ابوذيات عاشق الحب

[نسيت انساك]

اليالي كثر باطلهن وشرهن
وبعد مااعتب عليهن وشرهن
شبيعن لليداعيني وشرهن
البقن بالدار كلهن موش اليه







عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه






صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه








بوسـط دلالي نامــي - وانتي ظلي
واذا حُبـــي ظلالــه - انتي ظلي
اشوفچ ؟ وين اشوفچ - وانتي ظلي
اذا جوه الضـــوّه تصيريــن بيه

عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه







صرنه نجوم لكـن - مالمعنـه
والف يا وسفه بختك - مالَ معنه
زعلـك صـار ماصـخ- ماله معنه
اراضيـك وترد تزعــل عليـــــه









منقــــــــــــــول

[سلام الدراجي]

الله ياغيث ابوذيات رائعه
اختيار موفق جدا يذواق
احسنت واجدت بوركت
تحياتي

[نسيت انساك]

شكرا لك سلام على المرور الجميل تقبل تحياتي الحاره

[امير الاحزان:]

حلوه..اي نعم ابوذيات حلوة اخونا الغالي غيث
دومك مميز في انتقاءك للمفردة
حبذا لو يصار الى ان نرى نتاجاتك..
فمن كلمة كلمة ..الواحد يتعلم
*****
تقبل تحيات اخوك الامير

[أنثى شرقية]

صفيت اصفك يمنه فوك يسرة ...
ودمع العين على الوجنات يسرة ...
وربي يكول بعد العسر يسرة ...
العسر شفته واليسر مامر عليه



اي والله خويه مامر عليه
عاشت اناملك لنقلك المميز
دوم الابداع
تحياتي

[مريم جبران عودة]

عطـش گلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه




بالفعل رائعة اخي العزيز

شكرا لكم على النقل المميز

تقديري لكم

[شاعر الرومانسيه]

شكراً اخي العزيز على النقل الرائع ,,,,,,,,,,وتحياتي لك اين ماكنت






شاعر الرومانسيه