قصيدة احبك لشاعر (عبد الحسين الحلفي)

[عمار الغزي]

احبك مو لان انت حلو لا
لان روحي التقت كبلي ولك بيك


اذا انت تمر على الاعمى يصيح الله
والاخرس لون حاجيته يحاجيك

اذب كلبي على سهمك وانا مجروح
واكلك دير بالك خاف اذيك

اجرحني ولك بس كون علكيف
لان انت ويدمي وخاف ابديك

اجرحني ولك بس كون ماموت
حتى من يتهمونك ابريك
على المرايا وكفت ماشفت وجهي
شفت وجهك طلعلي وكمت احاجيك

وثبت بمرايتي وجهك مرايات
وتباوع وجهه مرايتي بيك

بكذلتك شد ركبتي وطلع الروح
اريد انهى بعد تتقرب عليك

انت بحضني بس اعتبرك بعيد
اريدن هيج كون انا انخبط بيك
ابياشارع مشيت كبالي الكاك
ادور بغير شارع حافي الكيك

ارد للبيت كبلي الكاك بالباب
اطب كبلي تطب وتكلي اتانيك

تالي الليل اكلهم باجر انساك
افز من غبشة الله واحجي بس بيك

بغيرك فكرت حتى انساك
طلع غيرك يشبهك فكرت بيك

منقول

[سلام الدراجي]

كيف لا تكون رائعه تلك القيصده وهي لشاعر كبير مثل عبد الحسين الحلفي
مشكور اخي على النقل ولو كنت اتمنى ان تنشره في وقت اخر للغايه في نفس يعقوب
ولكن ؟ تسلم وبارك الله بيك

[الغربه]

احبك مو لان انت حلو لا
لان روحي التقت كبلي ولك بيك


اذا انت تمر على الاعمى يصيح الله
والاخرس لون حاجيته يحاجيك

اذب كلبي على سهمك وانا مجروح
واكلك دير بالك خاف اذيك

اجرحني ولك بس كون علكيف
لان انت ويدمي وخاف ابديك


قصيده مميزه جداااااااااااااا ومشكووور
وباارك الله فيك اخي للجلب المميز

[عمار الغزي]

تحياتي لك اخ سلام شكرا لك ولمرورك الكريم والغالي
يارب تكون هذه الغاية غاية خير
اسعدني تواجدك معي اخي الغالي
تحياتي لك ولشخصك الكريم
اخوك الغزي

[عمار الغزي]

تحياتي لكي اختي الغالية سفانة شكرا
لكي ولمرورك الغالي اسعدني تواجدك معي
لكي مني كل الحب والتقدير

[عمار الغزي]

تحياتي لكي اختي الغالية سفانه
شكرا لكي ولمروك الغالي
اسعدني تواجدك معي
لكي مني كل الحب والتقدير