هكذا هو وصف.....حبيبي

[الشيخ ابوحيدر]

اوصفنك شوصفك وبدي بيك منين
اذا كلك وصف والشعر كله بحور

يالكلك صفات وحيرتني وياك
كلي منين ابدي وشكتب منسطور

يالشفتك منايا مصفطات صفاط
كلي اشلون ابوسك يا شبيه الحور

يالبطول الكصيبه شبكتني اشباك
دفك بيبان سجنك ليلي مستور

يا نسمة الغبشه الصافيه وهبيت
يا سر جاذبيه وكلشي بيك ايدور

ياراس القصيده وذيل مامش بيك
يا جلمه جميله بحلك مغرور

يا حلو الكلام وجنه كومه ورود
يا طفله جميله وثوبها المستور

يا نبع الشرف والعفه والاخلاق
انه بحر جودك عاشك ومبهور

ياغنوه حزينه نكالت بنص ليل
يا نغمة عشك وبناي مخمور

يا حرحارت امي بدورت السياح
يا خبزات اهلنه بطين تنور

دكلي هاصفاء البيك من يا نوع
يالعفّتك لازم تنكتب دستور

تظل روحي تعشكك ونته حط ميزان
انه بقسمتك راضي وبكيفك جور

لان تيزاب حبك بيه ذبت فدنوب
يا معدن اصيل وبالبراءه ايفور

امس صيام جنه بشهر الاشواك
يا لكلك جلاده شوكت تنطي فطور

انه كلي الك والروح فدوه تصير
يمن روحي عل روحك كون فدوه دور

بعد كل الحجيته وجني ماوفيت
جبح كل الكتبته وادري بيه قصور

جوابي..بغنوه مسموعه
ويا شاعر الكاتبهه.؟؟
تناشدني عليك الناس وتحير شجاوبها
وها لفتنه الي ماتنقاس كلي منين جايبها
اللفتات الغزاليه
والعيون الفراتيه
وشفافك الورديه
وهالفتنه اللي ماتنقاس كلي منين جايبها

يانغمة عشك تركص على اشفافي
انا العطشان الك وانت نبع صافي
اريد اوصف هواك وتعجز اوصافي
يا اجمل امل من روضة الامال
كتمته عن حجي الخلان والعذال
يا بسته اغنيلك وياموال
اللفتات الغزاليه
والعيون الفراتيه
وشفافك الورديه
وهل فتنه اللي ماتنقاس كلي منين جايبها
يذوبني الحزن بجفاك وانت بعيد
مربيه ولو مزنة مطر عالبيد
اريد اسألك وليسئل جواب ايريد
اللفتات الغزاليه
والعيون الفراتيه
وشفافك الورديه
وهل فتنه اللي ماتنقاس كلي منين

جايبها....

بقلمي
الشيخ ابو حيدر

الكلمات التي
باللون الازرق
منقول

[ام فيصل]

بعد كل الحجيته وجني ماوفيت
جبح كل الكتبته وادري بيه قصور

وهل هناك اجمل من هذا الغزل ؟؟
لقد وفيت وكفيت يبو حيدر

شكرا لجميل مانثرت ولإحساسك الذي سابق الكلمات

لك اطيب تحياتي عزيزي

من كلمات جميلة وابيات رائعة

تليق بشخصك الكريم

فقد اذهلت القراء بما اشرقت من حروف وردية

حركت مشاعر كل قارئ يتميز بروح الحب والعطاء والرومانسية

تقبل كلماتي المتواضعة

[السومري71]

الله عليك اخي ابو حيدر
كلمات غزل غاية بالروعه
شكرا على هذاالبوح الرقيق العذب
ننتظر جديدك
تحياتي

[طالب الناصري]

شيخنا الغالي
عاشت الايادي لما ابدعت ومانقلت
تحياتي

[الشيخ ابوحيدر]

[quote=طالب الناصري;914974]شيخنا الغالي
عاشت الايادي لما ابدعت
تحياتي
الف شكرالغالي طالب
الناصري مرورك
اسعدني كن بخير
وعافيه

[الشيخ ابوحيدر]

[quote=ام فيصل;914269]بعد كل الحجيته وجني ماوفيت
جبح كل الكتبته وادري بيه قصور

وهل هناك اجمل من هذا الغزل ؟؟
لقد وفيت وكفيت يبو حيدر

شكرا لجميل مانثرت ولإحساسك الذي سابق الكلمات

لك اطيب تحياتي عزيزي

شاكرمرورك الاخت الغاليه
ام فيصل نورتي متصفحي
بجميل اطلالتكي
الرائعه

[الشيخ ابوحيدر]

[quote=السومري71;914859]

الله عليك اخي ابو حيدر

كلمات غزل غاية بالروعه
شكرا على هذاالبوح الرقيق العذب
ننتظر جديدك

تحياتي

الرائع هوانت اخي السومري
شاكرمرورك
ياصاحب الاطلاله
الجميله
لك
كل الحب
يالغالي