احسابها اشتحسب .........

[أنثى شرقية]

احسابها اشتحسب .........عليمن تشره وتعتب


دنيا اوضاع بيها الزين...وتساوى الكشر ويه اللب

ناس وعايشه بوجهين .......حيره شتكره وشتحب

يكلبي الدنيا شرجي وياك...... هيهات الشمال
يهب

دفتر صرت للصدمات............ وقلام الدهر تكتب

جرحي لا دوه يمض بيه .....لا شل لا نفع بيه طب

عمر وكضيته بالحسرات ........تجلوبة عمه يجلب

ليمته اتنطر المامش ...........واذوب بنار حسراته

وليمته اتسامر ويه الليل ........وتناغه ويه نجماته

حسبت اليزرع الطيبات.......... يتجازه على طيباته

وحسبت اللي يحب الناس ........يترهى على كلفاته

غم عيني عل َهل الحسبات ....غم ظني على خيباته

اثاري بنادم من يطيح........... اخوته تصير شماته

عسنك برده* من هل الحال ....وعسى جرحك يكلبي يزيد لجماته

يلن طبعك طبع هاون............ تجيه من ايده طكاته



م\ن

[عمار الغزي]

دام لنا هذات الابداع احلام
عاشت الايادي

[al_iraqia]

وحسبت اللي يحب الناس ........يترهى على كلفاته

غم عيني عل َهل الحسبات ....غم ظني على خيباته

اثاري بنادم من يطيح........... اخوته تصير شماته

عسنك برده* من هل الحال ....وعسى جرحك يكلبي يزيد لجماته

تسلمين اختي الغاليه على الموضوع الرائع
وتقبلي تحياتي مع الاحترام والتقدير

[وائل الطائي]

شكرا الج اختي على الموضوع الجميل

[أنثى شرقية]

اسعدني مروركم حياكم الله وربي يخليكم ويحفظكم جميعااا
عمار الغزي
بغداديه وافتخر
اسد العالم
ممنونه لمروركم العطر والمميز
ربي يحفظكم جميعااا
تحياتي اليكم

[احب دلعي]

راااائع جداااااا
شكرااا

[الشاعركريم السلطاني]

حياك يااحلام على هذا النقل الرائع
حقا علية ان افتخر بك على هذة الثقة العالية بالنفس
تسلمين مرارا وتكرارا
السلطاني

[أنثى شرقية]

اسعدني مرورك شاعرنا المبدع كريم السلطاني
ممنونه لتواصلك الدائم حياك الله
كن دوما بالف خير
تحياتي الك