گالولك نساك وصدگتهم ليش ..؟

[احلاهن بطة]

منــــــــــقول

گالولك نساك وصدگتهم ليش ..؟


وانت الحذرتني وگتلي عدوانك


أشصار .. وشختلف ..؟ ، وانگلبت الآيات


بيهم صدگت .. وأنطيت برهانك


ذبولك طعم من حچوا عني وياك ..


حچايه وبالچذب .. بس باگوا لسانك


ما حاجه امنگلك آنه ماناسيك ..


لأن تعرف ابگلبي لهسه ماخانك


خوانك صفوا ..؟؟


لا والنبي ايغشوك .. مثل خوان يوسف ذوله خوانك


ولك عدوان صدگ .. آنه اخاف عليك ..


يمشوك ابدرب ويضيع عنوانك


تعال وخل أذَكرك ماضي الك وياي ..


غفت چم مره روحي ابين ذرعانك ..؟


وتعال وخل أَذَكرك .. يمكن انت انسيت ..


شم عطر الوفه تلكاه ابقمصانك


وتعال وخل أَشَوفك بالگلب نيشان ..


من توصل لگلبي اتشوف نيشانك


ماذكرك بيه ولا حرف بالشوگ ..؟؟


ولا طبعات چفي الفوگ بيبانك ..؟؟


يا نهر آنه مايك وبجفاي اتضيع ..


صبخه وجرح گاع اتصير احضانك


تتباهه ابزرع وچفوفك اموردات ..


ابتعب اچفوف اديه وصار بستانك


على الباگوك روح وشمر الذرعان ..


چا حظي عليه امسرفن اردانك


چنت قديس اشوفك ترهب ابملگاك ..


وطيور الترافه الگبل رهبانك


بس غروك ربعك العن الشيطان ..


علامك صاحبت يفلان شيطانك


ليغرك اجناحك اني احذرك شوف ..


نار البيه تحرگ ورق جنحانك

[الشاعر ماجد الدعمي]

گالولك نساك وصدگتهم ليش ..؟


وانت الحذرتني وگتلي عدوانك


أشصار .. وشختلف ..؟ ، وانگلبت الآيات


بيهم صدگت .. وأنطيت برهانك


ذبولك طعم من حچوا عني وياك ..


حچايه وبالچذب .. بس باگوا لسانك
من كلك نسيتك وانت ماي العين
ولو تدري بغلاتك ماسكن بالبال
ابد لتصدك الكلك اني راح انساك
ويظل اسمك قصيده وبخاطري وموال

تقبلي تحياتي وتقبلي مروري وهذيان قلمي
هنا

[رنا العراقية]

بطوطة عاشت ايدج شعر كلش حلو

اسعدني مروري من هنا مع ذوقكي الرفيع

[احلاهن بطة]

بطوطة عاشت ايدج شعر كلش حلو

اسعدني مروري من هنا مع ذوقكي الرفيع

شكرا لك اختي الغالية رناوي اسعدني مروركي وكلامكي الجميل تقبلي كل الحب مني

[احلاهن بطة]

من كلك نسيتك وانت ماي العين
ولو تدري بغلاتك ماسكن بالبال
ابد لتصدك الكلك اني راح انساك
ويظل اسمك قصيده وبخاطري وموال

تقبلي تحياتي وتقبلي مروري وهذيان قلمي
هنا

ما اجمل هذا المرور وهذا الكلام العذب الذي تركته هنا وما اروعه من هذيان كنسمة هواء باردة تداعب بها مشاعر القلب كل المودة والتحايا القلبية لك شاعرنا

انشاء الله رجعولك احبابك عزيزتي
تحياتي وتقديري لكي

[احلاهن بطة]

انشاء الله رجعولك احبابك عزيزتي
تحياتي وتقديري لكي

شكرآ يانورة على كلامك الجميل ومروكي الاجمل اسعدني وجودكي هنا