واعجابي

[يحيى الحميداوي]

شكرا لمروركم ايها المبدعون منكم نتعلم الحرف فانتم فن الكتابه دام وجودكم جميعا ايها الاساتذة مع تحياتي