ارجع ... قصيدة لمن جاء بعد فوات الأوان ؟؟ بقلمي

إرجع

بعد ماريد أشوفك ليش رديت .!!
ارجع توني أحسن حبك انسيتة َ
إذا ضنيت باب أبكَــلبي مفتوح
الك .... ارجع بابك هذا سديته َ
ارجع لاتجيني أذنوبك أكبـــار ..
اكبـر من فــراغ البيــه خليتـه َ
انه انطيتك حلم كَد حلمي الضاع
كَلي انته بعشرتك شنهي الطيته َ
مشه ولسة على رمشك حلمي مصلوب
حِلم شايـل أحلام بصلب جازيته َ
صح مجروح بس إذا ذلة أيصير
وَني كَـبال شامت طرب سويته َ
من مات جرحي .. شلون خلة أيتام ؟
ماينسون أبوهـم ..نفس تربيته َ
من شموا حزن بأول أحروف البيت
تشلبوا على السطور وردوا ألبيته َ
شفتك ويه غيري الليل شاهد جان
علمتـه على سـرك وانته دليتـه َ
جذبت العيون وكلت غيره أيجوز
لا .. هوه .. عرفته وريحه شميته َ!!
ركضت أعله السراب وأنته موعطشان
من غـرك رحتله وادري ملكَـيته َ.؟
كتلك لاتروح وذنبك ايعت بيك
مشيت أوياه طوعــاً وأيدك انطيته َ
هم شايف نعش مابيه بس أحلام ؟؟
ماتن والظَهّــر من ماتن أحنيتــه َ.
مقتل والضحايا أحلام وحديثات
وجرت دم المدامع لمـــن أقريته َ
جرح ينزف أبراسي وشدته اشلون
حتـه اكَـطع نزيفه الـراس شديته َ
صح خسران بس عود مثلك .. لا
اجيت انته أبمذلــة البابي دكَــيتـه َ
ذَنب جانت عِشرتكْ وآنه ندمان
حَل فرض الهجـر وعليك صليته َ

تقبلو تحياتي / foraten.net/?foraten.net/?foraten.net/?foraten.net/? توفيق العابدي

[عباس الفرطوسي]

حلو .. حلو ... كلام جميل احييك يا foraten.net/?foraten.net/?foraten.net/?foraten.net/? على هذا الابداع .. زدنا بما يفيض به خاطرك

عباس الفرطوسي ... انت المبدع
نورت الصفحة بوجودك
لكَ حبي

[سلام الدراجي]

عاشت ايدك foraten.net/?foraten.net/?foraten.net/?foraten.net/? قصيده رائعه نتظر جديدك
تقبل تحياتي مع فائق الود والتقدير

[أنثى شرقية]

هم شايف نعش مابيه بس أحلام ؟؟
ماتن والظَهّــر من ماتن أحنيتــه َ.
مقتل والضحايا أحلام وحديثات
وجرت دم المدامع لمـــن أقريته َ
جرح ينزف أبراسي وشدته اشلون
حتـه اكَـطع نزيفه الـراس شديته َ
صح خسران بس عود مثلك .. لا
اجيت انته أبمذلــة البابي دكَــيتـه َ
ذَنب جانت عِشرتكْ وآنه ندمان
حَل فرض الهجـر وعليك صليته


عاشت اناملك اخوي الكريم ننتظر جديدك
تحياتي

نورتوا كلماتي احبتي
لكـــــــــــــم حبـــــــــــــــــــــي

foraten.net/?foraten.net/?foraten.net/?foraten.net/? العابدي