هنيالك لأن مرتاح صافي البال ...

[أنثى شرقية]

هنيالك لأن مرتاح صافي البال ...

وهنيالي الحزن وي كلبي شو يسكن

يحضني حضن هالحزن مدري شبي
يمكن شم جروحي وضل علي مدمن

ويمكن عاشراني وحبني باول يوم
ويمكن لين اني وبييه ضل يعجن

ويمكن جيف احبك حب شخص مجنون
منك غار حزني وبييه ضل يطعن

ويمكن (شرد اكلك والله عقلي احتار)
وتدري بهالزمن كلشي اعتقد ممكن

بحيث انه اعتقد كد ما سألت الروح
يمكن (حته يمكن سألت اليمكن)

حبك مو طبيعي شوكت منه ارتاح
حبك جن مرض بجروحي ضل يسكن

بس بكد محبتي الي عشتهه وياك
ماريدك بعد ماريد الييه تحن

يـــــاكلبي انلصم لاتبجي وك بس عاد
ولك طبك مرض لاتضل بس تون

لتحب اليكرهك ها يكلبي شبيك
جازوك بهجر خيبو بيك الضن

انساهم يكلبي وانسه كل الصار
لتفكر بعد بيهم ولاتصفن

باعوك بثمن ..لا والله ماينكال
مايسوه الحزن ياكلبي لاتحزن

كلتلك من كبل ياكلبي من شهور
اي مو وصيتك اني وكلت لتأمن ؟

بيهم امنت شو بالهجر جرحوك
وحته الموت من هذا الجرح اهون
وحته الموت من هذا الجرح اهون

م\ن

[سلام الدراجي]

الله يااحلام ما اروع ما قرات عتاب جميل
يسلملي ذوقك على حسن الاختيار
دمتي بحفظ الرحمن بارك الله بك اختي العزيزه

[محتاره]

ويمكن (شرد اكلك والله عقلي احتار)
وتدري بهالزمن كلشي اعتقد ممكن



بحيث انه اعتقد كد ما سألت الروح
يمكن (حته يمكن سألت اليمكن)



حبك مو طبيعي شوكت منه ارتاح
حبك جن مرض بجروحي ضل يسكن



بس بكد محبتي الي عشتهه وياك
ماريدك بعد ماريد الييه تحن

الله على هالكلمات

اختيار مميز ونقل رااائع

سلمت اناملك

مودتىى

[ام علاوي]

قصيده رائعه يااحلام
شكرا لبديع مانقلت
اختيارات موفقه دائما
دام لنا احساسك المرهف
لك كل الود غاليتي

[أنثى شرقية]

اسعدني مروركم اخواني وخواتي الطيبين ربي لايحرمني منكم ومن تواصلكم الدائم ودمتم بالف خير
وتحياتي لكل شخص شرفني هنا