وي طير المهاجر ....

[عبد الكريم البصري]

وي طير المهاجر ابعث سلام الكم
عليم الله شكثر مشتاك اشوفنكم
======
لو طرت بسماهم اكرب للارض يا طير وناديهم
بلغهم سلامي وبوسه ليديهم
كلهم ما ينام الليل
فركتكم تهد الحيل
قسه بينه الزمن وهواي عذبنه
========
اخذ عيني يطير وياك خلهه تشوف الاحباب
عمت عليهم من البواجي والكلب ذاب
شوفتهم كحل للعين ودوه
هاي الروح الهم والكلب فدوه
انهجم بيت الدهر بالغربه ذبنه
========

عبدالكريم البصري

[محتاره]

عاشت الايااادي اخويه

مجهود رائع

شكراً من القلب

مودتىى

[مريم جبران عودة]

ما أعذبها من كلمات

تحاكي خواطرنا هذه الأيام

شكرا لكم

وننتظر الجديد

[ام فيصل]

منور يالبصري
اسعدنا تواجدك بعد غياب طويل !!!!

كلمات جميلة
والأجمل منها الإحساس الذي تخلل السطور
دام لنا هذا النبع الصافي
مع تحياتي لك