قصيده بخت يونس
الاخوه الاعضاء
السلام عليكم ورحمه الله وبركاته
حبيت انقل لكم قصيده سمعتها في الامسيه المقامه في اتحاد الشعراء يوم الجمعه بتاريخ 16 \10
أمل ان تنال اعجابكم
بخت يونس
لولينه الخلگ والحسبة ماتت خوف
وبطن الليل عذره بيا ذنب تطلگ
وخيطنه الأمل والابره ملت رووف
وحسب للمطر لو خيمتك تنشگ
لزمنه المستحاه ومشلحه عين الناس
هم شايف أيدين مزنجله وتصفگ
ولاوينه الوگت والوگت گأل احاه
وحافي اچدامنه وتتسابك وتطرگ
يل معزب دفتحه الباب المسرگ
چنت تعرف الضيف ألچايك عل ألطگ
وچنت تعرف بليل الباطل من ألحگ
بخت يونس ألعندك لا تظن تغرگ
ولا أتجيب الاصيله الجامحة أعله الرگ
دخلي أيدك بيديه وچفنه يبقى أشراع
وحط الروح ثايه بكاعتك وندگ
عفت طير البراري ولبطة الكطان
ويمدلوله عفته وزمره المطبگ
دخلي انعوف كلشي وننسه كل ألصار
وصير أنت المغرب وانه المشرگ
ونعوف البنود وصفحه الدستور
ونعلنه انتفاضه ونحچي طگ بطگ
تره اليعبدله نار ألجنته لا تدناه
تصب تيزاب جنته وبالعجل تحرگ
گبل صح عدنه حب وبيتنه من الطين
بس أنصير ذري أبساحته اليندگ
أشباح المصايب ردهة بلله عليك
وكش غراب بيتك كافي بس ينعگ
ربح شيطان جارك سلعه الأرواح
ولحگ لا يجيك وروحگ التزهگ
دروح اشري بلالك صخرته تناديك
بصدره وما دريت اچدامگ التسحگ
ولا تضلمه ريتك من يطبهه أنفاس
ولا تتهمه باطل خشمك اليشهگ
ولا تصدگ ألگأع أتصير ثلث أجزاء
ولا تصدگ بعير من الزرف يمرگ
الشاعر
عماد سامي
رد مع اقتباس
