اه يا ديرة اهلنه ,,,,,

[عراقيه غيوره]

ظلمه احزان وغيـــاب
گليبي مايحمل عذاب
گمر مايشبه گمرنه
اه ياديرة اهلنه.....
الشوارع مو شوارع
كلهه لوعات ومواجع
منين مانمشي عثرنه
اه ياديرة اهلنه.....
الحزن ماخذ مكانه
للقهر والهم خذانه
احنه ضيعنه دربنه
اه ياديرة اهلنه.....
صرنه هسه بلا امل
عيون من تبچي مقل
والانين اصبح طبعنه
اه ياديرة اهلنه.....
حبهه كبّرنه ورعانه
وكلشي بيهه وَدِعانه
بيوم من شلنه ورحلنه
اه ياديرة اهلنه.....
بروحي اشواگ وحنين
عبره خلتهه السنين
بالالم جبنه عمرنه
اه ياديرة اهلنه.....
*****
وااااه ياديرة اهلنه
خل أسولف ذكرياتي
چانت ايام بحياتي
تمطر اشواگ ومَحَنه
اه ياديرة اهلنه.....
دجله وياهه الفرات
ع المزارع جاريات
خضرن بالحب زرعنه
اه ياديرة اهلنه.....
المدرسه وذيچ الشوارع
والفرح من بيته طالع
چان ناسينه ألمْنه
اه ياديرة اهلنه.....
طيور فرحانه بسماهه
ونخلة البيت شحلاهه
بالرطب حمل عثگنه
اه ياديرة اهلنه.....
طبع جيراني الكريم
ودفتر اشعاري القديم
أبد مانلگه مثلنه
اه ياديرة اهلنه.....
والتعاليل الطويله
ويه مدگوگة جميله
تكتمل ليلة سمرنه
اه ياديرة اهلنه.....
شمحله لمات الحبايب
مانسجل يوم غايب
كلهه حضرت فرحت النه
اه ياديرة اهلنه....
نقره اشعار وجرايد
والقصايد مو قصايد
بلبل وبيهه تغنه
اه ياديرة اهلنه....
*****
وااااه ياديرة اهلنه
كلشي لعيونچ رخص
اّخ لو ترجع فرص
چان بيديچ انشتلنه
اه ياديرة اهلنه....
لو اشوفچ مره وحده
من الله راح اطلبهه شحده
غير هذا شِنْتمنه
اه ياديرة اهلنه....
ويه اّذان الجوامع
راح اگلچ اني راجع
وماتظل بگليبي ونه
اه ياديرة اهلنه.....
گلبي خطار بمضيفچ
اليوم راجعلچ وليفچ
فتحي ابوابچ يجنه
اه ياديرة اهلنه....
عَلَگِتْ روحي اعله بابچ
لو عذابي من عذابچ
عمري يرخص شغله منه؟
اه ياديرة اهلنه.....
بيدچ امْحيتي الماّسي
وعلى صدرچ طاح راسي
تنفَسِتْ ريحة وطنه
واااااه ياريحة وطنه0

منقول

[امير الاحزان:]

ظلمه احزان وغيـــاب
گليبي مايحمل عذاب
گمر مايشبه گمرنه
اه ياديرة اهلنه.....
............................
هكذا هي الديرة واهل الديرة
وطن موبس يحمل هموم..يحمل اللوعة بجنون
طير جنك بس تحوم...لو تحط لو ما تكون...
.....................................
نقل رائع من عراقية غيورة
نزف كلماتك يستحق التصفيق له
تحياتي الك اختي الغالية(ورحم الله اخونا ابو زيد)وادخله فسيح جناته

[عراقيه غيوره]

ظلمه احزان وغيـــاب
گليبي مايحمل عذاب
گمر مايشبه گمرنه
اه ياديرة اهلنه.....
............................
هكذا هي الديرة واهل الديرة
وطن موبس يحمل هموم..يحمل اللوعة بجنون
طير جنك بس تحوم...لو تحط لو ما تكون...
.....................................
نقل رائع من عراقية غيورة
نزف كلماتك يستحق التصفيق له
تحياتي الك اختي الغالية(ورحم الله اخونا ابو زيد)وادخله فسيح جناته

تسلم اخي امير الاحزان وبارك الله فيك

والله يحفظك النه يارب

وتحياتي لك

[ام فيصل]

صح لسانج عزيزتي
قصيدة رائعة واختيار مميز
عاشت ايدج ولاحرمنا هذا المداد

واعتقد عزيزتي ان المكان الصحيح للقصيدة في منتدى الشعر الشعبي

نرجو ا من الأخوان نقلها الى مكانها مع جزيل الشكر

[براء ابن الرمادي]

وااااه ياديرة اهلنه
خل أسولف ذكرياتي
چانت ايام بحياتي
تمطر اشواگ ومَحَنه
اه ياديرة اهلنه



والله كلام من القلب خارج

عاشت الايادي يا غيوره

تحياتي لكي

يسلمو عزيزتي العراقية الغيوره
وعاشت ايدك
اختك
العاااااااااااشقة

مؤثر والله
اه يا ديرة اهلنه
آه آه آه
وسلامي لك
العااااااااااااشقة

[سلام الدراجي]

تسلمين اختي عراقيه غيوره على هذه القصيده النقوله لكن موقعها في قسم الشعر الشعبي بارك الله بيچ