أذا جيبك ثكل لاتكبر اعله الناس

[امير الاحزان:]

أذا جيبك ثكل لاتكبر اعله الناس

معروفه الزباله امن الوسخ تكبر
وسخ دنيه الفلوس وما تعلي الجاه
واليعله ابوسخ من الوسخ أكثر
أنته اعله الجبل وتشوفنه احنه ازغار
وتظن انشوفك احنه امن البشر أكبر
وهمان اني اكلك مشتبه يا صاح
ثق محد يشوفك لنك الأزغر
ولا تمشي مرح في الأرض ربنه ايكول
وانته امخالف وعل أرض تتبختر
كبل هارون مثلك هم طغه اعله الناس
بس وينه يعمي اوين الاسكندر
مادامت الواحد دنيتك والله
ولو دامت كبل چا دامت الهتلر
أتهده اعله كيفك والعن الشيطان
شما جدمك قوي من تطغه ثق يعثر
صح بعض البشر تحترم أموالك
مو تحترم شخصك ولك لا تنغر
المال امن البخل لو من حرام ايصير
أبو الحسنين كايل والنعم حيدر

لجل مالك الحبك ما يحبك
والعنده كرامه مايه حبك
چذب والله اليكلك مايه حبك
لأن تروي الردي الفلوس هيه

م\ن

والله وصح اللسانك احلام
كلمات على الجرح
دومك مميزه باختياراتك
لا عدمناك غاليتي
مودتي مع باقات وردي
اخوك الامير

[أنثى شرقية]

والله وصح اللسانك احلام

كلمات على الجرح
دومك مميزه باختياراتك
لا عدمناك غاليتي
مودتي مع باقات وردي

اخوك الامير

تسلم اخوي امير الاحزان لمرورك العطر
وصح لسان الشاعر الي صاغ هذه الكلمات
ممنونه لمرورك العطر
كن دوما بالف خير
تحياتي