طاح عگال اهلنه ومالت الغتره
احچي بالعـــدل طـلعـّها للـــــــدره
دم ايفور گــلبي وانـت بارد ليش ؟
إنشگ ثوب الصبر وانكشفت العوره
شتگلي شتجاوب ماكو شي ينگال
لتگلي عــبــيـد وانــت مـن حــرّه
ذاك الوكـت راح وهـسـه موت ونار
المايگعد عـدل ينفصم نص ظهـره
عيب اعله العروبه وحيف يا فرسان
مال عگال اهـلنه وطاحت الغــتـره
000
أنه بتالي العمر وامداور اللحظات
ما عندي الأخسره وما عليه ندمه
-
أنه حچاية بخت وتعنت لفرعـون
والفرعـون بالسكرات ناسي اسمه
-
وانه اتمنيت قطرة سم بحلگ الموت
وانزل عاللــئـيــم وأســري ابـدمــه
-
وانه اتمنيت سيف وأطعن الجلاد
لو طلقة شرف ما شايله الرحمه
-
وانه اتمنيت روحي سهم وسط اچلاه
وايمـرعـد كيانه وايـكسر ابعـظـمـه
-
شباقي شننتظر مو صرنه ساحة موت
وطيبتنه استحت بس احنه مو غشمه
-
ولأن طيبة أهلنه اتعدت المطلوب
ما نـــقـــبــل اديــنـه بعار تـتـدمه
-
واحنه اهل الشرف والغيره والناموس
من نــغــتاض نـنـزل عالقــدر نقـمـه
-
واحنه سباع ليل اومـصبحين انغير
لا نور اليكــضنه ولاتــكـظ عـتـمه
-
احنه ابعز صبانه وصرنه سد للموت
وصدينـّه البحر والبحـــر شيــلـزمه
-
لكــن يا بـشر متگـلي تالي شلون
إذا نسكت السكته اتخـنـث الزلمه
-
واحنه ازلامها وخل تكبر وشتصير
اندگ راس الطغاة وعرشه انهدمه
000
بقلمــــــــــــــــــي 0
رد مع اقتباس
رد: طاح عگال اهلنه ومالت الغتره
رد: طاح عگال اهلنه ومالت الغتره
المشاركة الأصلية كتبت بواسطة الشيخ ابوحيدر
