الوصية

[الشاعركريم السلطاني]

اذا رايد حبيبي اتسافر ابعيد
هاك اخذ الكلب وياك تذكار
عون ايصير الك ابساعة الضيج
ولومال الوكت وياك وندار
يخفف بالبعد من وحشة الليل
ولو غابت سمسنة ايصير الك دار
واذا يوم اليالي اتعيل وياك
ويشوفك وحيد ومالك انصار
انة كلبي اعرفة وزين ادريه
اهلك والصديق ايصير والجار
ولو يوم اعطشت من نبضة يرزيك
ولو جاسك برد يغديلك النار
واذا شافك حبيبي الليل سهران
مخطوف الوجة وبامر محتار
سلوة ايصير الك يجليلك اهموم
وهموم الغريب اتصير زنجار
واذا اشموعك كظن ذوبهن الليل
سارج ايصير بدروبك والانوار
اسمع يالمحب رايد اوصيك
احذر هالزمن من طبعة غدار
صحيح وياك يظحك هو مرات
لاجن من تطيح ايصير منشار
للضحكة الزمن يحسب ترة احساب
ومن طبعة اعلة نفسة ايصير جبار
ايدك لاتمدههابعوز للغير
وادريبك شهم ماتقبل العار
لاتنسة الوطن بيه انة اوصيك
لن ار
ميعوض هواة الذهب والمال
ومابيهه شمر من غيرة الاشعار
اخذ صورة عراقك وين متروح
ترة بلية الوطن ماتحلة الاعمار
ومكل ماي يروة كلب عطشان
مثل دجلة ابد ماتحلة الانهار
ومثل طعم التمر ماتلكة بالكون
كبلك يالمحب جربت الاثمار
ومثل شط العرب
ماتلكة هيهات
والخورة وجمال السوك عشار
ومثل ملكة الاهل ياولفي للظيف
راعي البيت يصبح وهلة خطار

[امير الاحزان:]

اي والله وصح اللسانك
وحيا الله اهلنا بالخوره والعشار
حلو معشر وملكا
تقبل تحياتي
اخوك الامير

[الغربه]

مثل دجلة ابد ماتحلة الانهار
ومثل طعم التمر ماتلكة بالكون
كبلك يالمحب جربت الاثمار
ومثل شط العرب
ماتلكة هيهات
والخورة وجمال السوك عشار
ومثل ملكة الاهل ياولفي للظيف
راعي البيت يصبح وهلة خطار

الله يالسلطــــــــــــــاني
ابــــــــــــدعت فالقصيــــــــــده

ماشــــــــــاء الله عليك
مــــــــع تحيــــــــــاااتي لك

[ام علاوي]

قصيده رائعه يابو حاتم

لما تحمله من عتاب للحبيب
شكرا للنثر الرائع
يسعدني دائما التواجد بين سطورك اخي الكريم
كن بخير

[سلام الدراجي]

اي والله وصح السانك ابو حاتم
رائع ما سطرت لنا ياشاعر
احسنت وبارك الله بيك ياورده
تحياتي مع تقديري