فرق بينك وبيني

فرق بينك وبيني امن السمه للگاع
انه ازرع ورد وچفوفك اتحشه
طيفك من يمر صدگني افرح بي
واذا طيفي يمرك رمشه ينشه
ضل ملكي وحيد الخاطرك يا حيف
أنته تشيل جندي وبيدك اتكشه
ماغشيتك اني وطبعي مو غشاش
ليش انته اليحبك طبعك اتغشه
شلت منك وحشتك من طحت بالظيج
جا هاذي جزاتي اتحطني بالوحشه
أصيحك ماتجيني وانته من اتصيح
أجي يمك گبل لا تكمل الرمشه
واذا بكلبك تسولف أسمعك شتگول
واذنك من اسولف تنگلب طرشه
نقشت احروف أسمك بالگلب عنوان
وانته اسمي بكتابك ترفض اتنقشه
على طولك أطشن ورد لو مريت
وعلى طول أسف گلبك حقد طشه
بدم صدگ ارشه الي يرشك ماي
والرشني بدمه چفك ورد رشه
جبت جدمك ابأرضي الشالت اعله اجبال
وانته تخلي جدمي ابأرضك الهشه
أنه كلي انكمش ما بيه شي مضموم
وانته المخفي كلك ما ألك كمشه
ما صدگ أبد تنساني يبن الناس
ولكن اني اعرفك للذكر تخشه
أنه عشك صرت لمن لفاك الظيم
والعنده وفه ما ينسه ابد عشه

الشاعر
احسان القريشي

__________________

من الساء للوادم انه احسان
الكل الناس ما سيئن أنه احسان
يل تنشد على اسمي أنه احسان
القريشي الشاعر الحامل قضية
منقول

[سلام الدراجي]

صح السانك اخي المحظوظ قصيده رائعه يلسم يراعك
ويسلم ايد الشاعر دمت بخير وبارك الله بيك

[امير الاحزان:]

ما صدگ أبد تنساني يبن الناس
ولكن اني اعرفك للذكر تخشه
أنه عشك صرت لمن لفاك الظيم
والعنده وفه ما ينسه ابد عشه
***********
والله وانتا الصادق اخوية الغالي
تسلم ايدك
وصح اللسان شاعرنا القريشي
تحياتي
اخوك الامير

[رنا العراقية]

ماغشيتك اني وطبعي مو غشاش
ليش انته اليحبك طبعك اتغشه
شلت منك وحشتك من طحت بالظيج
جا هاذي جزاتي اتحطني بالوحشه



صح اللسانك شاعر نة احسان القريشي


وتسلم لنا على الذوق باختيار الكلمة الجميلة


تحياتي

ماغشيتك اني وطبعي مو غشاش
ليش انته اليحبك طبعك اتغشه
شلت منك وحشتك من طحت بالظيج
جا هاذي جزاتي اتحطني بالوحشه



صح اللسانك شاعر نة احسان القريشي


وتسلم لنا على الذوق باختيار الكلمة الجميلة


تحياتي

شكرا لكي اخت رنا العراقيه
هذا من حسن ذوقكم
وجمال اسلوبكم
واريد ان اضيف ملاحظه
انا لست الشاعر احسان القريشي
بل نقلت هذه القصيده التي كتبها
واحببت ان انقلها الى انضاركم
مع تحياتي

ما صدگ أبد تنساني يبن الناس
ولكن اني اعرفك للذكر تخشه
أنه عشك صرت لمن لفاك الظيم
والعنده وفه ما ينسه ابد عشه
***********
والله وانتا الصادق اخوية الغالي
تسلم ايدك
وصح اللسان شاعرنا القريشي
تحياتي
اخوك الامير

مشكور اخ امير الاحزان
على مرورك الطيب
وربي لا حرمنا من صدق نواياكم
مع تحياتي

صح السانك اخي المحظوظ قصيده رائعه يلسم يراعك
ويسلم ايد الشاعر دمت بخير وبارك الله بيك

تسلم يا اخ سلام
ما هذه الغيبه صارت مده طويله لا ترد على مواضيعي
ولكن تبقى غالي
تسلم مشاعرك وكلامك الطيب
مع تحياتي

[ام فيصل]

أصيحك ماتجيني وانته من اتصيح
أجي يمك گبل لا تكمل الرمشه
واذا بكلبك تسولف أسمعك شتگول
واذنك من اسولف تنگلب طرشه

عاشت ايدك يامبدع
اختيار مميز
الف شكر لك على هذه القصيدة الجميلة
ولاحرمنا هذا العطاء
مع خالص تحياتي