شمس لاحت سمانه -الى الامام الحجه المنتظر *عج*
والعصمه التعنت تطرق ابوابه
شمس ضلت تحوم وتحمي هالزوار
من زار الحسين يطيب بخضابه
اتغزلت بيك الشمس لوذابت بملكاك
وخذت هالشامه منك ضوت اترابه
حمل تاج الامامه وهو خمس سنين
من صلى الجماعه اتنحه طلابه
مهيوبه الجنازه بهيبه من هليت
وتقدم يصلي ويطلب مصابه
يالمهدي بصلاتك ثوره عالطغيان
وتلاشت طغات اتنال بعتابه
ومن خاطب جوابات الرسل بشهود
ميزانك عدل مضمون بحسابه
وطلعنه عالنخل ننطر بقايه الشوك
ونتاني الفرج يالمهدي نشكيلك
نكتب عالرمل نحر الحسين بليل
بس نكتب حرف طعنات تمشيلك
شهك حبر القصيده بغيبتك مولاي
والشاعر شهك جلمات يرويلك
يكتب عالظلم عالجور عالعادوك
ويشوف المرار الصار يرويلك
شما اخيط جرح الكه الجرح مفتوك
لأن طعنة رمح بطفوف تبريلك
وخيطنه الجرح بين الامس واليوم
واثار النزف عبرات تسعيلك
مثل عصفور تايه وبغصن ذبلان
يحبس كل نفس بجناح يوميلك
يالمهدي الجوامع صاحت الغوث
واطفال المدارس خوف تنعيلك
حكم وكت الظهور ونندب الموعود
وعلاماتك قريبه منور بليلك
احضر يبن عسكر صفوف حسين
وعالموعد ترانه جنود نمشيلك
-*-*-*-*-*-*-*-*-*-*-*-*-*-
الكعبي
27-7-2010
رد مع اقتباس
