طاح عگال اهلنه ومالت الغتره

[ام فيصل]

أنه حچاية بخت وتعنت لفرعـون

والفرعـون بالسكرات ناسي اسمه


-
وانه اتمنيت قطرة سم بحلگ الموت


وانزل عاللــئـيــم وأســري ابـدمــه


-
وانه اتمنيت سيف وأطعن الجلاد


لو طلقة شرف ما شايله الرحمه


-
وانه اتمنيت روحي سهم وسط اچلاه


وايمـرعـد كيانه وايـكسر ابعـظـمـه


-
شباقي شننتظر مو صرنه ساحة موت


وطيبتنه استحت بس احنه مو غشمه


-
ولأن طيبة أهلنه اتعدت المطلوب


ما نـــقـــبــل اديــنـه بعار تـتـدمه


-
واحنه اهل الشرف والغيره والناموس


من نــغــتاض نـنـزل عالقــدر نقـمـه


-
واحنه سباع ليل اومـصبحين انغير


لا نور اليكــضنه ولاتــكـظ عـتـمه


-
احنه ابعز صبانه وصرنه سد للموت


وصدينـّه البحر والبحـــر شيــلـزمه
-
لكــن يا بـشر متگـلي تالي شلون


إذا نسكت السكته اتخـنـث الزلمه
-
واحنه ازلامها وخل تكبر وشتصير


اندگ راس الطغاة وعرشه انهدمه

لا فـُظ َّ فـــوك يبو محمود
لأن الصبر وصل حدّه
ومايجيبهه الا زلمهه
حيا الله هذي الروح والغيرة
فما نراه ومايحصل لايمكن السكوت عليه طويلا
فللصبر حدود
ولابد من ثورة شعبية تهز الكراسي
لك الله ايها الشعب المظلوم

ابدعت يارائع

[شاكر الهلالي]

لا فـُظ َّ فـــوك يبو محمود
لأن الصبر وصل حدّه
ومايجيبهه الا زلمهه
حيا الله هذي الروح والغيرة
فما نراه ومايحصل لايمكن السكوت عليه طويلا
فللصبر حدود
ولابد من ثورة شعبية تهز الكراسي
لك الله ايها الشعب المظلوم

ابدعت يارائع

شكرا اختي الكريمه أم فيصل

لمروررك وردّك الرائع الواضح

نورتي الموضوع وتسلمين يا ورده 0