شكتب ياشعر يايمه حتى ارضيج
واني ادري الشعر لوشافج اتوطى
احلى من الكمر لوردت اقارن بيج
عالي ادري الكمر بس لجلج اتوطى
ياسبحان ربي شطيبه يا أم الخير
كل بحر الحنان بكلبج شحطى ..
........................................
جيت اكتب لعيونج ومضه
كامت تبجي عيون المطلع
من كلمة يايمه بحسره
كلب المقطع شفته تكطع
من شافج كلج حنينه
وترابج بي تسجد دنيا
يل حنيتج كبر الكون ..
لا اكبر من هذا الكون..
بكد فرحة ناس يغنون .
يل طيبج كد ما عانينه
بكد ماشاف الضيم اعراك ..
بكد سوكـ الايتام العدنا
بكد مانفطه بغفله انباك ..
يل جنه انتي بهاي الدنيا
والدنيا بدونج مأســـاة
ومنريد احنه بيوت تلما
بفلت (قصر ) حضنج يمه انبات ..
..........................
امي ماترضى فقير يمد اديه
كبل ليمد ايده تنطي روحها .
امي حتى الدمع من تبجيه يتيم
امي عل ايتام كضت نوحها ..
امي حب حسين وي دمها يسير
وانرسم عباس بين اجروحها ..
امي تحزن حيل من صوت انفجار
لأن كلب امي الترف ينزف عراق ..
امي سنه وشيعه واكراد ومسيح
امي ماتقبل يمر بينه انشقاق ...
امي لومسكت جرح رأسن يطيب
امي كل مجروح صارتله دواء ...
امي كد ماصلت وصامت سنين
كامت اتنام اعله ايديها السمــــــــــاء...
منقول