يا دمعتي ( للشاعر علي غنيمة)

[رنا العراقية]

يادمعتي الليل جاثم
والظلام اصبح ستر
حفري بخدودي اعله كيفج
خدودي سويهن جسر
يافشلتي !!!
اظنوني جمره ومو مثل كل الجمر
جمره من سجيل مايطفه وهجهه
وعاشت ابروحي عمر
والعمر !!!!؟؟
العمر سلعه عتيكه انباعت ابارخص سعر
العمر صار مثل ايوب وحجاية صبر
أيد بايد اهمومي والتمن عليه من العصر
ياحسرتي !!!!!
ردت احارب !!!
طحت بشباج الاسر
ردت اكسر طوق حزني !!!
حاولت ؟؟؟؟؟؟؟؟
ماينكسر !!!
غير قابل للكسر !!
كلت اكدرله وطلع ماينكدر !!
يالهفتي !!!!!!!!!!
جبت عمري امفارك ومنسي ابعسر
عشت لهفه وألم مشتاك
وضكت لوعات الغدر
وعشت متامل وصال وحصتي جانت بس هجر
تعايشت ويه الامر !!!!!!
وميهمني صرت ؟؟؟؟
خلهه تصفه بياكتر
المامر عليه شنو ؟؟؟؟؟
وعود هسه ايصير لوبيه يمر ؟؟؟
سبحتي اتطشر خرزهه
وزرعي دومه بلا ثمر
والعمر ؟؟؟؟؟؟؟؟؟؟؟؟؟؟
العمر سلعه عتيكه انباعت بارخص سعر !!
**************
تحياتي للشاعر علي غنيمة

وتحياتي لكم
**********************************

[خليل الشرابي]

تسلم اديك على هل قصيد الرائعة تحياتي لك
و لشاعرها المبدع
كلمات معبرة جدا واحساس عالي وراقي دمت لنا

(العمر سلعة رخيصة وانباعت بارخص ثمن )
تقدر تقولين هذا عمري تماما

[ابو علي العراقي]

رنا العراقيه لكي مني كل التحيه
اراك مبدعه بكل شيء وكتاباتك والله قلبت المواجع من سنين احسنت تقبلي تحيتي ومروري

لكـ كل التحيا على هذا الشعر الجميل
دوم هل الابداع

[احلاهن بطة]

اللة عليج يارناوي شنو هاي القصيدة الرائعة كنتي موفقة فعلا في اختيارج استمري بهذا الابداع عزيزتي
تقبلي كل المحبة