يا ممنوع لمسك انت بس للشوف
وك .. نقمه العشـــــــكَ مــن كَالك نعمه
جايب شفـــــتك .. ودوّر اعـله اشفـــاي
وشفافـــك خطــــــــــــّيه .. ادوّر الممه
تكَلي انطيني كلمه .. انطيك كلشي تريد
وعلى الاحوط وجــــوباً تـــرك هالكلمه
احبـــــــــــك ما اكَلك .. بـس اكَلك ليش
لان حب الورد معنــــــــــــــــاها نشتمه
وياممنـــوع لمســــك انت بس للشوف
طبع .. جنح الفراشــه اتفـــرهده اللزمه
وايدك من ثلج .. وجفــوفي حـــر تموز
تبدّي الماي ليـــــــــش ونعـــجز انلمه
ياشسمه .. لحلاتك قاصــــــره الاسماء
وبدقة اوصــــــــافك ســـودنت شسمه!
للقمه حلم توصــــــــل محـــاسن ناس
بس انت الوحـــــــــــــيد انولد عالقمه
امس بلبل خبصنه ومن سمعلك صوت
صاح اهووووو مــــداني وكتلته الغمه
ويالمرهدن ترافه وكـــــلشي يلمـع بيك
يعني امك شمس .. لـــــو خالتك نجمه؟
احط الحور يمك مـــــــــــــا اعاين حور
قياساً بيك .. عمــــــي .. وداعتك زلمه
يتنافض غواك مــــــــــن الجدم للراس
وعطر سنبل دلالك ســــــــــكـّر النسمه
مناجل عين ناســـــــك .. والخلكَ فلاح
وجم تشرين اجـــــــــاك ومطرته بفمه
ظل مروتك لاتطــــــــــــــــلع من البيت
ماتدري البراءة اتعــــــــــاني من ازمه
بس عندك حلكَ والعـــدنه موش حلوكَ
مجرد فتحه منهــــــــــــــا انعبّر اللكَمه
منقولـ
رد مع اقتباس
