اخواني الشعراء قدموا عيدياتكم لليتامى والفقراء
السلام عليكم
اعود اليكم من جديد اخواني الاعزاء بموضوع جديد هذه المرة على امل ان ينال اعجابكم
معايدة شاعر
خلص رمضان ياموطنه هالعام
عسا يرجعلك بخير وسلامة
واجاك العيد حتى اتعيد الأتطفال
وجبيرك للحزن يرفع اعلامة
جان العيد فرحة وضحكة وورود
وتسيارة وونس ليه العلامة
هسة العيد نص المكبرة يصير
لان كل الشعب صاروا يتامة
ندور عالضحك ونعاتبة نريد
نياشين احنه خل يرمي بسهامة
طحنة بعد مانتحمل هموم
وبعد الكلوب ماتحمل ملامة
نلوم الروح لو فاركنة الاحباب
ونجر حسرات وهموم وندامة
كون الموت اخذنة بصف الاعزاز
ولاهيج الزمن صار انتقامة
العيد ان ماتجي صدكني ارتاح
وطلتك مارد وتمرد جدامة
مانحمل بعد نغتاظ كل حين
وذكر الاحباب يحفر كلبي قامة
والله لو شفت وش صار بالعيد
جا ماجيتنه ومرفوعة هامة
بصباح العيد في كل باب اطفال
الطفل ينطر يجي حيدر امامة
علامات الفرح جانت عله الغيم
وعلاماته غدت راس النعامة
رد مع اقتباس