زهيريات الكناري
زهيريات الكناري
1
ياداعج العين ياللي من هواك انهــــــــــار
دمعي ملا مهجتي وفوك الخدود انهــــــار
لوخيروني انا بجنان فوك انهـــــــــــــار
ما اختار غيرك ابد بيك انت وحدك اجـــــن
هاك اخذ روحي الك من الشعر انهل واجن
طيور السعد لوتجي وياك كلهن اجــــــن
هايم اظل ياترف بهواك ليل انهـــــــــار
الكناري
يونس الجبوري
2008
*****
2
ياصاح دمعي انتثر فوك الخدود وهمل
واللي نحبه بعد هم عاف ودنا وهمـــل
ذولاك احنا نظل لحبهم ننـوح وهمـــل
هم الاصل والفرح وهـم الوفا والطيب
باسمائهم ينذكـر ريـح المسك والطيب
اوصيك يا صاحبي لاتترك اهل الطيب
اللي لودادك شرا وما خان فيك وهمل
الكناري
يونس الجبوري
31/5/2009
نشر بتاريخ 03-07-2009
*****
3
لهمس القوافي يروحي بشوق مرينا
شفنا السعاده تنادي اجروح مرينا
ذقنا فبعادك ترى من الجور مرينا
ياللاسف حالتي عكبك صفت بالضيم
من بعد ذيج الليالي بالحضن و الضم
دار الزمان ورحت عني بعدت والضيم
والضيم انج بعيده لو صحنا مرينا
*****
4
تجري الليالي بعكس منريد مجراها
ولعبت بحالي لعب ماراد مجراها
ريّض يالابهر تراهي دماي مجراها
بالعكس صاير وريدي هو يضخ الدم
وما غير قبري ابد لو عجلو لي الدم
العين بالعين لكن حرت انا بالدم
دمي نذرته لمن بالدم مجراها
الكناري
يونس الجبوري
الجمعه
26/6/2009
نشر بتاريخ 04-07-2009
اتمنى ان تنال رضاكم
وافر التقدير
رد مع اقتباس