تعود مجاراتي لام علاوي(3)
السلام عليكم رواد منتدى الشعر الشعبي..
أرجو ان ما نكون قد اثقلنا عليكم..بمجاراتنا..لكنها المفردة فرضت نفسها علينا..
ولكم ان تستمتعوا..او ان تنغاضوا..فبالحالتين نحن لكم ممتنين..
في ردها الاخير لي.. اختي الغالية (ام علاوي) قالت:
********
احبك والله احبك والدموع اشهود
احبك لو تعذبني ولا ازعل
احبك والله احبك واليحب يشتاق
ومن طبع اليحب مايوم يتبدل
ومااعوفك لون بيدك تطلع الروح
واضل طول العمر عنك اظل اسأل
اضل اسأل عليك شصارلك ماصار
واضل انطر طريقك بلكي بيه تجبل
يابلسم جروحي ومهجتي ومناي
لاتتركني اتيه انه بغيتك مندل
تعمه عيوني اذا مر يوم ماشوفك
وفدوه عيوني الك يالغالي المدلل
وتحيااااااااااااتي الاخويه للامير الحزين
اختك ام علاوي
***************
وكان جوابي لها:
وصلني اليوم من عدكم يالحباب
كلام داش في روحي وشلهه.
فطوري صار في حبكم بالارطاب..
يمل الصوم روحي من يملهه
انا الضميت صوره الك بكتاب
لكيت الصوره بس يدمع همله
تحبيني بدموع ادموع من تاب
حياتي انتي مهجتي ..الروحي اجله
يشوك البيك شيبني ولا شاب
ويلوعه البيه من عندك اصله
عزيز وصاح شرفني على الباب
يريد الحزن دنياي يصلهه
انا الضنيت ضني ابد ما خاب
وانا الماخب ضني من حضنهه
اتيه بغيبتك ضايع بالغراب
وتضل تاخذ ادروبي من مثلهه
تكرم عين تفديني يحباب
بدل روحك تضل روحي بدلهه
******
مع فائق الود لاختي الغالية (ام علاوي)
احزان الامير كانت هنا
رد مع اقتباس