الف مبروك

[الشاعركريم السلطاني]

ميت الف مبروك اكلك
انة ماعندي بديل
روح اللة وياك سافر
اتركني مشدوة وعليل
بحيرتي وهمي وعذابي
والمضة وراح وشبابي
شهكتي وذاك السهر
ودمعتي وكسر الضهر
كلي من مثلي خسر
الشفتة منك ومقليل
ميت الف مبروك اكلك
انة ماعندي بديل
روح اللة وياك سافر
شق طريقك بالحياة
اتركني وي احلامي ابقة
ادري حبك ذاك مات
خل اعيش وية الصبر
شيب الراس الكبر
كلي غيرك شنتظر
بس دمع عالخد يسيل
هاك اخذ وياك كلشي
انة بعدك شلي بية
وراح هذا الباب اسدة
البابة مااوصل وجية
الزاد بعدك ياحبيبي
لاتظن انة اشتهيه
وابقة من غيرك ذليل
ميت الف مبروك اكلك
انة ماعندي بديل

[منى العراق]

كلام جميل جدا ويسعدني ان اكون اول المارين بقصيدتك الجميله

[سلام الدراجي]

حلو ابو حاتم قصيده جميله وكلام سلس رائع
بوركت ودام نبض قلمك المتواصل

[الغربه]

انة ماعندي بديل
روح اللة وياك سافر
شق طريقك بالحياة
اتركني وي احلامي ابقة
ادري حبك ذاك مات
خل اعيش وية الصبر



روووعه اخي الكريم ومبدع كعادتك

وفقك الله

[ام فيصل]

هاك اخذ وياك كلشي
انة بعدك شلي بية


ايها الرائع
قصيدة لملمت مابقى بالروح من اشواق
ونثرت حزنها لتنازع الرحيل والفراق
جميلة هي مفرداتك --- وعذب هو بوحك

تحياتي للسلطاني

[randa2000]

روح اللة وياك سافر
شق طريقك بالحياة
اتركني وي احلامي ابقة
ادري حبك ذاك مات
اكتر من جميلة هذة الكلمات
واتمنى لك المزيد والمزيد من اخواطر والكلمات لتسعدنا بها
تقبل مرورى

[شاكر الهلالي]

رائع جدا اخي العزيز شكرا لك

تقبل مروري بموضوعك 0